Filippi 1:25 - Tedim Bible

^25-26 Tua bangin pumpi cidamin ka om ding um ka hih ciangin nomau omna-ah khatvei ka hong pai ding maninah, note in Khazih Zeisu sungah keimah hangin lungdam kisathei zaw-in na om nadingun, note in upna-ah khangin na lungdam nading uh, kei in pumpi sungah omin note khempeuh tawh omkhawm nading thu ka ngah ding hi ci-in ka thei hi.

Tedim Bible Revision 2017

²⁵ Hih thu a hoih pen ding hi, ci-in thei tel ka hih manin noteʼ khantoh nading le upna hangin na lungdamna uh a khangsak dingin note ka hong hin pih lai ding hi.

Filippi 1:25 Referans Kwoze

Filippi 2:24

Ahih hangin keimahmah zong note kiangah a sawt loin ka hong pai ding hi, ci-in Topa sungah ka um hi.

2 KORIN NIHNA 1:24

Tua bang ka cih ciangin kote in note’ upna uk ka hi kei uh hi. Note lungdam nading huhin nasemte bek ka hi uh hi. Bang hang hiam na cih uh leh, upna hangah note kipin na om uh hi.

ROM (Romans) 15:13

Note in Kha Siangtho’ vangliatna hangah lametna pha tawh na dim nadingun, upna nei-in lungdamna, noptuamna a pawlpawlte tawh na dim nadingun, muan’na hong pia Pasian in hong pia ta hen.

ROM (Romans) 5:2

Tua Topa hangin eite omna hehpihna sungah upna hangin tum theihna thu i ngah hi; Pasian’ vangliatna lamenin lungdamin i om hi.

Sawltak 20:25

Ka pai kawikawi-a Pasian’ Gam thu kong hilh note khempeuh in keima maitang na mu nawn kei ding uh hi cih tu-in ka thei hi.

1 PETER MASA 1:8

Tua Topa note in na muh ngeiloh uh hangin na it uh hi. Tu-in zong na muh theih loh uh hangin umin, vangliatna tawh kipawl a kigen thei lo nopna lungsim tawh lungdamin, na kha uh gupkhiatna ahi note upna’ tupna mun na ngah uh hi.

ROM (Romans) 15:29

Note omna mun kong tun’ ciangin a kicing Khazih’ thupha tawh kong pai ding, ke’n ka thei hi.

ROM (Romans) 15:18

Gentailte in kam tawh ahi zongin, gamtatna tawh ahi zongin, thungaih nading Khazih in

Sawltak 14:22

“Eite in gimna tampi thuakin Pasian’ Gam sungah i tum ding ahi hi,” ci-in upna sungah a kip nadingun, hansuahin thu a hilh uh hi.

Sawltak 11:23

Barnabas a tun’ ciangin Pasian’ hehpihna thupha a muh ciangin a lungdamin amaute in a lungsim tawh Pasian beel dingin mi khempeuh a hansuah hi.

Luka 22:32

Ahih hangin nangma upna a siat loh nadingin ke’n thu kong ngetsak zo hi. Na kikheel kik khit ciangin ute naute na kipsak in,” a ci hi.

Late 60:6

Ama biakinn sungah Pasian in thu gen khin hi: “Gualzo-a lungdamna tawh Sekhem gam khenkhia-in Sukkot gamkuam ka sehkhia ding hi.

Filippi 1:24

Ahih hangin ka pum sungah om leng nomau ading a phazaw ding hi.

Filemon 1:22

Tua tham loin, ka giah nading omna mun zong na bawlkhol in. Bang hang hiam na cih leh, nangma thungetna hangin na kiangah tun’ theih nading thu ka ngahkik ding ka lamen hi.