Filippi 4:1 - Tedim Bible

¹ Tua ahih ciangin ka lungnopna leh ka kisaktheihna lukhu, ka it ka ngaih ahi ute naute aw, tua bangin Topa sungah kipin om un, ka itte aw!

Tedim Bible Revision 2017

¹ Tua ahih manin sanggamte aw, note ka hong it mahmah a, nakpi takin ka hong goih hi. Note in nakpi takin kei na hong lungnuamsak uh a, note ka hong angtan pih mahmah hi. Tua hi a, sanggamte aw, Topa sungah kip takin nungta un.

Filippi 4:1 Referans Kwoze

Filippi 1:27

Note in galte hangin lau loin, lungsim kha khatah kipin, Lungdamna Thu tawh kipawl upna ading, lungsim kituakin na hahkatna uh, ka hong tun’ ciangin note tawh kimu-in ahi zongin, a kikhenin i om ahi zongin ka zak theih nadingin Khazih’ Lungdamna Thu tawh akilawm akituakin gamtat ding na hanciam un.

1 KORIN MASA 16:13

Note in kikemin ngak un. Upna ah na kip un. Pasal tawh kibangin thacingin, thahat un.

Filippi 2:16

Tua ahih leh, kei in a mawkna-in tai ka hi kei a, a mawkna-in nasemin hahkat ka hi kei hi ci-in Khazih’ Ni ciangin lungdam kisathei-in ka om ding hi.

Late 27:14

Topa ngak in; tha khauh in la, na lungsim hangsak in; hi hi, Topa ngak in!

1 KORIN MASA 15:58

Tua ahih ciangin ka it ka ute ka naute aw, Topa’ nasep na hahkatna uh in Pasian tungah a mawkna hi lo hi cih thei na hih ciangun lungkipin, kicingin, kiam loin, hoi loin hahkat-in sem un.

Filippi 1:8

Keimah in note khempeuh Khazih Zeisu’ hehpihna tawh bang zah takin kong ngaihna thu Pasian in keima teci ahi hi.

Hebru 10:23

Lametna thu tawh kipawl i man’nate sawisak loin lenkip ni. Bang hang hiam na cih uh leh, thuciamna a koihpa in thuman mi ahi hi.

ROM (Romans) 2:7

A pha lamsang ah gamta a, minthan’na, zahtakna, leh muat lohna a zong mite nuntak tawntungna a pia ding hi.

Johan 8:31

Tua ahih ciangin Zeisu in amah a um Judah mite kiangah, “Ka thuhilhna na zuih uh leh ka nungzui taktakte na hi ding uh hi.

2 TIMOTI NIHNA 2:1

Tua ahih ciangin ka ta aw, nangmah in, Khazih Zeisu sungah a om hehpihna thupha tawh thahatin om in.

Filippi 2:26

Bang hang hiam na cih uh leh, a ci natna thu note in na zak uh bangin, amah in note hong ngai-in, nakpi lungzuangin a om hi.

2 KORIN NIHNA 1:14

Note in Topa Zeisu’ Ni ciangin kote kisaktheihna lungdamna na hih uh bangin kote in note kisaktheihna ka hi ding uh hi ci-in note in kote’ thu a cingin thei lo a, nong man’ uh mah bangin, a tawp dongin na mang ding uh hi, ci-in kote in lawpin ka om uh hi.

Sawltak 11:23

Barnabas a tun’ ciangin Pasian’ hehpihna thupha a muh ciangin a lungdamin amaute in a lungsim tawh Pasian beel dingin mi khempeuh a hansuah hi.

Sawltak 2:42

Amaute in sawltakte’ thuhilhna a mang uh a, kipawl khawmna, khomun balnenna leh thungetna a bawl tawntung uh hi.

Late 125:1

Topa a muang mite pen, ling loin a om tawntung Zion Mual tawh kibang hi.

2 PETER NIHNA 3:17

Tua ahih ciangin ka itte aw, mi gilote khialhna note in zui-in note lungkipna uh pan na puk loh nadingun, tua nate thei khol na hih ciangun na kikem un.

Hebru 4:14

Tua ahih ciangin vantung kheng a, pai Siampi Ukpa lian ahi Pasian’ Tapa Zeisu in, eite aa ahih ciangin eite in i man’sa thu-ah kip takin om ni.

Hebru 3:14

Bang hang hiam na cih uh leh, eite in i kipat cil upna bangin a tawp dongin i kip leh, Khazih tawh a ngah khawmte i hi ding hi.

2 THESALONIKA NIHNA 2:15

Tua ahih ciangin ute naute aw, kam sung pan hong pusuak thu hang ahi zongin, kote lai hang ahi zongin note in na sinsa uh ngeinate ah kipin lenin, deih un.

Kolose 4:12

Note lakah a piang Khazih Zeisu’ sila Epafras in note hong hopih hi. Note kicingin Pasian’ deihna khempeuh ah lunghihmawhna om loin na lungkim nadingun, note ading hahkatin thu a ngen tawntung hi.

Galati 5:1

Khazih in eite suahtakna thu i ngah nadingin hong suaktasak hi. Tua ahih ciangin kipin om un la, sila suahna hakkol pua-in, kikhihna zangkik nawn kei un.

Sawltak 14:22

“Eite in gimna tampi thuakin Pasian’ Gam sungah i tum ding ahi hi,” ci-in upna sungah a kip nadingun, hansuahin thu a hilh uh hi.

Mattiu 10:22

Keima min hangin, mite khempeuh in note hong mudah ding uh hi. A tawp dongin a thuak zote in gupna a ngah ding uh hi.

JOB (Job) 31:36

tua mawhsaknate kisialhna tawh ka ngawng-ah ka ok ding a, mi khempeuh in a muh dingin ka sangsak ding hi.