Filippi 2:27 - Tedim Bible

²⁷ Amah in si dek takin a gim mahmah hi. Ahih hangin Pasian in amah a hehpih hi. Amah bek ahi kei hi, keima dahna a kibehlap sawnsawn loh nadingin kei zong hong hehpih hi.

Tedim Bible Revision 2017

²⁷ Amah a ci na takpi a, zong si dektak hi. Ahi zongin Pasian in amah hehpih hi. Amah hehpih kei leh keima dahna kibehlap to sawnsawn ding ahih manin amah bek a hehpih hi loin kei zong a hong hehpih ahi hi.

Filippi 2:27 Referans Kwoze

Late 34:19

Thuman mi’ thuakna a tam hangin tuate khempeuh panin Topa in amah hon hi.

Filippi 2:30

Bang hang hiam na cih uh leh, note in kei nong vaak, nong khoina uh a kicing lote amah in kicingsak dingin Khazih adingin ama nuntakna a sih dektak zah dongin a hanciam zo hi.

2 KORIN NIHNA 2:7

Tua ahih ciangin tua bang mi in dah mahmahin kiphumcip a, a tummang loh nadingin note in ama mawhna maisakin amah na hehnep ding uh a kilawm hi.

1 KORIN MASA 10:13

Mi in a thuak theih loh ze-etna khat beek na thuak kei uh hi. Pasian in thumanna lungsim tawh kidim ahih ciangin na thuak zawh loh uh ze-etna hong tun’ nadingin thu a pia kei ding hi. Note in na thuak ding uh ze-etna a hong tun’sak ciangin na thuak zawh nadingun suahtak nading lampi zong hong bawlsak ding hi.

Sawltak 9:37

Tua lai takin amah a ci na a, a si hi. Amaute in ama luang a sil khit uh ciangin dei tungnung ah koih uh hi.

JOB (Job) 5:19

Lungkhamna guk vei dong na tuahna-ah amah in hong hon ding a, a sagih veina dingah siatna in nang hong su nawn lo ding hi.

Isaiah 43:2

Nangmah in tuite na kantan ciangin nang tawh kong omkhawm ding a, gunte na kantan ciangin tui in hong tuum lo ding hi; mei kantanin na pai ciangin na kang kei ding a, a meikuangte in nang hong kangtum lo ding hi.

Habakkuk 3:2

Topa aw, nangma sepsa thute ka za a, lamdang ka sa mahmah hi. Na hih ngeisa na liante, ko’ hunin zong hong hih kik in. Na heh hun ciang nangawnin zong, hehpihna lungsim hong nei in.

Jeremiah 10:24

Topa aw, a hoih bek tak-in, heh loin kei hong hilh in; hong heh lecin kei ka si ding hi.

Jeremiah 8:18

Ka dahna dam thei lo a, ka lungsim na mahmah hi.

Isaiah 38:17

Gimna lianpi ka thuakna in keima metna hong suak ding hi. Lauhuaina khempeuh panin kei nong honkhia a, ka mawhna khempeuh na nungzang ah na koih hi.

Isaiah 27:8

A kithukkim dingin amah in amaute sal suahsakna tawh daan pia hi; nisuahna huihpi a nun’ ni-in amah in a kihtak huai a ging pha tawh amaute khinkhia hi.

2 KUMPI NIHNATE 20:1

Tua hun lai takin Hezekiah a cina-in si dektak hi. Tua ciangin Amoz’ tapa kamsangpa Isaiah ama kiangah hong pai a, ama kiangah, “Topa in hih bangin ci hi: ‘Na innkuan vai ding hawm in; bang hang hiam cih leh nang na si ding hi; na damkik kei ding hi, ci hi,” a ci hi.

Jeremiah 45:3

Nangmah in, ‘Gimna ka thuak hi! Bang hang hiam cih leh Topa in ka dahna leh ka natna hong behlap hi. Ka tautauna-in ka gim khin zo a, ka tawlnga thei kei hi,’ na ci hi.

Filippi 2:26

Bang hang hiam na cih uh leh, a ci natna thu note in na zak uh bangin, amah in note hong ngai-in, nakpi lungzuangin a om hi.

Filippi 2:28

Tua ahih ciangin note in amah na muhkik uh ciangin na lungdam nading uh ahi zongin, keima dahna zong a kiam nading ahi zongin nomau kiangah hahkatin ka hong sawl hi.