Filippi 2:15 - Tedim Bible

¹⁵ Tua bangin na hih uh leh, mawhsak nading om loin, kuama tungah khialhna om loin, lungkawi-a kisia mi pawlte lakah mawhna neu kha beek a nei lo Pasian’ tate na suak ding uh hi. Nuntakna tawh kipawl thu hilhin, vantunga aksite bangin tua mi pawlte lakah na taang ding uh hi.

Tedim Bible Revision 2017

¹⁵ Tua hileh a lungsim kawi, a hoih lo leitung mite lakah paubaanna a nei lo a siangtho, Pasianʼ tate na hi ding uh a, nuntakna thu na genna uh hangin leitung mite lakah khuavak bangin na hoihna uh a kilang mite na hi ding uh hi.

Filippi 2:15 Referans Kwoze

1 PETER MASA 2:12

Gentailte in gitlohna a bawl mite ci-in note hong kosiat uh hangin Pasian in hong en a, thu a khen ni ciangin na gamtatna uh a pha amaute in a muh uh ciangin Pasian’ min a phat nadingun, amaute mai-ah a kilawm a kituakin na gamta un.

Mattiu 5:45

Bang hang hiam na cih uh leh, Pasian in miphate leh migilote tungah ama ni a tangsak kim hi. Misiangthote leh misiangtho lote tungah guah a zusak kim hi.

Isaiah 60:1

Jerusalem khuapi aw, tho in la, sun nitaang bang in! Topa minthan’na in nangma tung hong taan’ zo hi.

1 THESALONIKA MASA 5:23

Nopna hong pia Pasian mah in note khempeuh hong siangthosak ta hen. Note lungsim, na kha leh na pumpi uh, i Topa Zeisu Khazih hong pai kik ciangin mawhsakna tawh a kipelh nadingun hong keem ta hen.

Thu-hilhkikna 32:5

Amaute in ama tungah gamtat sia uh a, amaute’ sitban’na hangin amaute in ama tate hi nawn lo uh hi; amaute in a lampial, lungsim kawi khang mite ahi uh hi.

2 PETER NIHNA 3:14

Tua ahih ciangin ka itte aw, note in hih nate lamenin na om uh ahih ciangin, ama mai-ah mawhsakna om lo, ninna tawh kinuh loin nuam takin na om nadingun na hahkat un.

1 KORIN MASA 1:8

Tua Topa in eite Topa Zeisu Khazih’ Ni-inah mawhsak nading tawh na kipelh nadingun a tawp dongin no hong kipsak ding hi.

1 PETER MASA 2:9

Note na hih uh leh, khuamial sung pan a lamdang khuavak sungah a hong sampa’ vanglian hehpihna na lahkhiat nadingun, a hong teel mi pawl, man’na nuam a nei siampi pawl, mi siangtho pawl, Pasian in a uk, a neih mi pawlte na hi uh hi.

Mattiu 5:48

Tua ahih ciangin, vantungah a om na Pa uh a migi mah bangin na migi ta un.”

1 TIMOTI MASA 3:10

Tua mite in a masa-in ze-etna thuak ta uh hen. Tua nung ciangin mawhsak nading a om kei leh, pawlpi upa na sem ta uh hen.

1 TIMOTI MASA 3:2

Tua ahih ciangin thuhilhpa in mawhsak nading tawh a kipelh mi, zi khat bek a nei mi, a lungsim kip mi, a khuaval lo mi, a kilawm a kituak-a gamta mi, zindo siam mi, thuhilh siam mi ahi ding hi.

Efesa 5:27

a nin ban’na om lo, sa tonna om loin, a mel kilawma om pawlpi, Khazih in amahmah a kipiak nading-inah Pasian’ thu tawh tui-ah a sil khit ciangin, siangthosak nadingin tua pawlpi adingin ama pumpi a pia hi.

ROM (Romans) 16:19

Note’ thuman’na in mi khempeuhte lakah kithang ahih ciangin, note hangin ka lung a dam hi. Ahih hangin note in thuhoih lamsang ah lungpilna nei-in, gitlohna lamsang ah mawhna a om loh nading ka hong deih hi.

Sawltak 2:40

“Hih gilo khang mite lak panin kigumkhia un,” ci-in thudang tampi tawh hansuah a, thu a hilh hi.

Mattiu 10:16

“Ngia hon lakah tuute bangin no kong sawl hi. Tua ahih ciangin, note in gul bangin na pil un la, vakhu bangin gilo nei loin na om un.

