Filippi 3:5 - Tedim Bible

⁵ Keimah in ni giat ni-in vun-atna ka thuak hi. Israel mi Benjamin’ suan ka hi hi. Hebru mi pana piang Hebru mi taktak ka hi hi. Thukham lam pan ci leeng Farisai mi ka hi hi.

Tedim Bible Revision 2017

⁵ Ka suah zawh a ni giat ni-in ka vun a ki-at hi. Kei pen Hebru minam citak ka hi a, Israel mite sung panin Benjaminʼ suante ka hi hi. Jew Thukham zuihna tawh kisai-in Farisi mi pawl ka hi a,

Filippi 3:5 Referans Kwoze

2 KORIN NIHNA 11:22

Amaute in Hebru mi ahi uh hiam? Kei in zong ka hi hi. Amaute in Israel mi ahi uh hiam? Kei in zong ka hi hi. Amaute in Abraham’ suan ahi uh hiam? Kei in zong ka hi hi.

ROM (Romans) 11:1

Tua bang ahih leh, Pasian in ama mipawlte a paaikhia hiam? A paaikhia kei hi, ka ci hi. Keimah in zong Abraham’ suan, Benjamin’ mipawl Israel mi ka hi hi.

Sawltak 23:6

Upa kimkhat Farisai-te, kimkhat Saddusi-te ahih uh Paul in a theih ciangin, “Ute naute aw, Farisai mi ka hi hi. Farisai’ ta ka hi hi. Mi sisate hong thokik ding hi ci-in ka lamet hangin thu dotna ka thuak hi,” ci-in upate kiangah a ko hi.

Sawltak 22:3

Paul in a gen-inah: “Kilikia gam, Tarsas khua-a suak, Judah mi ka hi hi. Ahih hangin hih khua sungah Gamaliel’ khe kiangah anvaakna ngahin, i pu i pate’ thukhamte sinin a siamsa ka hi a, tuni-a note khatpeuh peuh zahin Pasian’ ading a hahkat mipa ka hi hi.

Piancilna 17:12

Note' lak panin ni giat a pha peuhmahpa’ vun ki-at ding hi; note’ khang tawntungin pasal peuhmah, note’ inn sunga suak hita leh, note’ ta ahi lo, gamdang mi khatpeuh kiang panin na sum uh tawh na lei uh hita leh,

Luka 1:59

Ni giat ni khit ciangin, naungeek’ vun at dingin amaute hong pai uh a, a pa min zui-in Zekhariah a phuak nuam uh hi.

Sawltak 6:1

Tua lai takin nungzui mite a tam tektek uh a, Grik Judah mi meigongte in nisim kivakna a ngah loh manun ah Grik Judah mite in Hebru mite tungah a phun uh hi.

Luka 2:21

Tua naungeek’ vunat nading ni giat a cin’ khit ciangin, a gai ma-a vantungmi in a phuah kholh mah bangin a min Zeisu a phuak uh hi.

Jonah 1:9

Amah in, “Keimah in Hebru mi ka hi hi; tuipi leh leitung a bawl, vantungte’ Pasian ahi Topa ka bia hi,” a ci hi.

1 SAMUEL MASA 4:6

Filistia mite in awtna gamlumna a zak uh ciangin amaute in, “Hebru mite’ giahphual-ah nakpi-a hih bang otna bang a cih nopna ahi hiam?” a ci uh hi. Topa’ thuciamna singkuang giahphual a tun’ khitna a theih uh ciangin,

Piancilna 40:15

Bang hang hiam cih leh Hebru mite’ gam panin kei hong kigu-khia hi; hih lai-ah zong amaute in thong mial sungah kei hong koihna dingin bangmah mawhna ka bawl kei hi,” ci hi.

Piancilna 14:13

Tua ciangin a suakta mi khat hong pai-in, Hebru mi Abram’ kiangah hong gen hi. Amah pen Eshkol leh Aner’ sanggampa ahi hi. Amor mi hi a, Mamre’ tawsawte gei-ah teng hi; hih mite pen Abram’ kipawlpihte ahi hi.

Piancilna 41:12

Inncing mangpa’ nasem ahi Hebru mi tangval khat tua lai-ah kote tawh om hi; ama' kiangah ka gen uh ciangin, amah in ka mangte uh hong khiatsak a, ka mang uh tawh a kizui tuakin a khiatna hong gen hi.

Luka 5:38

Leenggahtui thak savun um thak sungah a kithun ding hi.