Filippi 4:10 - Tedim Bible

¹⁰ Tu-in zong keimah adingin na phawkkik uh ahih maninah, keimah in Pasian sungah ka lungdam mahmah hi. Ni dangin na hong phawk uh hangin hih theihna thu na ngah kei uh hi.

Tedim Bible Revision 2017

¹⁰ Topaʼ hangin ka lungdamna lian mahmah hi. Hun sau veipi khit ciangin kei na hong phawkna uh na hong langsakkik thei uh hi. Kei hong kin loin omngei uh teh, a ci ka hi kei a, na hong kinna uh na hong lah nading uh hun om thei lo, ka cihna ahi hi.

Filippi 4:10 Referans Kwoze

2 KORIN NIHNA 11:9

No tawh ka omkhawm lai takin na khat peuhpeuh ka deih ciangin kuamah tungah vangik ka guan’ kei hi. Bang hang hiam na cih uh leh, Makedonia gam pan a hong pai ute naute in ka deihna khempeuh hong pia hi. Note tungah gimna khat ka suah loh nadingin kei in na khempeuhah ka kikem hi. A nung ciangin zong ka kikem lai ding hi.

Galati 6:6

Pasian’ Thu a sin mi in a hilhpa tungah a hoihna a om khempeuh hawmsawn ta hen.

Filippi 1:3

Keimah in thu ka nget simin lungdamna tawh note khempeuh ading thungen tawntungin, note in a kipatcil-a kipan tu dongin Lungdamna Thu khan’sakna-ah na kipawl khopna uh thu ka ngaihsut ciangin, Pasian’ hehpihna ka phat hi.

Galati 6:10

Tua ahih ciangin eite in a kilawm a kituak hun i neih bangin mi khempeuh tungah thupha bawlin, adiak diakin thu-um innkuanpihte tungah nakpi-in bawl ni.

2 KORIN NIHNA 6:7

thuman thuhilhna, Pasian’ vangliatna lahna, dikna galhiam ziat lam leh vei lamah silhna hang ahi zongin,

Late 85:6

Nangmah kong phat theih nadingun ko na mite hong nungtasak kik lo ding na hi hiam?

Filippi 2:30

Bang hang hiam na cih uh leh, note in kei nong vaak, nong khoina uh a kicing lote amah in kicingsak dingin Khazih adingin ama nuntakna a sih dektak zah dongin a hanciam zo hi.

Filippi 1:1

Khazih Zeisu’ silate ahi uh Paul leh Timoti in Filippi khua-ah a om pawlpi siate leh upate-a kipan Khazih Zeisu sungah kip-a a om misiangthote khempeuh thu kong zasak uh hi.

Hosea 14:7

Keima liim nuai-ah khat vei hong om kik ding uh hi. Huan hoih sunga a po ankung hoihte bang ding uh a, leenggui gah pha bangin tampi pha ding uh hi. Lebanon gam leenggahzu bangin minthang ding uh hi.

2 KHANG TANGTHU NIHNATE 31:8

Hezekiah leh uliante hong pai-in a lomte a muh uh ciangin amaute in Topa leh ama mi Israelte thupha pia uh hi.