Filippi 4:17 - Tedim Bible

¹⁷ Tua bang ka cih ciangin huhna sumpi a zong ka hi hi, a ci ka hi kei hi. Note ading a gah a khan’na bek ka zong hi.

Tedim Bible Revision 2017

¹⁷ Note tung panin na tampi ka ngah nop man hi lo a, noteʼ hamphatna a kibehlap nading ka deihna hizaw hi.

Filippi 4:17 Referans Kwoze

Titu 3:14

I mite in zong a gah nei lo mi hi loin, kisapnate a ngah nadingun, gamtatna ahoih a hih tawntung nadingun sin uh hen.

Hebru 6:10

Bang hang hiam na cih uh leh, nomau nasepna uh akipan nidang lai-in misiangthote na vaak uh tham loin, tu nangawnin na vaak uh ahi zongin, tua bang hihin ama min hangin na lah uh ki-itna ahi zongin Pasian in a mangngilh dingin thumanlo-pa ahi kei hi.

Johan 15:8

Note in tampi na gah uh leh, ka Pa’ minthan’na na kilangsak ding uh a, note in ka nungzuite na hi takpi ding uh hi.

1 PETER MASA 5:2

Note lakah a om Pasian’ tuu honte cin’ nading thu panin, zawhthawhna tawh cing loin, a siangtho lo sum hauh nading hi loin, hehpihna lungsim tawh,

Titu 1:7

Bang hang hiam na cih leh, Pawlpi siapa in Pasian’ neihsa kempa bangin mawhsak nading tawh a kipelh mi ahi ding hi. Ama deihna a zui mi, mi lungtom mi, zu ne a, a kitawng thei mi, midang a vua thei mi, a siangtho lo a deihgawh mi ahi kei ding hi.

Filippi 4:11

Tua bang ka cih ciangin keimah tunga kitangsapna ngaihsunin ci ka hi kei hi. Bang hang hiam na cih uh leh, kei in ka thuakna khempeuh ah ka lungkim nadingin ka kisin zo hi.

1 THESALONIKA MASA 2:5

Bang hang hiam na cih uh leh, note in na theih uh mah bangin, kote in mi phatna kam khat beek ka zang kei uh a, a kiseel huaihamna lungsim neu kha beek a om loh thu, Pasian in kote ading teci a pang hi.

2 KORIN NIHNA 9:5

Tua ahih ciangin nidang a, kiciamsa note’ sumpi piakna, zawhthawh thu-a piak sum bang hi loin, hehpihna bangin khol kholh nadingin ka u ka naute in no kiangah hong pai masa-in, tua sumpi na kiginkholh nadingun hong hansuah loin om leng, kilawm ka sa kei hi.

ROM (Romans) 15:28

Tua ahih ciangin hih na ka sep a, hih na piakna lim takin ka koih khit ciangin, note kiang tawnin Spain gamah ka pai ding hi.

Johan 15:16

Note in kei nong teel kei uh hi; no kong teel hi. Note pai-in, a tampi na gah khit uh ciangin, na gah uh a kip nadingin kong koih zo hi; tua ciangin ka min tawh thu na nget khempeuh uh Pa in hong pia ding hi.

2 KORIN NIHNA 11:16

Khatvei ka genin ah, keimah in mihai hi ci-in kuamah in hong um kei hen. Ahih kei leh, kei zong a neukha ka kisaktheih na’ngin, kei mihai bangin hong ngaihsunin hong thuak un.

Malakhi 1:10

Vanglianpen Topa in, “Ka biakna tau tungah, bangmah-a a kimang lo mei na tawh mawkmawk theih loh nadingun, note khatpeuh in biakinn kongkhakte khak le uh cin ka ut hi. Note tungah ka lungkim kei a, nong puak uh biak piaknate kong sang kei ding hi.

Paunak 19:17

Mizawngte tungah a piate in Topa’ tungah a pia hi a, Topa in a cingin amaute tungah lohkik ding hi.

Juda 1:11

Amaute in gimna a thuak ding uh hi. Bang hang hiam na cih uh leh, amaute in Kain’ lampi zui-in thaman ngah dingin Balaam’ mawhna a manlangin zui-in a delh uh a, Korah’ lehdona bangin a kisia uh hi.

2 PETER NIHNA 2:3

Amaute huaiham luatna in zuau thu genna tawh note hong kheem ding uh hi. Amaute tungah thukhenna in tang lai-a kipanin ol lo, zekai lo a, amaute kisiatna in zong a ihmu kei hi.

1 TIMOTI MASA 3:3

Tua pa in zu ne loin, midang a sat a vua mi hi loin, a lungduai mi, thusia lamah a kiseel hat lo mi, sum a duh lo mi ahi ding hi.

Micah 7:1

Kei a kamsia hi’ng! Singgah leh leenggah a heu laitak, a gilkial mipa tawh ka kibang hi. Leenggah nek ding om nawn lo a, ka lunggulh theigah beita hi.

2 PETER NIHNA 2:15

Amaute in thuman thutak lam pan pialin, a mangthang uh a, Beora’ tapa Balaam’ lampi a zui uh hi. Tua Balaam in a hoih lo gamtatna thaman deihgawh a,

1 TIMOTI MASA 6:10

Bang hang hiam cih leh, sum hauh nopna in khialhna pawl khempeuh bul ahi hi. Mi kimkhat in sum hauh nopna hangin upna lampi pan paikhia-in, lunggimna apawlpawl tawh amau pumpi uh a vut let zo uh hi.