Filippi 1:18 - Tedim Bible

¹⁸ Tua bang ahih ciangin bang ci bang hiam? Kheemna tawh hi taleh, dikna tawh hi taleh bang ci bangin thuhilh ahi zongin Khazih thu a hilh uh hi. Tua ahih ciangin keimah in ka lungdam a, tunung ciangin zong ka lung a dam lai ding hi.

Tedim Bible Revision 2017

¹⁸ Ahi zongin phamawh ka sa kei hi. Lungsim hoih tawh a kihilh a, lungsim khem tawh a kihilh ahi zongin, bangbang hitaseleh Khrisʼ thu gen uh ahih nungsang, kei ka lungdam hi.

Filippi 1:18 Referans Kwoze

Luka 9:50

Zeisu in, “Tua pa na kham kei un. Bang hang hiam na cih uh leh, note lang khatah a pang lo mi in note tawh kipawlin a om hi,” ci-in a gen hi.

1 KORIN MASA 15:11

Tua ahih ciangin kei ka hi zongin, amau ahi zongin tua bangin ka hilh uh a, tua mah bangin note in zong na um uh hi.

1 KORIN MASA 14:15

Tua ahih leh, bang kici ding hiam? Kha tawh thu ka ngen ding hi, pilna tawh zong thu ka ngen ding hi. Kha tawh la ka sa ding hi, pilna tawh zong la ka sa ding hi.

Marka 12:40

Amaute in meigongte’ neihsa a ne mang uh a, mawhna seel nadingin sau veipi thu a ngen uh hi. Tuate in mawhsakna lianzaw a thuak ding uh hi,” a ci hi.

Mattiu 23:13

“A simtat laitheite leh Farisaite aw, note in gimna na thuak ding uh hi. Bang hang hiam na cih uh leh, Vantung Gam kongkhak mi mai-ah na khak uh hi. No lah lut loin, a lut nuamte zong na kham uh hi.”

1 KORIN MASA 10:19

Tua bang ka cihna in bang ka cihnopna ahi hiam? Milim ahi a, milim biakna sa ahi zongin thupi hi a ci nuam ka hi hiam?

ROM (Romans) 6:15

Tua bang ahih leh, bang i ci hih ding hiam? Thukham nuai-ah om loin, hehpihna nuai-ah i om ahih ciangin khialhna i hih ding hiam? Tua bang hi zenzen lo ding hi.

ROM (Romans) 3:9

Tua ahih leh, bang kici ding hiam? Ei Judah mite in tua Gentailte sangin phazaw i hi hiam? Phazaw i hi zenzen kei hi. Bang hang hiam na cih uh leh, Judah mi leh Grik mi khempeuhte in mawhna nei tuak uh hi cih thu a masa-in ka lak zo hi.

Luka 9:45

Amaute in tua thu a thei kei uh a, a theih loh nadingun a kiseel hi. A cihnopna zong amaute in a dong ngam kei uh hi.

Filippi 1:19

Bang hang hiam na cih uh leh, keimah in bangmah maizum loin, launa om loin, Khazih’ minthan’na ka pumpi sungah ka kilatsak tawntung mah bangin tu-in zong ka hing ahi zongin, ka si ahi zongin a kilang ding hi ci-in nakpi-in ka lamet mah bangin, note’ thungetna hang ahi zongin, Zeisu Khirs’ Kha Siangtho huhna hang ahi zongin, ka gimnate in kei hong gupna thu ahi hi ci-in ka thei hi.