Filippi 2:14 - Tedim Bible

¹⁴ Note in na hihna khempeuh uh ah thuum lo, tau lo, kinial loin na hih un.

Tedim Bible Revision 2017

¹⁴ Na khempeuh phun lo, thu nial loin sem un.

Filippi 2:14 Referans Kwoze

1 PETER MASA 4:9

Phun loin khat leh khat zin na kido un.

1 KORIN MASA 10:10

Tuate kimkhat in kihhuaina a bawl uh a, a susia vantungmi’ khut sungah a kisiat uh bangin eite in kihhuaina bawl kei ni.

Filippi 2:3

Huaihamna lungsim, a mawkna minthan’ deihna lungsim neihna tawh bangmah na hih kei un. Midangte in note sangin a phazaw hi ci-in lungsim niamkhiatna tawh khat leh khat na kingaihsun un.

Jeim 5:9

Ute naute aw, thukhenna tawh na kipelh nadingun khat leh na kiphunsan kei un. En un, kongkhak kiangah Thukhenpa ding-in a om hi.

ROM (Romans) 12:18

Note in na hih zawh zahun mi khempeuh tawh na kilem un.

1 THESALONIKA MASA 5:15

Mi dangte tungah hehna na thukkik loh nadingun na kikeem un. Khat leh khat tungah ahi zongin, mi khempeuh tungah ahi zongin thuhoih lamsang hahkat tawntungin na bawl un.

Jeim 1:20

Bang hang hiam na cih uh leh, mi’ hehna in Pasian’ dikna thu a piangsak kei hi.

Galati 5:26

Khat leh khat kibawlsiatna, khat leh khat kihazatna tangin mawkna minthan’nate lunggulhin om kei ni.

Galati 5:15

Ahih hangin khat leh khat na kipeh, na kinek uh leh, khat leh khat na kisiasak ding uh hi ci-in lunghimawhin kikem un.

Jeim 3:14

Ahih hangin note lungsim sung uhah hazatna leh kidemna siatna a om leh, thuman thutak tawh kilem loin kisathei kei un.

ROM (Romans) 14:1

Upna neu mi na mang un. Ahih hangin up khialh nading thute tua mi tawh na kikum kei un.

Late 106:25

Amaute a puanbuk sung uh-ah phun uh a, Topa’ thu ngai lo uh hi.

Juda 1:16

Tua mite in phunin a mawhsak thei mi, amaute lunggulh deihgawhna bangin a gamta thei mi, a kam un kisaktheihna thu a gen thei mi, amau noptuamna ngaihsunin mi maitang a zahtak thei mi ahi uh hi.

1 PETER MASA 3:11

Gitlohna peelin, gitna bawl hen: Mi tawh kilem nading zongin, a phak dongin delh hen.

Hebru 12:14

Mi khempeuh tawh kilemin nopsakna ahi zongin, a siangtho gamtatna ahi zongin na phak matengun delh un. Tua siangtho gamtatna a om kei leh, kuamah in Pasian a mu thei kei ding hi.

ROM (Romans) 16:17

Ute naute aw, na san’sa uh thuhilhna tawh kituak lo, kikhenna leh pukna a bawl thei mite ciamteh un la, tang un, ci-in kong thuum hi.

Sawltak 15:2

Paul leh Barnabas in tua mite tawh tampi a kinial, a kiseel khit uh ciangin Paul, Barnabas leh adang thu-um kimkhatte tua thu kikum dingin Jerusalem khua-ah a om sawltakte leh pawlpi upate’ kiangah a paisak uh hi.

Sawltak 6:1

Tua lai takin nungzui mite a tam tektek uh a, Grik Judah mi meigongte in nisim kivakna a ngah loh manun ah Grik Judah mite in Hebru mite tungah a phun uh hi.

1 THESALONIKA MASA 5:13

a bawlnate hangah ki-itna lungsim tawh na zahtak nadingun, kote in kong thuum uh hi. Khat leh khat kilemin na om un.

Gamlak-vakna 14:27

“Hih a gilo mihonte in bang tanvei kei hong phunsan ding ahi uh hiam? Amaute in kei hong phunsanna uh ahi Israel mite’ phunna ka za khin hi.

2 KORIN NIHNA 12:20

Bang hang hiam na cih uh leh, ka hong tun’ ciangin note in ka deih mi na hih loh uh a, keimah in zong no deih loh mi hi ding ahi zongin, note lakah kitotna, gendaina, nakpi-a hehna, kiseelna, kiphunsanna, kikhenna, kiphatsak theihna, buaina a suah ding ahi zongin,

Sawltak 15:39

Tua thu hangin amaute khat leh khat a kinial ciangun a kikhen uh a, Barnabas in Marka a sap khit ciangin teembaw tungah tuangin Saipras gamah a pai hi.

Sawltak 15:7

A tampi mah a kiseel khit uh ciangin Piter in ding a, thu a gen-inah: “Ute naute aw, Topa Pasian in a masa-in note lak pan keima kam tawh Gentailte in Lungdamna Thu za uh a, a up nadingun hong teel na thei uh hi.

Marka 14:5

Tua paknamtui dangka za thumin kizuakin mizawngte a kipia thei hi,” a cih khit uh ciangin, tua numei a mawhsak uh hi.

Mattiu 20:11

Amaute in a ngah khit uh ciangin, inn teekpa a gensia uh hi.

Paunak 13:10

Hilh ding ut lo a, kihihsakna in kitotna bek piangsak thei a, hong kithuhilh ding utna in a hoihzaw ahi hi.

Marka 9:14

A nungzuite omna-ah a tun’ uh ciangin, mi tampite in amaute uum uh a, laitheite in amaute tawh thu kikum kidongin a om uh a mu hi.

Luka 5:30

Farisaite leh laitheite in, “Note in siahdongte leh mawhneite tawh, bang hangin an nekhawm tui dawnkhawm na hi uh hiam?” ci-in a nungzuite a ko uh hi.