Filippi 3:8 - Tedim Bible

⁸ Tua tham loin keimah in Khazih Zeisu ka Topa ka theih tel nadingin na khempeuh supna hi ci-in ka ngaihsun hi.

Tedim Bible Revision 2017

⁸ Hih bang nate bek hi loin, ka Topa Jesu Khris ka theihna manpha zaw lua sa ka hih manin na dang khempeuh ka sum ngam zaw lai hi. Khris hangin na dang khempeuh ka nusia khin a, Khris tawh ka kipawl theih nadingin na dang khempeuh ninneng bang lelin ka ngaihsun hi.

Filippi 3:8 Referans Kwoze

ROM (Romans) 8:18

Eite tungah hong kilang ding vangliatna ka ngaihsut ciangin, tu laitak i thuak gimnate ngaihsut tham ka sa kei hi.

Sawltak 20:24

Ahih hangin Pasian’ hehpihna Lungdamna Thu hilh nading Topa Zeisu’ khut sung pan ka ngah za ahi, ka nasepna ka zawh theih nadingin ka nuntakna keimah ading phamawh ka sa kei hi.

Filippi 3:7

Ahih hangin keima phattuamna hong piangsak na khempeuh Khazih ading supna hi ci-in ka ngaihsun hi.

Johan 17:3

Amaute in nang Pasian taktak khat bek leh na sawlpa Zeisu Khazih a theihna un nuntak tawntungna ahi hi.

2 PETER NIHNA 1:3

Tua mah bangin ama minthan’na leh ama dikna tawh hong sam Pasian’ theihtel pilna hangin, eite nuntakna leh Pasian lamah nopsakna tawh kipawl na khempeuh ama vangliatna siangtho a hong pia zo hi.

1 KORIN MASA 2:2

Bang hang hiam na cih uh leh, note lakah ka om lai takin Zeisu Khazih’ thu leh ama singlamteh thu longal, thudang ka ngaihsut loh nadingin ka lungsim ka hanciam hi.

1 JOHAN MASA 5:20

Tua banah Pasian’ Tapa hong pai a, thuman thutak Topa i theih nadingin pilna eite a hong piak thu zong i thei hi. Tua tham loin, a Tapa Zeisu Khazih ahi tua thuman Topa sungah i om hi ci-in i thei hi. Hih Topa in Pasian taktak ahi hi; nuntak tawntungna zong ahi hi.

Johan 17:8

Bang hang hiam na cih leh, nong piak thute amaute ka pia a, amaute in a sang uh a; nangma kiang pan kong pai cih thei-in nangmah in na hong sawl hi cih a um takpi uh hi.

Johan 14:20

Pa sungah kei om a, kei sungah note na om uh leh, note sungah kei ka om tua ni ciangin na thei ding uh hi.

Hebru 3:14

Bang hang hiam na cih uh leh, eite in i kipat cil upna bangin a tawp dongin i kip leh, Khazih tawh a ngah khawmte i hi ding hi.

2 KORIN NIHNA 4:6

“Khua mial sungah khuavak a hong taang ding hi” a ci Pasian in Zeisu Khazih’ maitangah Pasian’ minthan’na theihna a vang hong piak nadingin kote lungsim uhah khuavak a hong tangsak hi.

Johan 14:7

Note in kei nong theih uh leh, ka Pa zong na thei ding uh hi, tu-a kipanin ka Pa na mu zo uh hi,” a ci hi.

Isaiah 53:11

Amah in a thuak khit ciangin nuntakna khuavak mu-in, a lungkim ding hi; ama theihna tawh a dik ka nasempa in mi tampi diktangsak ding a,, amah in amaute’ mawhnate pua ding hi.

Efesa 4:13

Bang hang hiam na cih uh leh, eite khempeuh in thu-upna lamah ahi zongin, Pasian’ Tapa theihna ah ahi zongin, kipum khatin Khazih’ kicin’na lim mun ahi, a khangham mi suahna i tun’ dongin i piang hi.

2 PETER NIHNA 3:18

Hehpihna thupha ah ahi zongin, i Topa leh Honpa Zeisu Khazih theihtelna ah ahi zongin na khangto un. Tua Topa tungah tu-a kipan a tawntungin minthan’na om ta hen. Amen.

1 JOHAN MASA 1:3

Ahi hi. Pa tawh, ama Tapa Zeisu Khazih tawh ka kihopih uh ahih ciangin, note in kote tawh na hong kihopih theih nadingun ko ka muh uh nate, ka zak uh nate, note kiangah ka hong lak uh hi.

2 TIMOTI NIHNA 4:6

Bang hang hiam cih leh, keimah in tu lai takin biakna tau tungah kisungin ka om lai hi. Ka paina hun a hong tung zo hi.

Johan 20:28

Thomas in, “Ka Topa leh ka Pasian aw,” a cih ciangin,

Johan 16:3

Amaute in ka Pa thei loin kei zong hong thei lo uh ahih ciangin, tua thu a bawl ding uh hi.

