Filippi 3:12 - Tedim Bible

¹² Tua bang ka cih ciangin ka ngah zo hi ahi zongin, kicin’na-ah ka tum zo hi ahi zongin ci nuam ka hi kei hi. Ahih hangin noptuamna khat pia dingin Khazih Zeisu in kei hong man a, tua noptuamna ka let khak nading-inah, zui-in ka delh hi.

Tedim Bible Revision 2017

¹² Ahi zongin ka utna tung khin ing, cingtaak khinta ing, a ci ka hi kei hi. Khris Jesu in kei adingin a hong sepsak hamphatnate kimtakin ka ngah theih nadingin a hanciam lai ka hi hi.

Filippi 3:12 Referans Kwoze

Late 138:8

Topa in kei adinga a ngaihsutna tung sak ding hi; Topa aw, na itna kip kho tawntung hi. Na sepsa na maban hong tun in.

Hosea 6:3

Topa i theih zawh nadingin hanciam ni. Zingsang sialin pel loin khua a vak mah bangin pel loin eite kiangah amah hong pai ding a, lei a kawtsak khuapi guah a pelh loin hong zuk bangin eite kiangah amah hong pai hamtang ding hi,” a ci ding uh hi.

2 KORIN NIHNA 7:1

Tua ahih ciangin ka itte aw, tua thuciamna eite tawh kikum ahih ciangin i pumpi kihhuainate leh lungsim kihhuainate khempeuh panin kisiangthosakin, Pasian kihta-in, a siangtho gamtatna tawh dimin om ni.

Isaiah 51:1

Dikna a zui, Topa a zongte aw, ngai un; note hong ki-eu khiatna suangpi leh note hong kitawh khiatna khuk en un.

Hebru 13:21

ama deihna thu Zeisu Khazih hangin eite sungah hong bawlna, note in a deihna na zuih nadingun ahoih na khempeuh ah hong kicingsak ta hen. Tua Topa in a tawntungin minthan’na ngah ta hen. Amen.

Filippi 3:16

Ahih hangin i phak zawh zah bangin lam khat bek zui ni.

2 PETER NIHNA 3:18

Hehpihna thupha ah ahi zongin, i Topa leh Honpa Zeisu Khazih theihtelna ah ahi zongin na khangto un. Tua Topa tungah tu-a kipan a tawntungin minthan’na om ta hen. Amen.

Jeim 3:2

Eite khempeuh in na tampi-ah i khial thei hi. Mi khat in kampau a khialh kei leh, tua mi in a kicing mi hi a, ama pumpi khempeuh a keem thei mi zong ahi hi.

Hebru 12:14

Mi khempeuh tawh kilemin nopsakna ahi zongin, a siangtho gamtatna ahi zongin na phak matengun delh un. Tua siangtho gamtatna a om kei leh, kuamah in Pasian a mu thei kei ding hi.

Galati 5:17

Bang hang hiam na cih uh leh, si-le-sa in Kha Siangtho tawh kido hi. Kha Siangtho in si-le-sa tawh kido hi. Bang hang hiam na cih uh leh, na sep nop uh bangin na sep theih loh nadingun tuate nih in khat leh khat kilem lo uh hi.

JOB (Job) 17:9

Mite’ zahtak-a kinei mite in, amau’ ngaihsutna man sa semsem uh hi. Thuman sem mite in thahat semsem ding hi.

1 PETER MASA 5:10

Khazih hangin note, ama vangliat tawntung minthan’na ah hong sam, hehpihna thupha khempeuh’ Pasian in tawlkhat gimna na thuak khit uh ciangin, hong cingsak, hong kipsak, hong khauhsak ding hi.

2 THESALONIKA NIHNA 2:13

Ahih hangin Pasian in a it ute naute aw, note in Kha Siangtho’ sian’thosakna tawh, thuman thutak na upna uh tawh, gupna na ngah nadingun Pasian in a masa belin note hong teel ahih ciangin kote in hih ding a kilawm bangin, note’ hangin Pasian’ hehpihna ka phat tawntung uh hi.

