Filippi 3:13 - Tedim Bible

¹³ Ute naute aw, tua noptuamna keimah in ka len zo hi ka cih loh hangin, ka nasepna khat in ka nungah a om nate ngaihsun loin, ka mai lamah a omte zamin,

Tedim Bible Revision 2017

¹³ Sanggamte aw, tua hamphatna a ngah khinin ka kingaihsun kei hi. Tua ahih manin a beisa thute mangngilh bawlin mainawtin ka hanciam a,

Filippi 3:13 Referans Kwoze

Luka 9:62

Zeisu in, “Lawi lokhawhna leeng letsan len kawm a, nunglam a en mi in Pasian’ Gam tawh kituak lo hi,” a ci hi.

Filippi 3:12

Tua bang ka cih ciangin ka ngah zo hi ahi zongin, kicin’na-ah ka tum zo hi ahi zongin ci nuam ka hi kei hi. Ahih hangin noptuamna khat pia dingin Khazih Zeisu in kei hong man a, tua noptuamna ka let khak nading-inah, zui-in ka delh hi.

Late 27:4

Topa’ tungah na khat ka ngen khin a, tua ngen-a ka zon’ ding pen: Topa’ inn sungah ka khan’ tawntungin om nading, Topa’ hoihna et ding leh ama biakinn sungah thu dot dingte ahi hi.

Filippi 3:8

Tua tham loin keimah in Khazih Zeisu ka Topa ka theih tel nadingin na khempeuh supna hi ci-in ka ngaihsun hi.

Hebru 6:1

Tua ahih ciangin sihna tawh kipawl gamtatnate, kisikkikna, Pasian upna, baptaiznate thuhilhna, khutngakna, misite’ thawhkikna, thukhen tawntungnate a bulpi, eite in lamkik loin, Khazih’ ngeina a kipatna thute koihin kicin’ nadingin kahto ni.

Filippi 2:12

Tua ahih ciangin ka itte aw, note in thu na man’ tawntung uh bangin keimah maitangah tham loin, ka muh lohna-ah zong thungai-in, launa liin’na lungsim tawh, gupna na ngahna uh semkhia un.

Luka 10:42

Ahih hangin sapna khat bek a om hi. Mari in ahih leh, na hoih khat a teel zo hi. Tua na in ama tung pan kilakhia lo ding hi,” ci-in a gen hi.

2 PETER NIHNA 3:8

Ahih hangin ka itte aw, Pasian ading ni khat in kum tul khat bang ahi zongin, kum tul khat in ni khat bang ahi zongin, hih thu khat na mangngilh kei un.

2 KORIN NIHNA 5:16

Tua ahih ciangin tu-a kipan kote in ci-le-sa pawlte ngaihsunin kuamah ka thei kei uh hi. Ci-le-sa pawlte ngaihsunin Khazih ka theih ngei uh hangin tu-a kipanin tua bang ka thei ngei nawn kei uh hi.

Late 45:10

Tanu aw, ngai in, ngaihsun in la, na bil hong ngat in; nangma mite leh na behte mangngilh in;