Late 126:6

Kap kawm-in kuankhia-in a tuh ding khaici a pua mi in lungdam-a kikona tawh buhlomte pua-in innah hong ciah ding hi.

1 JOHAN MASA 2:19

Tua mite in eite kiang pan a paikhiat uh hangin nidang lai-inah eite tawh a kipawl kei uh hi. Bang hang hiam na cih uh leh, eite tawh kipawl uh hi leh, eite tawh a omkhawm ding uh hi. Tua mite in eite tawh a kipawl loh thu a kilat nading eite kiang pan a paikhia uh hi.

1 PETER MASA 2:7

Tua ahih ciangin a um note adingin tua suangpi in a manpha mahmah hi. A um lote ading ahih leh: “Inn lamte’n a nilkhiat suang in, Anung ciangin inn kiu suang a piang hi,” cih ahi zongin,

Galati 1:16

a Tapa’ Lungdamna Thu Gentailte kiangah hilh dingin, ama deihna tawh kituakin ama Tapa kei sungah a kilatsak ciangin, keimah in si-le-sa tawh vaihawm loin,

2 KORIN NIHNA 4:4

Tua bang mite in Pasian’ meel ahi Khazih’ minthan’na tawh a dim Lungdamna Thu khuavak taang a muh theih loh nadingun hih leitung a uk topa in a um lo tua mite’ lungsim mittang uh a tawsak hi.

1 KORIN MASA 9:10

Ahih kei leh, eite ading gen ahi hiam? Ahi hi, eite ading a gen hi. Bang hang hiam na cih uh leh, lokho mi leh buhcil mi in hamphatna ngah ciat nading lawpin a sem tuak uh hi.

Johan 20:13

Amaute in, “Numei aw, bang hangin kap na hi hiam?” ci-a a dot uh ciangin Mari in, “Ka Topa a paikhiatpih zo uh a, koi-ah a koih uh cih ka thei kei hi,” a ci hi.

Luka 11:20

Ahih hangin, Pasian’ khutme tawh dawite ka hawlkhiat leh, Pasian’ Gam in note kiangah hong tung zo hi.

Gamlak-vakna 14:30

Jefunneh’ tapa Kaleb leh Nun’ tapa Joshua sim loh, note teengsak dingin ka kiciamna leitangah khat beek na tung kei ding uh hi.

Luka 1:43

Ka Topa’ nu kei kiangah hong pai nadingin bang hangin hehpihna ke’n ka ngah hiam?

Malakhi 2:3

Na suan-le-khakte uh nakpi takin ka thuhilh ding a, note ahih leh, na biak piakna ganhing uh a ekte tawh na maitang uh hong zut gawpin tuate tawh kong lawnkhia khawm ding hi.

JOB (Job) 20:7

leivui them bangin maimang lel ding hi. Amah a thei ngei mite in, ‘Amah koi-ah om ta hiam?’ ci-in lamdangsa ding uh hi.

2 KUMPI NIHNATE 9:37

tua ciangin Jezebel’ luanghawm in Jezre-el gam sung gamlak maitang tungah eklei tawh kibang ding a, tua ahih manin kuamah in, ‘Hih in Jezebel ahi hi,’ cih thei lo ding hi,” a ci hi.

1 KUMPI MASATE 14:10

tua ahih ciangin en in, mi khat in a bei matengin ek a haltum mah bangin Jeroboam innkuan tungah siatna tungsakin, Israel sungah sal leh a suakta mi a kibangin pasal khempeuh Jeroboam’ innkuan panin ka susia ding a, Jeroboam innkuan ka bei siangsak ding hi.

Late 73:25

Nang sim loh vantungah kua nei ka hi hiam? Nang sim loh ka deih ding leitungah kuamah om lo hi.

ROM (Romans) 8:39

a san’na ahi zongin, a niamna akipan a kipiangsaksa khat beek in i Topa Khazih Zeisu hanga i ngah Pasian hong itna tawh hong kikhensak zo kei ding hi ci-in man takin ka um hi.

Filippi 1:1

Khazih Zeisu’ silate ahi uh Paul leh Timoti in Filippi khua-ah a om pawlpi siate leh upate-a kipan Khazih Zeisu sungah kip-a a om misiangthote khempeuh thu kong zasak uh hi.

Filippi 3:12

Tua bang ka cih ciangin ka ngah zo hi ahi zongin, kicin’na-ah ka tum zo hi ahi zongin ci nuam ka hi kei hi. Ahih hangin noptuamna khat pia dingin Khazih Zeisu in kei hong man a, tua noptuamna ka let khak nading-inah, zui-in ka delh hi.

2 PETER NIHNA 1:2

Pasian leh i Topa Zeisu’ theihtel pilna hangin hehpihna thupha leh nopna in note tungah kicing takin om ta hen.

2 PETER NIHNA 1:8

Bang hang hiam na cih uh leh, tua thupha teng note in nei-in na hauh uh leh, i Topa Zeisu Khazih’ theihtelna-ah thadah loh nading ahi zongin, a gah om lo mawkna ahih loh nading ahi zongin, hong bawlpha thei uh hi.