Filippi 1:27 - Tedim Bible

²⁷ Note in galte hangin lau loin, lungsim kha khatah kipin, Lungdamna Thu tawh kipawl upna ading, lungsim kituakin na hahkatna uh, ka hong tun’ ciangin note tawh kimu-in ahi zongin, a kikhenin i om ahi zongin ka zak theih nadingin Khazih’ Lungdamna Thu tawh akilawm akituakin gamtat ding na hanciam un.

Tedim Bible Revision 2017

²⁷ Note tawh a om khawm dingin ka hong pai thei a, ka hong pai thei kei zongin note in lungdamna thu tawh kipawl upna thu ah ngimna kikhatin kip takin na om nading uh le deihna kikhatin na do khawmna thu uh ka zak theih nadingin Khris hanga lungdamna thu tawh a kilawm a kituakin na nuntak ding uh a thupi pen ahi hi.

Filippi 1:27 Referans Kwoze

Efesa 4:1

Tua ahih ciangin a hong sapna thupha note in na ngah uh tawh kituakin na zuih nadingun, Topa hanga thongkia keimah in hansuahin kong zol hi.

1 KORIN MASA 1:10

Ute naute aw, note khempeuh in kam kikhat na gen uh a, kikhenthang loin, lungsim kikhatin, kiciamtehna kikhatin, kicing takin na om nadingun i Topa Zeisu Khazih’ min tawh kong thuum hi.

2 PETER NIHNA 3:14

Tua ahih ciangin ka itte aw, note in hih nate lamenin na om uh ahih ciangin, ama mai-ah mawhsakna om lo, ninna tawh kinuh loin nuam takin na om nadingun na hahkat un.

Kolose 1:10

Ka thungetna un: note in gamtat hoihna apawlpawl ahi gah gahin, Pasian theihna pilna khan’ tohna nei-in ahi zongin, lungdamna tawh na khempeuh thuakin lungduai nadingin ama minthan’na, vangliatna bangin,

Juda 1:3

Ka itte aw, eite in i ngah khawm gupna thu tawh kizomin note kiangah ka hong gelh thu hahkat a, ka bawl lai takin, misiangthote kiangah khatvei bek a piaksa upna thu ading, lungsim khauhin na do nadingun hansuahin ka hong gelh hi.

1 THESALONIKA MASA 4:1

A khak bel thu in ute naute aw, note in bang ci nuntak ding ahi zongin, Pasian lungdamsak nadingin bang ci gamtat ding ahi zongin kote kiang pan na ngah khin zo uh hi. Tua ahih manin tua mah bangin na khangto semsem un ci-in Topa Zeisu paulamin, hong thuumin kong hansuah uh hi.

Filippi 2:12

Tua ahih ciangin ka itte aw, note in thu na man’ tawntung uh bangin keimah maitangah tham loin, ka muh lohna-ah zong thungai-in, launa liin’na lungsim tawh, gupna na ngahna uh semkhia un.

Filippi 3:18

Bang hang hiam na cih uh leh, nidang lai-in tam veipi kong genkhol a, tu-in zong khitui luangin ka hong gen mah bangin, Khazih’ singlamteh galin do-in a gamta mi tampi a om hi.

2 KORIN NIHNA 13:11

A tawpna thu in ute naute aw, na cidam ta un. Kicin’na, kihehnepna na nei un. Lungsim kikhatin om un. Khat leh khat kilemin om un. Tua bang na hih uh leh, itna nopna Pasian in no tawh hong omkhawm ding hi.

Sawltak 4:32

Thu-um mite in a lungsim leh a ngaihsut uh kikhat a, kuamah in ama neihsa khatpeuh peuh pen ama’ aa tuamin ngaihsun loin, a neih khempeuh uh a neikhawm uh hi.

Late 133:1

En un, sanggam bangin mite pumkhat suakin a tutkhawm ciangin bangzahin hoihin nuam ahi hiam!

Jeremiah 32:39

Amaute’ hoih nading leh amaute’ nung-a a tu a tate uh’ hoih nadingin a tawntungin kei hong zahtak nadingun lungsim kikhat leh nuntakdan kikhat ka pia ding hi.

2 PETER NIHNA 3:11

Hih na khempeuh tua bangin mangthang ding ahih ciangin, vantungte in mei hangin kisia-in, vanah a om nate in sa lua-in a tuisuak ding hun Pasian’ Ni hong tung ding ci-in note in lamenin lawpin, gamtatna siangtho gamta-in, Pasian biakna-ah nopsakna tawh na om ding uh kilawm hilo ahi hiam?

1 KORIN MASA 15:58

Tua ahih ciangin ka it ka ute ka naute aw, Topa’ nasep na hahkatna uh in Pasian tungah a mawkna hi lo hi cih thei na hih ciangun lungkipin, kicingin, kiam loin, hoi loin hahkat-in sem un.

ROM (Romans) 1:16

Khazih’ Lungdamna Thu hangin ka maizum kei hi. Bang hang hiam na cih uh leh, tua thu in a masa-in Judah mite, a nung ciangin Grik mite akipan a um mi khempeuh in gupna a ngah nading Pasian’ vangliatna ahi hi.

Jeim 3:18

Kilemna a piangsak thei mite ading dikna thu khaici kilemna tawh kivawhin a om hi.

