Filippi 3:2 - Tedim Bible

² Tua uite, gilo-a gamtate na peel un, vun-atna thu ah a kineih mite na peel un.

Tedim Bible Revision 2017

² Ui bangin a mi ginalo, a gitloh gamtat, vun at ding a ci teiteite kiang panin na kidawm un.

Filippi 3:2 Referans Kwoze

2 KORIN NIHNA 11:13

Bang hang hiam na cih uh leh, tua bang mite in sawltak zuau ahi uh hi. Khazih’ sawltak banga kibawl a kheem thei nasemte ahi uh hi.

Titu 1:16

Amaute in, “Pasian ka thei tel uh hi,” a cih uh hangin, a gamtatna uh tawh Pasian a nial uh hi. A kihhuai mi, thungai lo mi, nasepna hoih khat beek ah kiman’na om lo mi ahi uh hi.

Mangmuhna 22:15

Pua lamah ahih leh, uite, mi bum theite, nu leh pa mawhna a bawl theite, mi that theite, milim biate leh a man lo nate deihin a gamta thei mite a om uh hi.

Galati 5:15

Ahih hangin khat leh khat na kipeh, na kinek uh leh, khat leh khat na kisiasak ding uh hi ci-in lunghimawhin kikem un.

Filippi 3:19

Tua mite in kisiatna-ah a tung ding uh hi, amaute’ pasian in a gilpi uh ahi hi; amaute in a maizumhuai a gamtatnate uh ah a kiphasak uh hi. Amaute in leitung nate a lunggulh uh hi.

Galati 5:6

Bang hang hiam na cih uh leh, Khazih Zeisu sungah vunatna in phattuamna a om kei hi, vunat lohna in zong phattuamna a om kei hi; itna tawh nasep theihna upna bek in phattuamna a om hi.

Late 22:16

Hi hi, ka kim-ah uite om a, siatna bawl mihon khat in hong umcih hi; ka khut ka khete sunlet zo uh hi—

Mattiu 7:15

“A sungah hangsan ngia hi napi-in tuuvun silh a, no kiangah hong pai thuzuau hilhte na kingaihsun un.

Late 22:20

Namsau panin keimah hong hon in la, ui’ thahatna panin ka nuntakna hong hon in.

Mangmuhna 21:8

Lau-in a um lo mi, a kihhuai mi, mi that thei mi, nu leh pa mawhna a bawl mi, mi bum thei mi, milim bia mi, zuauthu gen mi khempeuh ahih uh leh, nihna sihna ahi kat leh mei lipi sungah a kituakin a thuak ding uh hi,” ci-in keima kiangah hong gen hi.

Mangmuhna 3:9

En in, ‘Judah mipawl khat ka hi uh,’ a ci zuau thu a gen mipawl ahi, Satan pawlte ahi mite kong pia a, amau in nang khe kiangah bia-in, nang kong it, ci-in amaute ka theisak ding hi.

Juda 1:4

Bang hang hiam na cih uh leh, eite Pasian’ hehpihna thupha in kihhuai tat nopna suaksakin, eite hong uk khat bek ahi Topa Zeisu Khazih nialin, Pasian’ thu a deih lo mite in hih thutanna thuak dingin tanglai pek a, a kiciamtehsa mi kimkhat in note’ lakah hong lutsim uh hi.

1 TIMOTI MASA 1:19

Mi kimkhat in tua upna a nial uh a, amau upna teembaw a siasak uh hi.

Filippi 3:3

Bang hang hiam na cih uh leh, Pasian Kha Siangtho hangin bia a, i pumpi muang loin, Khazih Zeisu hangah lungdamna kisaktheihna bek a nei eite in, vun-atna taktak a ngah mite i hi hi.

Galati 5:13

Ute naute aw, note in suahtakna thu ngah dinga hong sap mi na hih uh leh, si-le-sa nopsak na’ngin tua suahtakna zang kei un. Ki-itna tawh khat leh khat’ nasem mi na suak zaw un.

ROM (Romans) 2:28

Pua lam Judah mi in Judah mi hi takpi lo hi. Pua lam pan pumpi tungah sa-ah vun atna in vun atna takpi hi lo hi.

Mattiu 7:6

“Na a siangthote uite na pia kei un. Vok mai-ah suangmanphate na paai kei un. Tuate in a khe uh tawh a sikgawp khit uh ciangin, kihei-in hong pet kha ding uh hi.”

Paunak 26:11

Ui in a luak a zuat kik bangin, mihaite a haitat ngei bangin ta kik zel hi.

Mangmuhna 2:9

“Nangmah in gimna na thuakna, na hau napi-in na zawnna-a kipan Judah mipawl hi lo napi-in ‘Judah mipawl ka hi uh, a kici Satan pawlte in hong kosiatna thute ka thei hi.

2 PETER NIHNA 2:22

‘Ui in ama luak a ne kik hi; vokpi in a kisil khit ciangin buan lakah a bual kik hi,’ ci-in a man thugentehna bangin tua mite tungah a piang zo hi.

Mattiu 24:10

Tua lai takin mi tampi a puk ding uh a, khat leh khat a kiheek ding uh hi, khat leh khat a kimudah ding uh hi.

Late 119:115

No, siatna bawlte aw, Pasian’ thupiaknate ka zuih theih nadingin kei kiang panin paikhia un.