Filippi 2:8 - Tedim Bible

⁸ Tua bang lim tawh dimin kimu a, Sihna a thuak tham loin, singlamteh tungah a sih dongin, Thumang-in ama pumpi a kiniamsak hi.

Tedim Bible Revision 2017

⁸ Amah hong kiniamkhiat tawm a, singlamteh tung nangawn ah sih ding a ut hi.

Filippi 2:8 Referans Kwoze

Johan 10:18

Ka nuntakna kuamah in hong sut kei hi, keima ut thu-in ka paai hi. Ka nuntakna paaikhia-a lakkik theih nading thu ka nei hi. Tua thu ka Pa in hong pia hi,” ci-in a gen hi.

Hebru 12:2

eite upna a piangsakpa a kicingsakpa Zeisu a tel takin enin, i mai-ah a om kitaitehna-ah thakiamsak loin kidem ni. Tua Topa Zeisu in ama mai-ah a koih lungnopna thu hangin zumna ngaihsun loin, singlamteh a thuak khit ciangin Pasian’ tokhom ziat lamah a tu hi.

ROM (Romans) 5:19

Mi khat in thu a ngaih loh maninah, mi tampite in mawhnei mite a suah mah bangin, mi khat in thu a ngaih maninah mi tampite in zong dikna a ngah mite a suak uh hi.

1 PETER MASA 2:24

Eite in mawhna lamah a si i hih khit ciangin dikna lamah i nuntak nadingin, eite mawhnate amahmah in singkhuam tungah ama pumpi-in a thuak hi; ama liamnate hangin damna i ngah zo hi.

1 PETER MASA 3:18

Bang hang hiam na cih uh leh, Khazih in a pum tawh sihna thuakin, kha tawh nuntakna ngah a, eite Pasian kiangah hong khak nadingin a mi dik mi in, mi diklote tangding mawhna hangin khat vei bek gimna a thuak hi.

2 KORIN NIHNA 8:9

Bang hang hiam na cih uh leh, i Topa Zeisu Khazih in a hau napi-in zawngkhalna a thuakna tawh note in hauhna na ngah nadingun note tangdingin zawngkhalna a thuak thupha hehpihna na thei uh hi.

Mattiu 26:39

Zeisu mai lamah tomkha pai-in boksukin, “Ka Pa aw, hih hai in kei tawh a kipelh zawh leh, hong kipelhsak in. Ahih hangin keima deihna bang hi kei hen. Nangma deihna bang hi ta hen,” ci-in thu a ngen hi.

Sawltak 8:33

A kilungnemsak lai takin midangte in ama tungah thu a khen uh hi. Ama hin’na leitungah kilakhia ahih ciangin, Ama suante kua in a lak ding hiam?” cih ahi hi.

Titu 2:14

Tua Topa in mawhna khempeuh sungpan eite hong tankhia dingin ahi zongin, gamtatna ahoihte ah lungsim utna nei-in, ama hong neihtuam dingin, ama ading siangthosak dingin ahi zongin eite ading ama pumpi a pia hi.

Galati 3:13

“Sing khuam tungah kikhaina a thuak mi khempeuh in hamsiatna a thuak mi ahi uh hi,” ci-in Lai Siangtho sungah a kigelh mah bangin Khazih in eite tang dingin hamsiatna a thuak ciangin Thukham’ hamsiatna pan eite a hong tankhia zo hi.

Johan 14:31

Ahih hangin keimah in Pa’ hong thupiakna bangin ka hih a, Pa ka it cih leitung mite in a theihtheih nading ahi hi. Tho un, paikhia ni.”

Paunak 15:33

Topa zahtakna in pilna mah hi pah a, kiniamkhiatna in pahtawina hong ngah sak hi.

Johan 15:10

Keimah in ka Pa’ thupiaknate zui a, hong itna sungah ka om mah bangin, note in ka thupiaknate na zuih uh leh, kei sungah na om ding uh hi.

Mattiu 26:42

Nihveina va pai a, “Pa aw, hih hai kei dawn lohin kei tawh a kipelh theih kei leh, nangma deihna bangin hi ta hen,” ci-in thu a ngen kik hi.

Late 22:16

Hi hi, ka kim-ah uite om a, siatna bawl mihon khat in hong umcih hi; ka khut ka khete sunlet zo uh hi—

Thu-hilhkikna 21:23

zan tawntung sing tungah ama luang na omsak kei ding uh a, a ni mah-in na phum ding uh hi; bang hang hiam cih leh khuam tungah a kikhai mi in Pasian’ hamsiat thuak ahi hi, Topa na Pasian un luah dingin note hong piakna na leitang uh na ninsak kei ding uh hi.

Mattiu 17:2

amaute mai-ah a meel kilamdang a, a maitang ni bang tang a, a puan in khuavak tawh kibangin a ngo hi.

Johan 4:34

Zeisu in, “Keimah hong sawlpa’ deihna bang hih a, ama nasepna ka zawhna in ka an nekna ahi hi.

Luka 9:29

Thu a nget lai takin a meel kilamdang a, a puan zong paak a, a leng mahmah hi.

Hebru 12:4

Note in mawhna khialhna tawh kido-in sisan suah dongin na thuak nai kei uh hi.