Filippi 4:18 - Tedim Bible

¹⁸ Keimah in na khempeuh ka nei ta a, ka hau hi! Pasian tungah a lungdamhuai, a san’ huai gim namtui biak piakna ahi note’ hong khak huhnate Epafroditas’ khut sung pan ka ngah maninah ka hau hi.

Tedim Bible Revision 2017

¹⁸ Noteʼ hong piak nate kicing piikpeek hi. Epafroditas in noteʼ hong na khakte hong tunpih ahih manin ka kitangsapna khempeuh kicing kim hi. Hih nate pen Pasian biakna-in na piak uh, lungdam takin a hong san, a namtui nate ahi hi.

Filippi 4:18 Referans Kwoze

Hebru 13:16

Thupha bawlna, sum hawmnate na mangngilh kei un. Bang hang hiam na cih uh leh, Pasian in hih bang biaknate ah a lungdam hi.

Filippi 4:12

Simmawhna ahi zongin, hauhna ahi zongin ka thuak thei hi. Ankhamna, gilkialna, sum hauhna, zawn’nate thuak dinginah na khempeuh panin ka kisin zo hi.

2 KORIN NIHNA 9:12

Bang hang hiam na cih uh leh, hih nasepna in Pasian’ mite lak-a, mizawngte zawn’na a huh tham loin, Pasian’ hehpihna phat nadingin na tampi tawh a dim hi.

Efesa 5:2

Khazih in note hong it maninah Pasian mai-ah namtui om nadingin ama pumpi kipia-in, kibia-in, eite tangding a kipaih mah bangin note in itna tawh gamta un.

1 PETER MASA 2:5

note in zong a nungta suangte bangin a kilam, Kha inn na hi uh hi; Zeisu Khazih hangin Pasian san’ theih ding akilawm biakna a pia thei, a siangtho siampi pawl-in zong a piang na hi uh hi.

2 THESALONIKA NIHNA 1:3

Ute naute aw, na upna uh khang mahmahin, note khempeuh khat leh khat na ki-itna uh zong khang ahih ciangin, kote in hih ding a kilawm bangin note hangin Pasian’ hehpihna ka phat tawntung uh hi.

ROM (Romans) 12:1

Tua ahih ciangin ute naute aw, a hing biakna, a siangtho leh Pasian’ deihna tawh kituakin, na pumpi uh Pasian kiangah na piak nadingun Pasian’ hehpihna tawh kong thuum hi. Bang hang hiam na cih uh leh, tua bang hihna in a kilawm biakna nasepna ahi hi.

Paikhiatna 29:18

biakna tau tungah tuutal a bup-in na hal ding hi; tua in Topa’ tungah meihal biakna ahi hi; tua in a gim namtui, Topa’ tungah mei tawh kihal biakna ahi hi.

Gamlak-vakna 15:3

bawnghon pan hita leh tuuhon pan hita leh thuciamna tun’sak nadingin Topa’ tungah meihal biakna ahi a, biak piakna ahi zongin na piak ciang uh hita leh, Topa tungah a gim namtui bawl nadingin ut thu-a biakna hita leh, a kiseh pawi hunte-ah hita leh na piak uh ciangin,

Sawltak 10:4

Amah in entel a, lau mahmah ahih ciangin, “Topa aw, bang ahi hiam?” a ci hi. Vantungmi in, “Na thungetna leh hehpihna na piak teng Pasian in a ngaihsut nadingin hong kahto zo hi.

2 KORIN NIHNA 11:8

Note nasem dingin adang pawlpite tung pan thaman dangka sang a, amau sum a sut ka suak ta hi.

Gamlak-vakna 7:62

shekel sawm a gik kham pakan khat, paknamtui a dim tawh;