Filippi 1:29 - Tedim Bible

^29-30 Bang hang hiam na cih uh leh, note in ni danga na muh uh bangin, tu-in na zak uh bangin ka thuak galdona bangin, note in zong na thuak uh ahih ciangin Khazih upna bekah hi loin, ama hanginah gimna thuak nading zong thu na ngah uh hi.

Tedim Bible Revision 2017

²⁹ Bang hang hiam cih leh Khrisʼ na sep nading hunpha zong note tungah a hong kipia hi a, Khris upna tawh ama na a sem hi bek loin, thuakna tawh zong a sem ding na hi uh hi.

Filippi 1:29 Referans Kwoze

Jeim 1:2

Ka u ka naute aw, ze-etna apawlpawl na thuak uh ciangin lungdam nading bek a hi ci-in na ciamteh un.

1 PETER MASA 4:13

Note in Khazih’ gimna a zom na hih uh ciangin ama minthan’na hong kilat ciangin lungdam mahmahna tawh na nuam nadingun, tu-in zong nuam un.

Sawltak 5:41

Tua ciangin sawltakte in Zeisu’ min hanga zumhuaina thuak dinga kilawm a kisak manun ah lungdamin, upa vaihawmna pan a paikhia uh hi.

ROM (Romans) 5:3

Tua tham loin gimna i thuak ciangin i lungdam hi. Bang hang hiam na cih uh leh, gimna in thuakzawhna a piangsak hi.

Sawltak 14:22

“Eite in gimna tampi thuakin Pasian’ Gam sungah i tum ding ahi hi,” ci-in upna sungah a kip nadingun, hansuahin thu a hilh uh hi.

Efesa 2:8

Bang hang hiam na cih uh leh, note in thu-upna hangah hehpihna tawh gupna na ngah zo uh hi. Note ut thu-a ngah na hi kei uh hi: Pasian’ letsong ahi hi.

Sawltak 14:27

A tun’ uh ciangin pawlpite kikhawmsak uh a, amaute tungah Pasian’ bawlna leh Gentailte ading thu upna kong kihon’na thu teng a zasak uh hi.

Sawltak 13:39

Amah a um khempeuh in Moses’ Thukham hangah suakta zo lote zong amah hang inah na suakta thei uh hi.

Mattiu 16:17

Zeisu in, “Jonah’ tapa Simon aw, thupha na ngah ding hi. Bang hang hiam na cih leh, hih thu, si-le-sa in nang hong hilh ahi kei hi. Vantunga om ka Pa in hong theisak hi.