Filippi 2:22 - Tedim Bible

²² Ahih hangin ta in a pa tawh na a sepkhawm mah bangin Timoti in kei tawh Lungdamna Thu khan’sakna-ah na a semkhawm hi ci-in ama teci thu note in na thei uh hi.

Tedim Bible Revision 2017

²² Ahi zongin Timoti ahihleh lungdamna thu nasepna ah pata bang ka hih manun manpha mahmah hi.

Filippi 2:22 Referans Kwoze

1 KORIN MASA 4:17

Tua hangin Topa’ nasepna pan a diktat, ka it ka ta Timoti note kiangah kong sawl hi. Mun khempeuh ah pawlpi khempeuh thu ka hilh mah bangin, kei in Khazih sungah ka gamtatnate amah in note hong phawksak ding hi.

2 TIMOTI NIHNA 1:2

Ka it ka tapa Timoti kong zasak hi. Pa Pasian leh i Topa Khazih Zeisu kiangpan hehpihna thupha, hehpihna leh nopna nang tungah om ta hen.

1 TIMOTI MASA 1:2

Upna sungah ka ta taktak ahi Timoti kiangah kong zasak hi. Pa Pasian leh Khazih Zeisu i Topa’ hehpihna thupha, hehpihna leh nopna nangma tungah om ta hen.

2 KORIN NIHNA 2:9

Tua tham loin, note in thu khempeuh na ngai uh hiam, na ngai kei uh hiam cih theih nopna tawh na zia uh enin, tu ma-in lai kong gelh hi.

1 TIMOTI MASA 1:18

Ka ta Timoti aw, nangmah hong ngaihsunin a kigensa thu genkholhna kam bangin nang in upna leh theihna lungsim siangtho suangin, a pha galdona na do nadingin, a tungah ka hong gensa thupiakna kikoihna thu, nang ka hong pia hi.

2 KORIN NIHNA 8:22

Tua nihte tawh a dang sanggampa zong kong paisak uh hi. Tua sanggampa na khempeuh ah tam veipi ka ze-et uh a, ka theih bangin a hahkatpa ahi hi. Tu-in note a hong muan’ mahmah maninah a hahkat semsem hi.

Titu 1:4

A kibang khawm upna thu sungah ka ta taktak ahi Titu kiangah thu ka hong zasak hi. Pa Pasian leh eite Honpa Khazih Zeisu kiang pan hehpihna thupha leh nopna nangma tungah om ta hen.

2 TIMOTI NIHNA 3:10

Nang na hih leh, keima thu hilhna, ka gamtatna, ka hanciamna, ka upna, ka lungduaina, ka itna, ka zawhna, ka thuak bawlsiatna leh gimna-a kipan,

Filippi 2:20

Bang hang hiam na cih uh leh, amah in note phattuam nading lungsim pha a neih bangin a nei khat beek keima kiangah a om kei hi.

2 KORIN NIHNA 8:24

Tua ciangin note ki-itna uh ahi zongin, kote in note hangah ka kisaktheih nading uh ahi zongin pawlpite mai-ah tuate tungah a kilangin na lak un.

2 KORIN NIHNA 8:8

Tua bang kong cih ciangin thupiakna tawh hong ci ka hi kei hi. Midangte’ hahkatna paulamin note itna lungsim in a man hiam, a man lo hiam, ze-etna tawh kong ci hi.

Sawltak 16:2

A pa ahih leh, Grik mi ahi hi. Tua pa in Listra khua leh Ikonium khua-ah a om ute naute kiangah maipha a ngah mi ahi hi.

ROM (Romans) 5:4

Thuakzawhna in teci kilatsakna a piangsak hi. Teci kilatsakna in lawpna a piangsak hi.

1 KORIN MASA 16:10

Timoti in note kiangah hong tun’ leh, amah lungmang loin note tawh a omkhawm theih nadingin na kiging un. Amah in zong keimah bangin Pasian’ nasem ahi hi.

Filippi 1:7

Note khempeuh ading tua bang lungsim ka neih ding a kilawm hi. Bang hang hiam na cih uh leh, note khempeuh in keimah tawh thupha na ngah khawm uh a, keima thongkiatna-ah ahi zongin, Lungdamna Thu lamah hutna leh kipsakna-ah ahi zongin nong huh uh a, tua thu hangin note kong phawk tawntung hi.

Filippi 1:12

Ute naute aw, keimah tungah hong tung nate in Lungdamna Thu khaam lo tham loin, a khangsak zaw hi ci-in na theih nadingun ka deih hi.

Filippi 1:16

Keimah in Lungdamna Thu hu dingin hong kikoih ka hihna thu kimkhatte in thei-in, ki-itna lungsim tawh a hilh uh hi.

1 TIMOTI MASA 4:6

Hih nate nang in ute naute kiangah na hilh leh, upna thu leh tu dongin nang na zuih thuhilhna a hoih tawh kivakin, Khazih Zeisu’ nasem hoihpa na hi ding hi.