Filippi 4:14 - Tedim Bible

¹⁴ Ahih hangin gimna ka thuak lai takin note in kei tawh kizopna hangin a pha-in na bawl zo uh hi.

Tedim Bible Revision 2017

¹⁴ Ahi zongin ka lungkham laitakin na hong huh manun hoih mahmah hi.

Filippi 4:14 Referans Kwoze

Hebru 13:16

Thupha bawlna, sum hawmnate na mangngilh kei un. Bang hang hiam na cih uh leh, Pasian in hih bang biaknate ah a lungdam hi.

Filippi 1:7

Note khempeuh ading tua bang lungsim ka neih ding a kilawm hi. Bang hang hiam na cih uh leh, note khempeuh in keimah tawh thupha na ngah khawm uh a, keima thongkiatna-ah ahi zongin, Lungdamna Thu lamah hutna leh kipsakna-ah ahi zongin nong huh uh a, tua thu hangin note kong phawk tawntung hi.

Hebru 10:34

Tua lai-in note in khihna a thuak mite na khasiat uh tham loin, neihsa a phazaw a kip tawntung sum a om hi ci-in thei-in na sum na paite uh hong kisuh ciangin na lungdam uh a, na mang uh hi.

Galati 6:6

Pasian’ Thu a sin mi in a hilhpa tungah a hoihna a om khempeuh hawmsawn ta hen.

1 KUMPI MASATE 8:18

Ahih hangin Topa in ka pa David kiangah, ‘Keima min dingin inn khat lam ding na lungsim sungah a omna thu-ah, tua banga na lungsimah a om hoih mahmah hi;

Filippi 4:18

Keimah in na khempeuh ka nei ta a, ka hau hi! Pasian tungah a lungdamhuai, a san’ huai gim namtui biak piakna ahi note’ hong khak huhnate Epafroditas’ khut sung pan ka ngah maninah ka hau hi.

Mattiu 25:21

A topa in, ‘Thuman, mi diktat nasempa aw, a pha hi. Nang thuneute tungah na diktat zo hi. Thu tampi nang kong uk sak ding hi. Na topa tawh lungdam khawm in,’ a ci hi.

ROM (Romans) 15:27

Ahi hi, lungsim takpi a nei uh ka cih hangin amaute in tuate tungah leiba nei-in a kingaihsun uh hi. Bang hang hiam na cih uh leh, Gentailte in Kha Siangtho piak thuphate Judah mite tawh a ngah khawm uh ahih leh, leitung sum pia-in amau zong Judah mite a vaak ding uh a kilawm hi.

2 KHANG TANGTHU NIHNATE 6:8

Ahih hangin Topa in ka pa David tungah, ‘Na lungsimah keima min dingin inn khat lam ding na ngaihsun a, tua na ngaihsutna hoih mahmah hi;

Mangmuhna 1:9

Zeisu sungah a om gimna-a kipan gam ahi zongin, thuakzawhna ahi zongin, note tawh a thuak khawm, note’ u ahi keimah Johan in Pasian’ thu leh Zeisu tawh kipawl teci pan’nate hangin Patmos kici tuikulh gamah ka om hi.