Filippi 3:17 - Tedim Bible

¹⁷ Ute naute aw, kei’ gamtat mah bangin a kituakin na gamta un. Note lakah ka hong piak uh lim tawh kituakin a gamta mite zong na ciamteh un.

Tedim Bible Revision 2017

¹⁷ Sanggamte aw, keima gamtat bangin hong gamta niloh un. Noteʼ etteh dingin a hoihin kote hong gamta ka hih manun, koteʼ gamtat bangin a gamtate na etteh un.

Filippi 3:17 Referans Kwoze

Filippi 4:9

Note in nidang lai-in keima kiangah sinin na zaksa, na muhsa, na ngahsa uh nate na zui un, Tua bangin na zuih uh leh, nopna’ Pasian in note tawh hong omkhawm ding hi.

1 KORIN MASA 4:16

Tua ahih ciangin kei’ gamtat bang na gamtat nadingun kong thuum hi.

1 PETER MASA 5:3

atuam atuam na uk uh pawlpite, aana tawh hi loin, tuu honte maiah na pumpi uh limpha suakin, Pasian’ deihna bangin na cing un.

2 THESALONIKA NIHNA 3:9

Tua bang ka bawl uh ciangin a ngah ding, a la dingin kilawm ka kisak lohna hang uh hi loin, note zuih dingin komau pumpi in limpha ka suah nadingun ka bawl uh hi.

Hebru 13:7

Pasian’ thu note kiangah hong hilh uh a, note hong uk ngei mite na ngaihsun un. Amaute in bangci gamtatin a si uh teltakin lungngai un la, amau upna lim na zui un.

1 TIMOTI MASA 4:12

Khangno lai na hih hanginah kuamah kisimmawhsak kei in. Thugenna, gamtat ngaihsutna, midang itna, upna, siangthona sung pan a um mite ading limpha na suak in.

2 THESALONIKA NIHNA 3:7

Bang hang hiam na cih uh leh, kote hong piak lim zui-in note na gamtat nading uh a kilawm hi ci-in na thei uh hi. Bang hang hiam na cih uh leh, kote in note lakah thadah zulhtatin ka gamta kei uh hi.

1 KORIN MASA 10:32

Midang tampite in gupna a ngah nadingun kei in keima noptuamna zong loin

2 THESALONIKA NIHNA 3:14

Hih lai sungah ka gelh uh thupiaknate mi khat peuhmah in a ngaih kei leh, tua mi na ciamteh un; a maizum nadingin amah tawh na kipawl kei un.

1 THESALONIKA MASA 1:6

Note in gimna lian na thuak uh hangin Kha Siangtho tawh akipawl lungdamna tawh, Pasian thu sangin kote tawh Topa ngeina bangin a gamta mite na hi uh hi.

ROM (Romans) 16:17

Ute naute aw, na san’sa uh thuhilhna tawh kituak lo, kikhenna leh pukna a bawl thei mite ciamteh un la, tang un, ci-in kong thuum hi.

Late 37:37

Paubaang lo mi ciamteh in la, thutang mi en in, bang hang hiam cih leh gal phuang lo mi’ adingin nopna om hi.

1 KORIN MASA 11:1

Kei in Khazih bangin ka gamtat mah bangin note zong kei gamtat bangin na gamta un.