Filippi 4:11 - Tedim Bible

¹¹ Tua bang ka cih ciangin keimah tunga kitangsapna ngaihsunin ci ka hi kei hi. Bang hang hiam na cih uh leh, kei in ka thuakna khempeuh ah ka lungkim nadingin ka kisin zo hi.

Tedim Bible Revision 2017

¹¹ Bangbangin om taleng a lungkim thei dingin a kisin sa ka hih manin hih bang kong gen ciangin ka kitangsapna a hong pulak nuam ka hi kei hi.

Filippi 4:11 Referans Kwoze

Filippi 3:8

Tua tham loin keimah in Khazih Zeisu ka Topa ka theih tel nadingin na khempeuh supna hi ci-in ka ngaihsun hi.

2 KORIN NIHNA 9:8

Note in na khempeuhah na zat khop ding uh sum a pawlpawl na neih niloh uh a, gamtatpha apawlpawl tawh na dim mahmah nadingun thupha apawlpawl a kicin’ nading Pasian in a hih thei hi.

2 KORIN NIHNA 6:10

a dahte bang ahi zongin a nuam tawntung mi hi-in, a zawng mite bang ahi zongin a ngah a hau mite hi-in, sum khat beek a nei lo mi bang ahi zongin na khempeuh a nei mite hi-in Pasian’ nasemte ka hi takpi uh a, na khempeuh tawh kilangin ka lak uh hi.

2 KORIN NIHNA 8:9

Bang hang hiam na cih uh leh, i Topa Zeisu Khazih in a hau napi-in zawngkhalna a thuakna tawh note in hauhna na ngah nadingun note tangdingin zawngkhalna a thuak thupha hehpihna na thei uh hi.

Hebru 10:34

Tua lai-in note in khihna a thuak mite na khasiat uh tham loin, neihsa a phazaw a kip tawntung sum a om hi ci-in thei-in na sum na paite uh hong kisuh ciangin na lungdam uh a, na mang uh hi.

2 KORIN NIHNA 11:27

Gim mahmah a, hahkatna tawh nasepna, tamveipi gilkialna dangtakna, tam veipi antan’na, khuadam thuakna, puan nei lo-a omna, hih gimna khempeuh ka thuak zo hi.

Luka 3:14

Galkapte in zong, “Kote in zong bang ci hih ding ka hi uh hiam?” ci-in a dot uh ciangin Johan in, “Note in kuama kiangah zawhthawhna tawh la kei un la, midangte zuau thu tawh na mawhsak kei un. Na khasum ngah zah uh tawh lungkim un,” ci-in a gen hi.

Piancilna 28:20

Tua ciangin Jakob in thuciamna khat bawlin, “Pasian in kei tawh hong om khop a, hih ka paina lampi-ah kei hong kep a, nek ding an leh silh ding puan hong piak a,

Paikhiatna 2:21

Tua mipa tawh a om khop dingMoses lungkim a, amah in Moses' tungah a tanu Zipporah pia hi.