Filippi 3:1 - Tedim Bible

¹ A khak bel thu in: ka it ka ute ka naute aw, Topa sungah na lungdam ta un. Hih bangin ka hong gelhkik hangin ka gim kei hi, note ading bitna ahi hi.

Tedim Bible Revision 2017

¹ A tawpna ah, sanggamte aw, Topa in note tungah lungdamna hong tungsak tahen. Ka hong gelh sa thute ka hong gelhkik ding cimtak huai ka sa kei a, note adingin lungmuan huai zaw lai hi.

Filippi 3:1 Referans Kwoze

Filippi 4:4

Topa sungah lungdam tawntungin om un. Khatvei ka hong genkik-in ah lungdam un!

ROM (Romans) 5:11

Tua tham loin, i Topa Zeisu Khazih hangin kilemna thu i ngah zo ahih ciangin, tua Zeisu hangin Pasian kiangah i lungdam hi.

Jeim 1:2

Ka u ka naute aw, ze-etna apawlpawl na thuak uh ciangin lungdam nading bek a hi ci-in na ciamteh un.

1 PETER MASA 4:13

Note in Khazih’ gimna a zom na hih uh ciangin ama minthan’na hong kilat ciangin lungdam mahmahna tawh na nuam nadingun, tu-in zong nuam un.

1 THESALONIKA MASA 5:16

A tawntungin na lungdam ta un.

Filippi 4:8

A khak bel thu in: ute naute aw, thuman thu tawh kipawl nate, zahtakhuai nate, adik nate, a siangtho nate, deihhuai nate, phathuai nate khempeuh ahi zongin, tatna pha khatpeuh peuh, thu phatna khatpeuh peuh tawh a kipawl nate ahi zongin na lungsim sung uhah na ngaihsun un.

1 PETER MASA 3:8

A tawpkhakna kam in, note khempeuh lungsim kikhatin om un, hehpihna lungsim nei un. Unau bangin na ki-it un, na kidahpih un, lungniamkhiatna na nei un.

2 KORIN NIHNA 13:11

A tawpna thu in ute naute aw, na cidam ta un. Kicin’na, kihehnepna na nei un. Lungsim kikhatin om un. Khat leh khat kilemin om un. Tua bang na hih uh leh, itna nopna Pasian in no tawh hong omkhawm ding hi.

2 PETER NIHNA 3:1

Ka itte aw, hih nih veina lai kong gelh hi.

Efesa 6:10

A khak belin, Topa-ah ahi zongin, ma vangliatna’ hatna-ah ahi zongin, thahatin om un.

Luka 1:47

Keimah hong gum Topa Pasian hangin ka kha a nuam hi.

Zekhariah 10:7

Israel mite’ galkap hatte bang ding uh a, zukham lungnuam, bang ding uh hi. A suan a khakte un hih gualzawhna phawkin lungdam ding uh a, Topa’ bawlna hangin kipak ding uh hi.

Zefaniah 3:17

Topa na Pasian un note hong ompih a, ama vangliatna in hong gualzo sak hi. Note tungah Topa lungkim ding a, ama itna tawh hong thak bawl ding hi. Note hangin Topa lungdamin la sa ding a,

Zefaniah 3:14

Zion’ tanu aw, nakpi takin la sa in la, Israel aw, lungdamin kiko in, Jerusalem tanu aw, na lungsim khempeuh tawh lungdam in.

Joel 2:23

“Zion mite aw, kipak un la, Topa, na Pasian uh tungah lungdam un. Note in an na hauh theih nadingun, ni danga bangin khuapi guah, tuk guah leh phalbi guah, a hoih bek hong zusak hi.

Late 37:4

Topa sungah lungkim in, amah in na lungsim deihna nang hong pia ding hi.

Late 32:11

Thumante aw, Topa sungah lungdamin kipak un, lungsim man mi khempeuh aw, lungdamin awng un!

JOB (Job) 22:26

Pasian na muang tawntung ding a, na lungdamna bulpi in amah ahih lam na thei ding hi.

1 KHANG TANGTHU MASATE 29:22

tua ciangin amaute in tua ni-in lungdamna lianpi tawh Topa mai-ah pawi khamin om uh hi.Tua ciangin amaute in David’ tapa Solomon kumpi-in a nihveina bawl uh a, amaute in Topa adingin amah kumpi-in sathau nilhin, siampi dingin Zadok sathau nilh uh hi.

