Filippi 1:22 - Tedim Bible

²² Ahih hangin ka pumpi sungah nungta-in, tua nuntakna in ka nasepna-ah gah a pian’sak ding leh, ka teel ding ka thei kei hi.

Tedim Bible Revision 2017

²² Leitung pumpi nungta lai hi leng na a manpha tampi sem thei ding ka hih manin, sih ding le hin ding ka teel sawn ding ka thei kei hi.

Filippi 1:22 Referans Kwoze

1 PETER MASA 4:2

Pasian’ deihna bang zui-in, na pumpi uh a nuntakna a om lai hun a bei dongin, tua bang lungsim nei-in om un. Bang hang hiam na cih uh leh, gimna a thuak mi in mawhna tawh a kikhen hi.

Galati 2:20

Keima pumpi a nungta lai ahi kei hi, Khazih in keima sungah a nungta hi. Tu-in ka pum sungah a nungta ka nuntakna in kei hong it a, keimah tangding ama pumpi a paai Pasian Tapa’ upna tawh a nungta hi.

Filippi 1:24

Ahih hangin ka pum sungah om leng nomau ading a phazaw ding hi.

Sawltak 3:17

“Tu-in ute naute aw, note akipan no hong ukte in thei loin ahih uh ka thei hi.

2 KORIN NIHNA 10:3

Bang hang hiam na cih uh leh, kote in ci-le-sa ngeina bangin ka gamtat uh hangin ci-le-sa ngeina bangin gal ka do kei uh hi.

Late 71:18

Tua ahih ciangin Pasian aw, hong piang lai ding mite khempeuh tungah nangma hatna ka gen khit matengin, teek-a ka sam a kaan’ hun ciang dong nangawn-in kei hong nusia kei in.

Kolose 2:1

Note leh Laodikia khuamite-a kipan kei maitang mu ngei lo mi a om khempeuhte in, ki-itna tawh kipawlin Khazih ahi Pasian’ thu thukpi thei-in up khialhna om lo pilna hauhnate tawh dimin, lungsim kihehnep nadingin bang zaha lian kidemna, kidona ka thuak thu note ka hong theisak nuam hi.

ROM (Romans) 11:2

Pasian in a theih kholh ama mite a paaikhia kei hi.

Paikhiatna 32:1

Mual tung panin Moses hong tun’suk hakna mite in a theih uh ciangin, Aaron kiangah mite amau mah kikaikhawm tawmin, ama' kiangah, “Kithawi in, kote’ mai-ah a pai ding pasiante hong bawlsak in; Izipt leitang panin eite hong paikhiatpih to mite hih Moses ahih leh, amah bang suak khin cih i thei kei hi,” a ci uh hi.

Piancilna 39:8

Ahih hangin amah in nialin a topa’ zi’ kiangah, “En in, kei hong nei ahih manin ka topa in inn sungah bangmah lungphatmawhna nei lo hi, ama' neih khempeuh ka khut sungah hong koih khin hi;

Piancilna 21:26

Abimelek in, “Kua in hih hiam ka thei kei hi; nang nong gen kei a, keimah in tu ni dong ka za nai kei hi,” ci hi.

ROM (Romans) 1:13

Ute naute aw, Gentail adangte lakah gah ka ngah mah bangin nomau lakah zong ka ngah nadingin nomau kiangah pai ning ci-in tamveipi ka hanciam ci-in note in na theih loh ding uh ka deih kei hi. Ahih hangin tu dongin, hong kham a om hi.

Filippi 1:23

Thu nih kikal ah cih nading meel thei loin ka om hi. Pai-in Khazih tawh ka om ding ka lunggulh hi. Bang hang hiam cih leh, keima adingin a phazaw mahmah ding hi.