2 KORIN NIHNA 13:9

Kote in thanemin note in na thahat lai takun ka lung uh a dam hi. Note na kicin’ nadingun thu ka ngen uh hi.

1 KORIN MASA 13:10

Ahih hangin kicin’na a tun’ ciangin a kicing lote a mangthang ding uh hi.

Paunak 4:18

Ahi zongin thuman mite’ zuih lampi ahih leh, sun dong a taang pha semsem zing khuavak tung tawh kibang hi.

Late 119:5

Nangmah ngeina kipte zuihna-ah ka gamtatna kip ta hen!

Late 84:2

Ke’n ka lunggulh mahmah hi, hi taktak hi, Topa’ huang sung ka lunggulh mahmah a, ka lungsim leh ka pumpi in a nungta Pasian tungah lungdamin la a sa hi.

Late 63:8

Nangmah ka hong bel hi; nangma taklam khut in kei hong len hi.

1 THESALONIKA MASA 5:15

Mi dangte tungah hehna na thukkik loh nadingun na kikeem un. Khat leh khat tungah ahi zongin, mi khempeuh tungah ahi zongin thuhoih lamsang hahkat tawntungin na bawl un.

Sawltak 9:15

Topa in, “Pai ta in. Bang hang hiam na cih leh, amah in Gentailte mai-ah ahi zongin, kumpite mai-ah ahi zongin, Israelte mai-ah ahi zongin, ka min a puak dingin ka teelsa beel ahi hi.

1 TIMOTI MASA 5:10

na pha sem a, maipha a ngah, a tate a khoi thei, zin a do thei, mi siangthote’ khe a sil thei, gimna thuakte a hehnem thei, nasepna a pha khempeuh a sem thei numei ahih leh, tua numei a min na khum ta in.

Late 94:15

bang hang hiam cih leh thutang pen thumante tungah hong tungkik ding a, lungsim thutang khempeuh in amah zui ding uh hi.

Late 42:1

Sakhi in luitui luang sialsial a lunggulh bangin, nang kong lunggulh hi, Pasian aw.

Mattiu 5:48

Tua ahih ciangin, vantungah a om na Pa uh a migi mah bangin na migi ta un.”

ROM (Romans) 8:39

a san’na ahi zongin, a niamna akipan a kipiangsaksa khat beek in i Topa Khazih Zeisu hanga i ngah Pasian hong itna tawh hong kikhensak zo kei ding hi ci-in man takin ka um hi.

1 KORIN MASA 9:24

Tai kidemte khempeuh a tai uh hangin khat bek in pahtawina a ngah hi cih thei lo na hi uh hiam? Tua ahih ciangin note in zong pahtawina na ngah theih nadingun na tai un.

1 KORIN MASA 13:12

Tu lai takin kimu tel loin limlang sungah i en hi. Tu nung ciangin i maitang a tel takin i mu ding hi. Tu-in a kicing loin ka thei hi. Tu nung ciangin Pasian in kei hong theih bangin ka thei ding hi.

Filippi 1:1

Khazih Zeisu’ silate ahi uh Paul leh Timoti in Filippi khua-ah a om pawlpi siate leh upate-a kipan Khazih Zeisu sungah kip-a a om misiangthote khempeuh thu kong zasak uh hi.

Filippi 3:3

Bang hang hiam na cih uh leh, Pasian Kha Siangtho hangin bia a, i pumpi muang loin, Khazih Zeisu hangah lungdamna kisaktheihna bek a nei eite in, vun-atna taktak a ngah mite i hi hi.

Filippi 3:8

Tua tham loin keimah in Khazih Zeisu ka Topa ka theih tel nadingin na khempeuh supna hi ci-in ka ngaihsun hi.