Filippi 2:1 - Tedim Bible

^1-2 Tua ahih ciangin Khazih sungah hansuahna ahi zongin, itna tawh kipawl lungnopna ahi zongin, Kha Siangtho tawh kihotheihna ahi zongin, hehpihna leh diksakna ahi zongin na khatpeuh peuh a om leh, khat leh khat ki-it ciatin, khat leh khat lungsim kikhen loin hanciamna kibangin, lungsim kikhatin na om manunah ka lungdamna na cingsak un.

Tedim Bible Revision 2017

¹ Note, Khris tawh kipawlin na nuntakna uh in note hong thahatsak hi. Kha Siangtho tawh kikhawlin, khatlekhat kihehpihin, dikna na kibawl uh hi.

Filippi 2:1 Referans Kwoze

Kolose 3:12

Tua ahih ciangin note in Pasian’ teel mi, a siangtho mi, a it mite bangin hehpihna, thupha bawlna, sin kiniamsakna, lungneemna, heh baih lohna lungsimte na silh un.

1 JOHAN MASA 4:12

Cikmah hunin kuamah in Pasian a mu ngei kei hi. Eite khat leh khat i ki-it leh, Pasian in eite sungah om a, ama itna eite sungah hong kicing hi.

2 KORIN NIHNA 13:14

Topa Zeisu Khazih’ hehpihna thupha ahi zongin, Pasian hong itna ahi zongin, Kha Siangtho’ kihotheihna ahi zongin note khempeuh tawh omkhawm ta hen.

1 KORIN MASA 12:13

Bang hang hiam na cih uh leh, Judah mi hi taleh, Grik mi hi taleh, sila hi taleh, to nei lo hi taleh, eite khempeuh in Kha Siangtho khat bek tawh pumpi khat sungah baptaizna i ngah a, eite khempeuh in Kha Siangtho khat sung pan i dawn hi.

Late 133:1

En un, sanggam bangin mite pumkhat suakin a tutkhawm ciangin bangzahin hoihin nuam ahi hiam!

Galati 5:22

Kha Siangtho’ gah in: itna, lungdamna, kilemna, lungduaina, mi hehpihna, gitna, diktatna,

Galati 4:6

Tua bangin note in tate na suak uh ahih ciangin,“Abba, Pa,” cisakin a Tapa’ Kha Siangtho eite lungsim sungah Pasian in hong sawl hi.

Sawltak 4:32

Thu-um mite in a lungsim leh a ngaihsut uh kikhat a, kuamah in ama neihsa khatpeuh peuh pen ama’ aa tuamin ngaihsun loin, a neih khempeuh uh a neikhawm uh hi.

1 JOHAN MASA 3:24

Ama thupiakna a zui mi in ama sungah kipin om a, amah in zong tua mi sungah a om hi. Tua tham loin, amah in eite sungah a om thu a hong piak Kha Siangtho hangin eite in i thei hi.

Johan 17:13

Tu-in keimah in nangma kiangah kong pai ding hi. Keima lungdamna hih mite sungah a dim nadingin hih thute leitungah ka om lai-in ka gen hi.

1 JOHAN MASA 4:16

Pasian in eite hong itna thu eite in thei-in i um zo hi. Pasian in itna ahi hi. Itna sungah a om mi in Pasian sungah a om hi. Pasian in zong tua mi sungah a om hi.

Filippi 3:3

Bang hang hiam na cih uh leh, Pasian Kha Siangtho hangin bia a, i pumpi muang loin, Khazih Zeisu hangah lungdamna kisaktheihna bek a nei eite in, vun-atna taktak a ngah mite i hi hi.

1 KORIN MASA 3:16

Note in Pasian’ biakna innpi na hi uh a, Pasian’ Kha Siangtho note sungah a ten’ lam thei lo na hi uh hiam?

ROM (Romans) 8:26

Tua mah bangin Kha Siangtho in i thahat lohnate hong huh hi. Bang hang hiam na cih uh leh, eite in thunget ding a kilawm bangin thunget ding i thei kei hi. Kha Siangtho mah in muk tawh kipau thei lo tauna tawh, eite ading thu hong ngetsak hi.

ROM (Romans) 5:5

Lawpna in hong zumsak lo ding hi. Bang hang hiam na cih uh leh, hong piak Kha Siangtho in Pasian’ itna eite sin sungah hong sung zo hi.

Sawltak 2:46

Amaute in biakna innpi sungah ni simin lungsim kituakin a om uh a, amau innah anlum balnenin, a siangtho lungdamna tawh anne tuidawn uh a, Pasian a phat uh hi.

1 PETER MASA 1:2

Pa Pasian’ theih kholh bangin a teelkhiat mite ahi, Pontas gam, Galati gam, Kappadokia gam, Asia gam, Bithunia gam leitung mun khempeuh ah kikhen thangin lal-a om mite kiangah ka hong zasak hi. Hehpihna thupha leh nopna in note tungah hong khang semsem ta hen.

Hebru 6:18

Bang hang hiam na cih uh leh, Pasian in zuauthu a zang zo lo thu nih hangin eite mai-ah hong kikoih lametna len a, a beel dinga tai eite in hansuahna khauh i ngah nading ahi hi.

Filippi 1:8

Keimah in note khempeuh Khazih Zeisu’ hehpihna tawh bang zah takin kong ngaihna thu Pasian in keima teci ahi hi.

Efesa 4:4

Note hong sapna lametna khat bek hangah hong koih ahih mah bangin, pumpi khat, Kha Siangtho khat bek a om hi.

2 KORIN NIHNA 2:14

Khazih tawh zawhna pawikhamna-ah kote a tawntung hong paipih a, tua Topa theihtelna namtui, ko hangin mun khempeuh ah a kizeelsak Pasian’ hehpihna phatna a om hi.

1 KORIN MASA 15:31

Ute naute aw, keimah in nisimin sihna ka thuak hi ci-in i Topa Zeisu Khazih sungah note hangin kisathei-in, lungdamin ka hong gen nuam hi.

Johan 14:27

Nopna note kong pia hi; keima nopna kong pia hi. Leitung mite in a piak bangin kong pia kei hi. Na lungmang kei un la, na lau kei un.

Johan 14:18

“Keimah in note tagahte bangin kong nusia kei ding a, note kiangah kong pai lai ding hi.

Luka 2:25

Tua lai takin Simeon kici mi khat Jerusalem khuapi ah a om hi. Tua pa dik a, Pasian zahtak a, Israel mipawlte’ nopsak nading a lamen hi. Kha Siangtho in ama tungah a om hi.

Isaiah 16:11

Tua ahih ciangin Moab gam hangin laiza la sakna bangin ka lungsim kisat gaihgaih a, Kirhareseth khuapi hangin keimahmah zong ka kisat gaihgaih hi.