2 TIMOTI NIHNA 4:7

Galdona a pha ka do zo hi, tai nading lam a mong dongin ka tai zo hi, upna thu ka keem zo hi.

1 TIMOTI MASA 1:19

Mi kimkhat in tua upna a nial uh a, amau upna teembaw a siasak uh hi.

1 TIMOTI MASA 1:11

Tua bang i cih ciangin thupha a ngah a vanglian Pasian in kei hong kepsak Lungdamna Thu tawh a kituak hi.

Sawltak 2:46

Amaute in biakna innpi sungah ni simin lungsim kituakin a om uh a, amau innah anlum balnenin, a siangtho lungdamna tawh anne tuidawn uh a, Pasian a phat uh hi.

Mattiu 12:25

Zeisu in amau lungsim ngaihsutna a theih ciangin, “Gamsung mi kilem lo-a a kikhen gam khempeuh kisia ding hi. A mi kilem lo, a kikhen khua leh inn khempeuh zong a kip zo kei ding hi.

Paunak 22:23

Bang hang hiam cih leh Topa in amaute pan’pih ding a, amau a bawlsiate tungah phu laksak ding hi.

1 THESALONIKA MASA 3:6

Tu-in ahih leh, Timoti in note kiang pan hong ciahkik a, note upna leh ki-itna uh a kip hi ci-in ahi zongin, kote in note kong ngaih uh mah bangin note in kote hang ngai-in, ni simin hong ngaihsun a, hong phawk uh hi ci-in ahi zongin, lungdam thu hong zasak ahih ciangin,

Filippi 2:24

Ahih hangin keimahmah zong note kiangah a sawt loin ka hong pai ding hi, ci-in Topa sungah ka um hi.

Efesa 1:15

Tua ahih ciangin note in Topa Zeisu upna leh misiangtho khempeuhte na itna uh thu ka theih khit ciangin,

Efesa 1:13

Note in zong note hong gupna thu tawh kipawl Lungdamna Thu ahi thuman thutak ngai-in, tua Khazih na up khit uh ciangin thuciamna tawh kipawl Kha Siangtho-a ciamtehna na ngah zo uh hi.

Galati 1:7

Tua Lungdamna Thu in ‘lungdamna thu dang’ ahi kei hi. Note hong bawlsia-in Khazih’ Lungdamna Thu a lumlet nuam mi kimkhat a om uh hi.

2 KORIN NIHNA 9:13

Note in Khazih’ Lungdamna Thu deihna-ah a kilanga na zuih uh ahi zongin, tua misiangthote-a kipan mi khempeuh hehpihna lungsim tawh hawmin na piakna uh ahi zongin, amau in a ngaihsut uh ciangin tua kivakna lim teci paulamin Pasian’ hehpihna a phat thei uh hi.

2 KORIN NIHNA 4:4

Tua bang mite in Pasian’ meel ahi Khazih’ minthan’na tawh a dim Lungdamna Thu khuavak taang a muh theih loh nadingun hih leitung a uk topa in a um lo tua mite’ lungsim mittang uh a tawsak hi.

ROM (Romans) 15:29

Note omna mun kong tun’ ciangin a kicing Khazih’ thupha tawh kong pai ding, ke’n ka thei hi.

ROM (Romans) 15:16

keimah in Pasian’ Lungdamna Thuhilh na semin Gentailte tungah Khazih’ nasem ka hih nading, Pasian in kei hong piak hehpihna thupha hanginah ute naute aw, note hong phawksak kikin, lau loin lai ka gelh hi.

ROM (Romans) 10:8

Bang a ci hiam? Tua thu in nang tawh kinai-in na kam sungah, na lungsim sungah a om hi; ka hilh uh upna thu a cihnopna hi.

ROM (Romans) 1:9

Keimah in thu ka nget ciangin, note thu tawh zomin thu ka ngen niloh hi ci-in a Tapa’ Lungdamna Thu hilhin ka lungsim sungah a na ka sep Pasian in keima lamah teci ahi hi.

Sawltak 24:24

Tua nung ciang a sawt loin Feliks Mangpipa in Judah mi ahi, a zi Drusilla tawh hong paikhawm a, Paul samin Zeisu Khazih upna thu a ngai uh hi.

Late 122:3

Jerusalem khuapi pen, Israelte tungah thu a kipiaksa bangin Topa’ tungah lungdamna a ko dingin Topa’ minamte, minamte a hong paitohna, khuapi lian tawh kibang-a a kibawl, kip tak-a a kilam bikbek ahi hi.

Filippi 3:20

Eite in i hih leh, vantung gam tawh kipawl mi i hi hi. Tua gam panin Honpa ahi Topa Zeisu Khazih hong paisuk kik ding hi ci-in eite in ngakin, lamenin i om hi.

Filippi 4:1

Tua ahih ciangin ka lungnopna leh ka kisaktheihna lukhu, ka it ka ngaih ahi ute naute aw, tua bangin Topa sungah kipin om un, ka itte aw!

1 KHANG TANGTHU MASATE 19:12

Tua ciangin amah in, “Siria mite ka lelh tuak leh nangmah in kei nong huh ding hi; ahih hangin Ammon mite nang na lelh tuak leh keimah in nang kong huh ding hi.