Filippi 3:19 - Tedim Bible

¹⁹ Tua mite in kisiatna-ah a tung ding uh hi, amaute’ pasian in a gilpi uh ahi hi; amaute in a maizumhuai a gamtatnate uh ah a kiphasak uh hi. Amaute in leitung nate a lunggulh uh hi.

Tedim Bible Revision 2017

¹⁹ Amaute in amau pumpi deihnate Pasian zahin ngaihsun uh a, a maizum nading uh thute ah kisial zawsopin, leitung nate bek ngaihsutin nei uh ahih manin Hell khuk sung a tung ding uh ahi hi.

Filippi 3:19 Referans Kwoze

ROM (Romans) 16:18

Bang hang hiam na cih uh leh, eite Topa Khazih’ na sem loin amau gilpi na bek a sem uh a, kamsiam leh kamzol tawh a pha mite a kheem thei uh hi.

2 PETER NIHNA 2:3

Amaute huaiham luatna in zuau thu genna tawh note hong kheem ding uh hi. Amaute tungah thukhenna in tang lai-a kipanin ol lo, zekai lo a, amaute kisiatna in zong a ihmu kei hi.

Kolose 3:2

Leitungah a om nate lunggulhin om kei un, atung lam nate bek lunggulhin om un.

2 PETER NIHNA 2:1

Ahih hangin mite lakah kamsang zuau hong piang mah bangin a kikhenthang thei up khialhna ngeina, kheemna tawh guangin, amau pumpi uh a lei Topa nangawn nialin, amau tungah a manlangin kisiatna a tungsak thu zuau hilh siate in note lakah zong a om ding uh hi.

2 KORIN NIHNA 11:15

Tua bang ahih ciangin ama nasemte zong thudikna’ nasem bangin a kibawl leh, bang genna a om ding hiam? Amau in amau gamtatna hangin a tawpna-ah a thuak ding uh hi.

2 KORIN NIHNA 11:12

Thu nei nuamte in a neih theih loh nading ahi zongin, amau kisaktheihna-ah kote banga tel taka, kilat theih nading ahi zongin ka hih bangin ka hih lai ding hi.

Hosea 4:7

Siampi tam semsem leh kei tungah a khialhna uh tam semsem hi. Amau’ minthan’na mindaina ka suaksak ding hi.

2 PETER NIHNA 2:13

gitlohna thaman ahi gitloh bawlna a thuak ding uh hi. Tua mite in sun lai takin pawikham uh a, noptatin a om uh hi. Note tawh pawi a kham uh ciangin amau kheemna tawh noptat lua-in a nin baang kinuh mi ahi uh hi.

Galati 6:13

Bang hang hiam na cih uh leh, vunatna a thuak mite in Thukham zui loin note’ pumpi uh hangin kisathei nuamin note vunat nading a deih uh hi.

Mangmuhna 21:8

Lau-in a um lo mi, a kihhuai mi, mi that thei mi, nu leh pa mawhna a bawl mi, mi bum thei mi, milim bia mi, zuauthu gen mi khempeuh ahih uh leh, nihna sihna ahi kat leh mei lipi sungah a kituakin a thuak ding uh hi,” ci-in keima kiangah hong gen hi.

1 KORIN MASA 3:3

Bang hang hiam na cih uh leh, leitung lungsim a nei mite na hi lai uh hi. Note lakah ki-en’na leh kitotna a om lai tengin leitung lungsim a nei mite hilo na hi uh hiam? Leitung mite’ ngeina bangin gamta hilo na hi uh hiam?

Mangmuhna 22:15

Pua lamah ahih leh, uite, mi bum theite, nu leh pa mawhna a bawl theite, mi that theite, milim biate leh a man lo nate deihin a gamta thei mite a om uh hi.

Juda 1:16

Tua mite in phunin a mawhsak thei mi, amaute lunggulh deihgawhna bangin a gamta thei mi, a kam un kisaktheihna thu a gen thei mi, amau noptuamna ngaihsunin mi maitang a zahtak thei mi ahi uh hi.

2 TIMOTI NIHNA 3:4

thuciam a siasak mi, thuhilh a ngai nuam lo mi, kisaktheihna tawh a hai thei mi, Pasian sangin leitung nopsakna a it zaw mi,

1 TIMOTI MASA 6:5

Tuate in Pasian biakna lamah nopsakna in sum hauhna hong piangsak hi ci-in a um uh hi.

Filippi 2:21

Amaute in Zeisu Khazih’ phattuamna zong loin amaute’ phattuamna bek a zong uh hi.

1 KORIN MASA 5:6

Na kisaktheihna uh a hoih kei hi. Silngo tawmkha in annel sial lom khat a tawksak ding thei lo na hi uh hiam?

1 KORIN MASA 5:2

Tua banga gamtate note lakah na hawlkhiat nadingun, lungsim dahna na neih loh uh tham loin, na kisathei uh hi.

Malakhi 1:12

Ahi zongin note in keima biakna tau bangmah a man nei loin genin, tua biakna tau tunga na piak uh ante na thupi ngaihsut loh uh ciangin, keimah a hong simmawh na hi uh hi.

Mangmuhna 19:20

sahang tawh, sahang mai-ah nalamdangte lakin, sahang ciamtehna nei-in, sahang milim a bia uh mite a kheem, a zuau kamsangpa in kimatna a thuak khit ciangin, amau nih in kat meiphual sungah a hing tangin kikhiatna a thuak uh hi.

Jeim 4:16

Tu-in ahih leh, note na kiphatsakna uhah na kisathei uh hi. Tua bang kisaktheihna ahoih kei hi.

