Filippi 1:7 - Tedim Bible

⁷ Note khempeuh ading tua bang lungsim ka neih ding a kilawm hi. Bang hang hiam na cih uh leh, note khempeuh in keimah tawh thupha na ngah khawm uh a, keima thongkiatna-ah ahi zongin, Lungdamna Thu lamah hutna leh kipsakna-ah ahi zongin nong huh uh a, tua thu hangin note kong phawk tawntung hi.

Tedim Bible Revision 2017

⁷ Lungdamna thu hangin ka thongkiatna le lungdamna thu man hi, ci-in pangin ka kipsak nading hun ka ngahna ah kei tawh a hong pangkhawm na hih manun ka lungsim sungah note na om tawntung uh a, hih zahta-in note ka hong phawk ding a kilawm thu mah ahi hi.

Filippi 1:7 Referans Kwoze

2 KORIN NIHNA 7:3

Note hong mawhsak nadingin hih bang ka ci kei hi. No tawh nuntak khawm nadingin ahi zongin, sih khawm nadingin ahi zongin ka deih dongin note ka lungtang sungah kong it hi ci-in tuma-in ka hong ci zo hi.

2 TIMOTI NIHNA 2:9

Tua Lungdamna Thu hangin keimah in mi gilo bangin khau kikhihna dongin gimna ka thuak hi. Ahih hangin Pasian’ thu ahih leh, a kikhihna om lo hi.

Kolose 4:18

Kei Paul in ka khut tawh note hopihna hih lai kong gelh hi. Kei’ thuak kikhihna na ngaihsun un. Note tungah hehpihna thupha om ta hen.

Filippi 4:14

Ahih hangin gimna ka thuak lai takin note in kei tawh kizopna hangin a pha-in na bawl zo uh hi.

Efesa 3:1

Tua thu hangin note phattuam nadingin ngaihsunin, keimah a hong piak Pasian’ hehpihna thupha note in na zak uh leh, Gentail mi ahi note hangin Khazih Zeisu’ thongkiapa kei Paul in,

Sawltak 20:23

Ahih hangin kihenna leh thong sung khiat nadingte in kei hong ngak hi ci-in Kha Siangtho in khua khempeuh ah kei hong hilh hi.

1 JOHAN MASA 3:14

Eite in ute naute khat leh khat ki-it i hih man-inah sihna panin nuntakna ah i galkah zo hi cih i thei hi. A it lo mi in sihna sungah a om lai hi.

2 PETER NIHNA 1:13

I Topa Zeisu Khazih in hong lah sa mah bangin a sawt loin ka pumpi nuntakna ka nutsiat ding thei ka hih ciangin,

1 PETER MASA 4:13

Note in Khazih’ gimna a zom na hih uh ciangin ama minthan’na hong kilat ciangin lungdam mahmahna tawh na nuam nadingun, tu-in zong nuam un.

Hebru 3:1

Tua bang ahih leh, vantunggam tawh kipawl hong sapna thupha a ngah misiangtho ute naute aw, a thuman Sawltak leh Siampi Ukpa ahi ci-a i san’ Zeisu tel takin enin ngaihsun un.

2 TIMOTI NIHNA 1:8

Tua ahih ciangin Topa teci pan’na ahi zongin, tua Topa’ thongkiapa ahi keimah ah ahi zongin zum kei in. Pasian hong piak a vangliatna bangin Lungdamna Thu tawh kizomin gimna na thuak in.

1 THESALONIKA MASA 5:5

Bang hang hiam na cih uh leh, note khempeuh in khuavak’ tate, sun lai’ tate na hi uh hi. Eite in zan tawh ahi zongin, khuamial tawh ahi zongin a kipawl i hi kei hi.

Kolose 4:3

Keimah in Khazih’ thu thuk hangin thongkiatna ka thuak a, tua thu thukna gen dinginah Pasian in thuhilhna kongkhak, kote ading a hong hon’ nading ahi zongin, tua thu thukna hilh ding a kilawm mah bangin ka hilh theih nading uh ahi zongin, kote ading thu hong ngetsak un.

Efesa 4:1

Tua ahih ciangin a hong sapna thupha note in na ngah uh tawh kituakin na zuih nadingun, Topa hanga thongkia keimah in hansuahin kong zol hi.

Galati 5:6

Bang hang hiam na cih uh leh, Khazih Zeisu sungah vunatna in phattuamna a om kei hi, vunat lohna in zong phattuamna a om kei hi; itna tawh nasep theihna upna bek in phattuamna a om hi.

2 KORIN NIHNA 3:2

Note in kei lungtang tungah a kigelh, mi khempeuh in a sim theih kote’ lai na hi uh hi.

1 KORIN MASA 13:7

na khempeuh a thuak thei hi, na khempeuh a um thei hi, na khempeuh a thuak keeikaai hi.

1 KORIN MASA 9:23

Midangte tawh Lungdamna Thu ka ngah khawm nadingin Lungdamna Thu ading na khempeuh ka bawl hi.

Sawltak 21:33

Tua ciangin galkap mangpa in va nai a, Paul a mat khit ciangin sikkhau nih tawh hen ding thu a piak khit ciangin, “Hih mi kua mi ahi hiam? Bang hih khial ahi hiam?” ci-in a dong hi.

1 PETER MASA 5:1

Tua ahih ciangin upa ahi tham loin, Khazih’ gimna thuakna a mu teci hi a, a kilang ding vangliatna a zom ding keimah in note lakah a om upate kong hansuah hi.

Filippi 1:12

Ute naute aw, keimah tungah hong tung nate in Lungdamna Thu khaam lo tham loin, a khangsak zaw hi ci-in na theih nadingun ka deih hi.

Filippi 1:13

Tua ahih ciangin ka thongkiatna in Khazih hang ahi hi cih kumpipa a vil galkap khempeuh-a kipan midangte lakah a kilang hi.

Filippi 1:14

Topa sungah a om ute naute lak pan a tampite in kei thuak khau kikhihna hangin thu-upna ah lungkimin lau loin, Pasian’ Thu a hilh ngam semsem uh hi.

Filippi 2:22

Ahih hangin ta in a pa tawh na a sepkhawm mah bangin Timoti in kei tawh Lungdamna Thu khan’sakna-ah na a semkhawm hi ci-in ama teci thu note in na thei uh hi.

Filippi 4:3

Lawm naseppih taktak aw, tua numeite huh dingin ka hong thuum hi. Bang hang hiam na cih uh leh, amaute in kei leh Klement-a kipan nuntakna laibu sungah min kikhum adang ka naseppihte tawh Lungdamna Thu ka hilh khawmna-ah hong huhin, a hahkat mi ahi uh hi.

Filippi 4:15

Lawm Filippi mite aw, Lungdamna Thu hilh ding kipanin Makedonia gam pan ka paikhiat lai takin, piakna leh ngahna in note sim loh kuamah pawlpi in kei tawh a kizom kei uh hi.

Filemon 1:13

Lungdamna Thu hangin kikhihna ka thuak lai takin, amah in nangmah tangdingin kei hong kep nadingin ka koih nop hangin, nang in kei tungah,