Hebru 7:26

Tua bang siampi ukpa in siangtho-in, dikin, kihhuaina om loin, mawhneite tawh kikhen khia a, vante sangin a sangzaw munah a tung mi ahih ciangin, eite ading a kilawm hi.

Titu 2:15

Hih thute hilhin, hansuahin zol in, thuneihna aana khempeuh tawh amaute na taai in. Kuamah kisimmawhsak kei in.

Titu 1:6

Upate in mawhsak nading tawh a kipelh mi, zi khat bek a nei mi, a tate zong thu-um mi hi-in, leitung nopsakna-ah uang lua hi ci-in mawhsakna a nei lo, thumang lo mi hi lo ding uh hi.

1 TIMOTI MASA 5:20

Midangte in zong a lau theih nadingun, a khial mite, mi khempeuh mai-ah na taai in.

Sawltak 20:30

Nungzuite a zolkhia dingin thuzuau a gen mite in note lakah a piang ding uh hi cih ka thei hi.

Johan 5:35

Amah in kuanga a taang meivak hi a, note in ama khuavakna-ah tawlkhat nopsak ding bek na ut uh hi.

Luka 6:35

Note na hih uh leh, na galte na it un, amaute tungah thupha na bawl un. Na khatpeuh ka ngah ding hi ci-in lamen loin na leitawisak un. Tua bang na hih uh leh, na noptuamna uh lian ding a, Sang Bel Pasian’ tate na hi ding uh hi. Bang hang hiam na cih uh leh, amah in hehpihna a thukkik lo mi leh migilote a hehpih hi.

Mattiu 17:17

Zeisu in, “Upna nei lo, a lungkhauh pawlte aw, kei note tawh bang tan vei omkhawm ding ka hi hiam? Note bang tan vei hong thuak zo ding ka hi hiam? Tua naupang ka kiangah hong paipih un,” a ci hi.

Late 122:5

David innkuante’ kumpi tokhom ahi, thukhen nading kumpi tokhom tua lai-ah kikoih hi.

Mangmuhna 3:9

En in, ‘Judah mipawl khat ka hi uh,’ a ci zuau thu a gen mipawl ahi, Satan pawlte ahi mite kong pia a, amau in nang khe kiangah bia-in, nang kong it, ci-in amaute ka theisak ding hi.

1 TIMOTI MASA 5:14

Tua ahih ciangin a khangno meigongnute in pasal a neih nading, ta zong a neih nading, a inn sung a uk nading, i galte in hong gensiat theih loh nading ahih nadingun ka deih hi.

1 TIMOTI MASA 5:7

Tua mite in mawhsakna tawh a kipelh nadingun hih thute vaikhak in.

2 KORIN NIHNA 6:17

Tua ahih ciangin: “Tua mite lak pan paikhia un la, a tuamin om un. A siangtho lote na lawng kei un.

Luka 1:6

Tua tegel in Pasian’ thukham khempeuh leh Pasian’ ngeina khempeuh zui uh a, mawhsak na’ng om loin Pasian mai-ah mipha ahi uh hi.

Paunak 4:18

Ahi zongin thuman mite’ zuih lampi ahih leh, sun dong a taang pha semsem zing khuavak tung tawh kibang hi.

Paunak 8:8

Ka gen khempeuh ahi vive hi a, zuauthu, thukawi om het lo hi.

Daniel 6:4

Tua ciangin vaihawmpi dangte leh gam ukpi teng in Daniel’ nasepna en cikin a mawhna zon’ ding a hanciam uh hi. Ahih hangin Daniel pen a thuman leh a citak khat ahih manin a mawhna leh a simtatna a mu zo kei uh hi.

Filippi 3:6

Lungsim khauhna pan ci leeng pawlpi bawlsiapa ka hi hi. Thukham hangin kingah dikna lam pan ci leeng mawhsak nading om lo mi ka hi hi.

Mangmuhna 2:5

Tua ahih ciangin nang in bangci omna pan na kiam zawh thu na phawk kik khit ciangin na kisikkik in la, a cil-a na gamtat ngei na gamta kik in. Tua bang na hih kei leh, na kiangah ka hong pai ding a, na kisikkik kei leh, na meivakna a omna pan ka khin ding hi.

Paikhiatna 34:35

Israel mite in Moses’ maitang, vun a taang mu uh hi; amah tawh kiho dingin a pai matengin Moses in kiliahna puan tawh a maitang khuhkik hi.