Filippi 3:3

Bang hang hiam na cih uh leh, Pasian Kha Siangtho hangin bia a, i pumpi muang loin, Khazih Zeisu hangah lungdamna kisaktheihna bek a nei eite in, vun-atna taktak a ngah mite i hi hi.

Mattiu 5:12

Lungdamin na nuam un. Bang hang hiam na cih uh leh, Vantung Gamah a lian noptuamna na ngah ding uh hi. Note pian’ ma a piang kamsangte zong tua mah bangin a bawlsia uh hi.”

Isaiah 61:10

Topa hangin nakpi takin ka lungdam ding a, ka Pasian hangin kipakin ka diang ding hi; bang hang hiam cih leh zipipa in a lu kizemin, mo thaknu a suangmanphate tawh a kizep mah bangin amah in hotkhiatna puan kei hong silhsakin, thumanna puanpi tawk kei hong tuam khin hi.

Isaiah 41:16

amaute na haih ding uh a, huih in amaute mutkhia ding a, huihpi in amaute thehthang ding hi. Tua ciangin Topa’ hangin na lungdam ding uh a, Israelte’ Siangtho Pa’ hangin na minthang ding uh hi.

Late 149:2

Amah a Bawlpa’ tungah Israel lungdam hen la, amau Kumpipa’ sungah Zion mite kipak ta hen!

Late 97:1

Topa in uk hi; leitung lungdam hen la, tuikulh neu tampite zong lungdam ta uh hen!

Late 42:4

Ka lungsim sung ka suahkhia a, pawi bawl mi honkhat, kipak a otna leh nuamna la tawh Pasian’ innah ka makaihna, mihon tawh ka paina ka phawk hi.

Late 5:11

Ahih hangin nang hong belte khempeuh lungdam sak in la, nuamna la sasak tawntung in; na min a deihte, nangma sungah gualzo-a a lungdam theih nadingin amaute na hu hi.

Nehemiah 8:10

Tua ciangin amah in amaute kiangah, “Tu-in ciah un; an lim tui lim ne-in thadim un la, a nei zo lote zong va kholh un; bang hang hiam cih leh i Topa’ adingin tu ni in biakna ni siangtho ni ahi hi; dah kei un, bang hang hiam cih leh Topa sungah lungdamna in note’ thahatna ahi hi,” a ci hi.

1 KHANG TANGTHU MASATE 16:10

Ama min siangtho hangin nuamin diang un la, Topa a zong mite lungdam ta hen!

1 KHANG TANGTHU MASATE 15:28

Tua ahih ciangin Israel khempeuh in sakite leh peengkulte, leh daltuahte’ awging tawh kizui-in otna tawh Topa’ thuciamna singkuang paipih to uh a, harp lasaknate leh laiza lasaknate tawh nakpi takin la sa uh hi.

1 SAMUEL MASA 2:1

Hannah in zong thungenin, “Topa tungah ka lungdam a, Topa hangin ka kipak hi. Nong huhna hangin ka galte ka nuihsan hi.

Thu-hilhkikna 16:11

Topa na Pasian uh mai, ama min om nadingin Topa na Pasian un a telna munah, nang leh na tanu leh na tapa, na nasem numei leh na nasem pasal, na khua sunga om Levi mi, peemta, pa nei lo, note lakah a om meigong numeite tawh na lungdam khawm ding uh hi.

Thu-hilhkikna 12:18

Topa na Pasian un a teelna munah note leh na tapa leh na tanu, na nasem pasal leh na nasem numei, na khuapi sunga om Levi mite in Topa na Pasian uh mai-ah na ne ding uh hi; na hihna khempeuh uhah Topa na Pasian uh mai-ah na lungdam ding uh hi.

1 THESALONIKA MASA 4:1

A khak bel thu in ute naute aw, note in bang ci nuntak ding ahi zongin, Pasian lungdamsak nadingin bang ci gamtat ding ahi zongin kote kiang pan na ngah khin zo uh hi. Tua ahih manin tua mah bangin na khangto semsem un ci-in Topa Zeisu paulamin, hong thuumin kong hansuah uh hi.

Isaiah 65:14

en un, ka nasemte in lungdamin lasa ding uh a, note in lungsim na-sa-in kiko-in, lungsim gimna hangin na thuum ding uh hi.

Late 33:1

No thuman mite aw, Topa tungah lungdam un! Pahtawina in thutangte tawh kilawm kituak hi.