Filippi 1:9 - Tedim Bible

^9-11 Note in ahoih apha nate na theih nadingun, theihna apawlpawl khempeuh hangah na ki-itna uh khangin a kicin’ nadingin ahi zongin, Pasian minthan’ nading leh phat nadingin, Zeisu Khazih hangah dikna’ gah tawh dimin, Khazih’ Ni dongin na lungsim uh a siangtho leh genbaang lo ahih nadingin ahi zongin note ading thu kong ngetsak hi.

Tedim Bible Revision 2017

⁹ Note ading deihsakna tawh thu ka hong ngetsak thu in: Noteʼ lungsimah itna khang semsemin, a sia le a pha a mantakin khen thei-in a hoih pen na teel theih nading uh ahi hi.

Filippi 1:9 Referans Kwoze

1 THESALONIKA MASA 3:12

Tua Topa in a misiangthote tawh a hong kumsuk khawm ciangin, eite Pa Pasian mai-ah Topa in amau lungsim sian’thona-ah mawhsak nading om loin, a kipsak nadingin, kote in note kong it uh mah bangin note khat leh khat ahi zongin, mi khempeuh ahi zongin na itin, ki-itna ah khangin na kicin’ nadingun Pasian in hong bawl ta hen.

Kolose 1:9

Tua ahih ciangin kote in zong ka zak uh ni pan akipan, note ading thungen tawntungin ka om uh hi.

Filemon 1:6

Upna na zopna a vanglian-in, Khazih Zeisu sungah eite’ aa ahi, ahoih na a om khempeuhte midangte in a theih nadingun thu ka ngen hi.

1 PETER MASA 1:22

Note in a kisia thei khaici hangin suakkik na hi kei uh hi; a kisia thei lo khaici ahi, kipin a om Pasian’ thu hangin suakkik na hih uh ciangin unau it kheem bang hi loin, a man takpi it nadingin thuman thutak ngai-in na lungsim uh na siangthosak uh mah bangin, khat leh khat na lungsim khempeuh uh tawh nakpi-in na ki-it un.

2 KORIN NIHNA 8:7

Ahih hangin note in upna, thuhilhna, pilna, hahkatna a pawlpawl leh nong itna uh-a kipan na khempeuh tawh na dim uh mah bangin hih hehpih piakna zong na dimsak ta un.

1 KORIN MASA 14:20

Ute naute aw, pilna lamah naupang bang kei un. Gitlohna lamah nawine naungeek bang un. Lungpilna lamah a khan’ khinte bang un.

2 THESALONIKA NIHNA 1:3

Ute naute aw, na upna uh khang mahmahin, note khempeuh khat leh khat na ki-itna uh zong khang ahih ciangin, kote in hih ding a kilawm bangin note hangin Pasian’ hehpihna ka phat tawntung uh hi.

2 PETER NIHNA 3:18

Hehpihna thupha ah ahi zongin, i Topa leh Honpa Zeisu Khazih theihtelna ah ahi zongin na khangto un. Tua Topa tungah tu-a kipan a tawntungin minthan’na om ta hen. Amen.

Hebru 5:14

Ahih hangin an tak in a sia a pha khen theihna pilna a nei, zakna muhnate zangin zongsang a, amau leh amau a kiseksa, a picing mite’ ading ahi hi.

Efesa 5:17

Tua ahih ciangin mihai suak loin, Topa’ deihna in bang ahi hiam ci-in na thei un.

Paunak 4:18

Ahi zongin thuman mite’ zuih lampi ahih leh, sun dong a taang pha semsem zing khuavak tung tawh kibang hi.

1 THESALONIKA MASA 4:1

A khak bel thu in ute naute aw, note in bang ci nuntak ding ahi zongin, Pasian lungdamsak nadingin bang ci gamtat ding ahi zongin kote kiang pan na ngah khin zo uh hi. Tua ahih manin tua mah bangin na khangto semsem un ci-in Topa Zeisu paulamin, hong thuumin kong hansuah uh hi.

JOB (Job) 17:9

Mite’ zahtak-a kinei mite in, amau’ ngaihsutna man sa semsem uh hi. Thuman sem mite in thahat semsem ding hi.

Late 119:66

Nangma thupiakte um ka hih manin thu khentel theihna leh theihna hong hilh in.