Filippi 2:7 - Tedim Bible

⁷ Ama minthan’na paai-in, sila lim la-in, Mi tawh kibatna-ah a suak hi.

Tedim Bible Revision 2017

⁷ Amah kiniamkhiat tawm zaw a, nasem lim a hong pua zaw hi. Mihing bangin amah hong kibawl a, mihing teekteek mah a hong sun hi.

Filippi 2:7 Referans Kwoze

2 KORIN NIHNA 8:9

Bang hang hiam na cih uh leh, i Topa Zeisu Khazih in a hau napi-in zawngkhalna a thuakna tawh note in hauhna na ngah nadingun note tangdingin zawngkhalna a thuak thupha hehpihna na thei uh hi.

Mattiu 20:28

Tua mah bangin, Mihing Tapa in midangte na sem sak dingin hong pai ahi kei hi. Midangte’ na sem ding a, mi tampi tankhia ding leh, a nuntakna pia dingin a hong pai hi,” a ci hi.

Johan 1:14

Thu in mi bangin hong suak a, hehpihna leh thuman thutak tawh kidimin eite lakah a om hi. Pa in a Ta khat bek a piaksa minthan’na bangin ama minthan’na ka mu uh hi.

ROM (Romans) 8:3

Thukham in i ci i sa hangin a thanem ahih ciangin a kibawl zo lo nate, Pasian in mawhna tawh a dim pumpi lim bangin a Tapa mawhna maisak dingin hong sawlin, ci leh sa sungah mawhna a hong khen hi.

Galati 4:4

A hun a cin’ ciangin eite in tapa’ za i ngah nadingin Thukham khut nuai mite tankhia dingin numei gil sungah hong gai-in, Thukham khut nuaiah a hong suak a Tapa Pasian in a sawl hi.

Hebru 4:15

Bang hang hiam na cih uh leh, eite siampi ukpa in eite hat lohna hong hehpih zo lo mi ahi kei hi; eite thuak mah bangin ze-etna apawl apawl a thuak ngei mi, ahih hangin— mawhna khialhna nei lo ahi hi.

ROM (Romans) 15:3

Bang hang hiam na cih uh leh, Khazih in zong ama deihna zui lo a, Lai Siangtho sungah a kigelh mah bangin, “Nang hong simmawhte a simmawhna kam in keima tungah hong tung hi,” a ci hi.

Isaiah 53:11

Amah in a thuak khit ciangin nuntakna khuavak mu-in, a lungkim ding hi; ama theihna tawh a dik ka nasempa in mi tampi diktangsak ding a,, amah in amaute’ mawhnate pua ding hi.

Hebru 12:2

eite upna a piangsakpa a kicingsakpa Zeisu a tel takin enin, i mai-ah a om kitaitehna-ah thakiamsak loin kidem ni. Tua Topa Zeisu in ama mai-ah a koih lungnopna thu hangin zumna ngaihsun loin, singlamteh a thuak khit ciangin Pasian’ tokhom ziat lamah a tu hi.

Luka 22:27

Kua lianzaw hiam: sabuai ah tupa lianzaw hiam? Nasempa lianzaw hiam? Sabuai ah a tupa lianzaw hilo ahi hiam? ahih hangin note lakah nasempa mah bangin ka om hi.

ROM (Romans) 15:8

Khazih in Pasian’ thuman thutak hangah pute pate tungah a piak thuciamna a kip nadingin ahi zongin, Gentailte in zong Pasian’ hehpihna ngahin Pasian a minthan’sak theih nading uh ahi zongin, vun atna a thuak mite’ nasem mi a suak hi. Lai Siangtho sungah: “Tua ahih ciangin Gentailte lakah na hehpihna ka phat a, Nangma min phatna la ka sa ding hi,” ci-a a kigelh bang ahi hi.

Filippi 2:6

Amah in Pasian’ lim leh meel tawh dimin a om napi-in, Pasian tawh kibatnate ka khah kei ding hi ci loin,

Isaiah 42:1

Keimah in ka huh, keima teel, ama sungah ka lungkimna ka nasempa en un; ka Kha tawh amah ka kidimsak a, amah in minam khempeuh tungah thuman tungsak ding hi.

Late 22:6

Ahih hangin keimah in lungno khat bang ka hi lel a, mi ka hi kei hi; mite’ ko, mite’ simmawh ka hi hi.

Zekhariah 9:9

Zion mite aw, nakpi takin lungdam un. Jerusalem mite aw, lungdamin awng un. En un, na kumpipa uh hong pai hi. Amah, dikna leh gupkhiatna tawh hong pai a, ahi zongin kiniamkhiatna tawh hong pai-in sin nai loh lano tungah hong tuang hi.

Mattiu 12:18

“Ka teelsa ka nasempa, Ka lung hong damsak, ka it mahmah pa en un. Ama tungah ka Kha Siangtho ka omsak ding hi. Amah in Gentailte tungah thukhenna thu a hilh ding hi.

Hebru 13:3

Khau khihna a thuak mi tawh kikhih khawm bangin kingaihsun un: pumpi tawh kipelh lo na hih uh ciangin bawlsiatna a thuakte na ngaihsun un.

Marka 9:12

Zeisu in, “Elijah hong pai masa takpi ding a, na khempeuh a bawl kik ding hi. Mihing Tapa in zong gimna tampi leh nialna a thuak ding ci-in Lai Siangtho sungah kigelh zo hilo ahi hiam?

Zekhariah 3:8

Tua ahih ciangin siampi lian Joshua aw, ngai in; ama siampi pih ahi no adangte in zong ngai un. Note in mai lam thu hoih nadingin lim na hi uh hi. Sing bangin A Sel ka nasempa khat kong paisak ding hi.

Daniel 9:26

Nipi kal sawmguk leh nih a bei khit ciangin sathau kinilhpa thuman lopi-in kithat ding hi. Hong pai ding mite a ukpa in khuapi le biakinnpi a susia ding hi. A beina in tuiciin tung bang hi ding a, a tawp dongin galdona leh kisiatna vive hi dingin Pasian in thu a khen zo hi.

Isaiah 49:3

Amah in kei kiangah, “Nang in, keima liatna a kilangsak ding ka nasempa Israel na hi hi,” hong ci hi.

2 KORIN NIHNA 13:4

Bang hang hiam na cih uh leh, tua Khazih in thanemna hangin singlamteh tungah sihna a thuak zongin Pasian’ vangliatna tawh a nungta hi. Kote in zong Khazih sungah ka thanem uh zongin Pasian’ vangliatna hangin Khazih tawh note lakah ka nungta khawm ding uh hi.