Filippi 2:5 - Tedim Bible

⁵ Khazih Zeisu sungah a om lungsim note sungah om ta hen:

Tedim Bible Revision 2017

⁵ Note in Jesu Khris lungsim puak zia na nei un. Tua lungsim puak zia in:

Filippi 2:5 Referans Kwoze

1 JOHAN MASA 2:6

“Ama sungah ka om hi,” a ci mi in tua Zeisu’ gamtat bangin a gamta ding hi.

Mattiu 11:29

Keima hakkol na kisuan un la, kei kiangah kisin ta un. Bang hang hiam na cih uh leh, keimah in lungsim niam mi ka hi hi. Note in lungsim noptuamna zong na ngah ding uh hi.

1 PETER MASA 2:21

Bang hang hiam na cih uh leh, tua bang deihna in note hong sam zo hi. Khazih in zong note ading gimna thuak a, ama khekhap na zuih nadingun a lim a koih zo hi.

1 PETER MASA 4:1

Tua bangin Khazih in ama pumpi-in gimna thuak ahih ciangin, note in zong a nung ciangin mite deihna bang zui loin,

1 KORIN MASA 10:33

mi tampite’ noptuamna zongin, mi khempeuh’ deihna na khempeuh ah ka zuih bangin note in zong Judah mi ahi zongin, Grik mi ahi zongin Pasian’ pawlpi ahi zongin, tuate khempeuh a puk loh nadingun kikem un.

Efesa 5:2

Khazih in note hong it maninah Pasian mai-ah namtui om nadingin ama pumpi kipia-in, kibia-in, eite tangding a kipaih mah bangin note in itna tawh gamta un.

ROM (Romans) 15:5

Note in eite Topa Zeisu Khazih’ Pa ahi Pasian, lungsim kituakin na kam uh tawh na phat nadingun,

Sawltak 20:35

Tua bangin note in na nasep uh a, thahat lo mite na huh ding uh a, ‘Ngahna sangin piakna-ah thupha lianzaw hi,’ ci-in Zeisu in a genna kammal na ngaihsut dingun na khempeuh ah note kiangah thugentehna kong lak zo hi,” ci-in a gen hi.

ROM (Romans) 15:3

Bang hang hiam na cih uh leh, Khazih in zong ama deihna zui lo a, Lai Siangtho sungah a kigelh mah bangin, “Nang hong simmawhte a simmawhna kam in keima tungah hong tung hi,” a ci hi.

Luka 22:27

Kua lianzaw hiam: sabuai ah tupa lianzaw hiam? Nasempa lianzaw hiam? Sabuai ah a tupa lianzaw hilo ahi hiam? ahih hangin note lakah nasempa mah bangin ka om hi.

ROM (Romans) 14:15

Na u na nau in nang an nekna hangin a dah leh, nang in itna tawh na gamta kei hi. Amah tang ding Khazih a si khin mi khat na an nekna tawh na siasak kei in.

Sawltak 10:38

Pasian in Nazareth khua mi Zeisu, Kha Siangtho leh vangliatna tawh sathau a nilh khit ciangin tua Zeisu pai kawikawi a, thupha bawlin dawimangpa in a bawlsiatte khempeuh a damsak hi. Bang hang hiam na cih uh leh, Pasian in amah tawh a omkhawm hi.

Filippi 1:1

Khazih Zeisu’ silate ahi uh Paul leh Timoti in Filippi khua-ah a om pawlpi siate leh upate-a kipan Khazih Zeisu sungah kip-a a om misiangthote khempeuh thu kong zasak uh hi.