2 THESALONIKA NIHNA 2:8

Tua ciangin a kiseel Gilo Mi a kilang ding hi. Tua mi Topa Zeisu in ama kam sung pan a pusuak hu tawh siasakin, ama hong kilatna’ vangliatna tawh a mangthang ding hi.

Luka 18:4

Ahih hangin thukhen mangpa in thu khensak loin sawtpi a om hi. Tua nung ciangin amah in, ‘Keimah in Pasian kihta loin mite ka zahtak loh hangin,

Luka 16:19

“Nidang lai-inah sumhaupa khat a om hi. Tua pa in puansan leh saihadial puan silhin ni simin nuamin an pha bel ne-in a om hi.

Luka 12:19

Ka kha kiangah, ‘Kha aw, kum tampi zat ding na tampi a kikhol zo hi. Khawl in la, anne tuidawn, nuamsa-in om in, ka ci ding hi,’ a ci hi.

Mattiu 25:41

Tua ciangin, a veilamah a omte kiangah Kumpipa in, ‘Ciamsiatna a thuak mite aw, dawimangpa leh ama nungzuite ading a kibawl meikuang tawntung sungah kei kiang panin paikhia un.

Mattiu 16:23

Zeisu kihei a, “Satan aw, ka nungah kinkhia in. Nang in keima suih khak nading na hi hi. Nang in Pasian thu na ngaihsun kei hi; mite thu bek na ngaihsun hi,” ci-in Piter a taai hi.

Micah 3:11

Khuapi ukte in sumgolh ngah nading bekin thu khenin, siampite in sum ngah nading bekin thu gen uh a, kamsangte in zong sum ngah theih nading bek mahin, mailam thu genkhol uh hi. Tua bang hi napi-in amaute in Topa, muan’in nei uh a, “Topa in eite hong ompih a, i tungah siatna hong tung lo ding hi,” ci uh hi.

Micah 3:5

Sum a pia zo mite kiangah thunuam gen a, a pia lo mite kiangah, gal tuah ding a gen, kamsangte in mite lam khialsak uh hi. Topa in tua bang kamsangte kiangah,

Ezekiel 34:3

Tuu nawi ne-in, tuumul silhin, tuu thaute goin a sa na ne uh a, ahi zongin tuute na vak kei uh hi.

Late 52:1

Mi thahatpa aw, bang hangin miphate suksiatna-ah kiphasak na hi hiam? Sunthapai-in nang in suksiatna na ngaihsun hi.

Mangmuhna 18:7

Amah in ama pumpi pahtawi-in nopsakna a khan’ mah bangin, nakpi-a bawlsiatna leh kahna kikona thuaksak in. Bang hang hiam na cih uh leh, amah in, “Kei kumpinu ka hi hi, meigongnu ka hi kei hi. Cikmah hunin ka kap ngei kei ding hi,” ci-in a lungsim sungah a kingaihsun hi.

Juda 1:4

Bang hang hiam na cih uh leh, eite Pasian’ hehpihna thupha in kihhuai tat nopna suaksakin, eite hong uk khat bek ahi Topa Zeisu Khazih nialin, Pasian’ thu a deih lo mite in hih thutanna thuak dingin tanglai pek a, a kiciamtehsa mi kimkhat in note’ lakah hong lutsim uh hi.

ROM (Romans) 6:21

Tua ahih leh, tu-in zumhuai na sak uh tua gamtatna na bawl lai takun, bang phattuamna na ngah uh hiam? Tua gamtatnate’ tawpna lampi in sihna ahi hi.

Ezekiel 13:19

Mangbuhham khut khat dim leh anlum them tawm khat na ngah theih nadingun ka mite mai-ah kei nong minsiasak uh hi. A si dingin a kilawm lopite na that nuam uh a, a hing dingin a kilawm lopite na hingsak nuam uh hi. Tua bangin ka mite tungah zuau thu genin, amaute in note’ thugen hong um uh hi.

1 SAMUEL MASA 2:29

Tua ahih ciangin bang hangin keimah biaknate leh ka thupiak ahi keimah hong kipiaknate thusim loin, keima mi Israelte’ piak a limci pen teng-in note kithausakna tawh kei sangin na tapate pahtawi zaw na hi hiam?’ a ci hi.

Jeremiah 44:17

Ahih hangin ka ciamsa uh bangin kote, ka pute ka pate, ka kumpite uh leh kumpi uliante in Judah gam khuapite leh Jerusalem khua kongzing lakah ka hih ngei uh bangin vantung kumpinu kiangah paknamtui hal-in tuidawn biakna ka hih zaw ding uh hi. Bang hang hiam cih leh ka tuacih uh ciangin an tampi ka nei uh a, hau-in gimna zong ka thuak kei uh hi.

2 THESALONIKA NIHNA 1:9

Tua Topa in ama misiangthote hangin minthan’na a ngah nading ahi zongin, kote’ teci pan’na thu note in um na hih uh ciangin a um mite khempeuh hangin nakpi-in lamdangsakna ngah nading ahi zongin, a hong pai ding Ni-ah tua mite in Topa maitang tawh ahi zongin, vangliatna tawh kipawl minthan’na tawh ahi zongin kikhenin, kisiat tawntungna ahi mawhna’ daantatna a thuak ding uh hi.

Juda 1:10

Tua mite in ahih uh leh, amau theih loh na peuhpeuh a kosia uh hi. A ngaihsun thei lo ganhingte bangin ngeina bangin a theihtheih nate uh hangin, amau pumpi uh a siasak uh hi.