Filippi 1:19 - Tedim Bible

^19-20 Bang hang hiam na cih uh leh, keimah in bangmah maizum loin, launa om loin, Khazih’ minthan’na ka pumpi sungah ka kilatsak tawntung mah bangin tu-in zong ka hing ahi zongin, ka si ahi zongin a kilang ding hi ci-in nakpi-in ka lamet mah bangin, note’ thungetna hang ahi zongin, Zeisu Khirs’ Kha Siangtho huhna hang ahi zongin, ka gimnate in kei hong gupna thu ahi hi ci-in ka thei hi.

Tedim Bible Revision 2017

¹⁹ Note hong thungetsakna le Jesu Khris Kha Siangtho huhna tawh suakta ding hi ing, ci-in thei ka hih manin ka lungdam hi.

Filippi 1:19 Referans Kwoze

ROM (Romans) 8:28

Pasian a it mite ahi uh, a geelna banga a sap mite adingin na khempeuh in hoih nadingin a piang uh hi cih i thei hi.

Sawltak 16:7

Misia gamah a tun’ uh ciangin Bithinia gamah pai ding thu a ngaihsut lai takun Zeisu’ Kha in thu a pia kei hi.

2 KORIN NIHNA 1:11

Note in hong huhin, kote ading thu hong ngetsak le-uh teh, tunung ciangin zong hong gum ding hi ci-in kote in umin ka muang uh hi. Tua ciangin kote tunga hong hehpihna hangin mi tampite’ lungdamkohna in kote hangin Pasian kiang a tung ding hi.

Galati 4:6

Tua bangin note in tate na suak uh ahih ciangin,“Abba, Pa,” cisakin a Tapa’ Kha Siangtho eite lungsim sungah Pasian in hong sawl hi.

ROM (Romans) 8:9

Pasian’ Kha Siangtho in note sungah a teen’ leh, note in ci leh sa sungah na om kei uh hi; Pasian’ Kha Siangtho sungah na om uh hi. Bang hang hiam na cih uh leh, Khazih’ Kha Siangtho a nei lo mite in Khazih’ mi ahi kei uh hi.

1 KORIN MASA 4:17

Tua hangin Topa’ nasepna pan a diktat, ka it ka ta Timoti note kiangah kong sawl hi. Mun khempeuh ah pawlpi khempeuh thu ka hilh mah bangin, kei in Khazih sungah ka gamtatnate amah in note hong phawksak ding hi.

1 PETER MASA 1:11

Khazih’ thuak gimnate ahi zongin, tua gimna a thuak khit ciangin a kilang ding minthan’na ahi zongin, amaute sungah a om Khazih’ Kha Siangtho in teci a pan’ kholh ciangin a bang ci, a bang hun a cihnopna ci-in a zong uh hi.

Galati 3:5

Tua tham loin, Kha Siangtho note hong pia a, note lakah nalamdang hong lakpa in Thukham na zuihna hangun hong bawl ahi hiam, ahih kei leh, upna thu na ngaihna hang bek uh ahi hiam?

Filippi 1:18

Tua bang ahih ciangin bang ci bang hiam? Kheemna tawh hi taleh, dikna tawh hi taleh bang ci bangin thuhilh ahi zongin Khazih thu a hilh uh hi. Tua ahih ciangin keimah in ka lungdam a, tunung ciangin zong ka lung a dam lai ding hi.