Filippi 1:17 - Tedim Bible

¹⁷ Kimkhat ahih uh leh, lungsim siangtho nei lo uh a, kihenna ka thuak lai takin hong gimsak behlap nuamin hanciam uh a, kitotna lungsim tawh Khazih’ thu a hilh uh hi.

Tedim Bible Revision 2017

¹⁷ Pawl khatte in ahihleh lungsim hoih tawh hi loin ka thongkiatna ah na ka sak semsem theih nadingin kei hong demna-in Khris thu a hilh uh hi.

Filippi 1:17 Referans Kwoze

Filippi 2:3

Huaihamna lungsim, a mawkna minthan’ deihna lungsim neihna tawh bangmah na hih kei un. Midangte in note sangin a phazaw hi ci-in lungsim niamkhiatna tawh khat leh khat na kingaihsun un.

Filippi 1:7

Note khempeuh ading tua bang lungsim ka neih ding a kilawm hi. Bang hang hiam na cih uh leh, note khempeuh in keimah tawh thupha na ngah khawm uh a, keima thongkiatna-ah ahi zongin, Lungdamna Thu lamah hutna leh kipsakna-ah ahi zongin nong huh uh a, tua thu hangin note kong phawk tawntung hi.

2 TIMOTI NIHNA 4:16

Amasa-a ka kihutna thu ka gen lai takin keima lamah kuamah a om kei hi, mi khempeuh in kei hong taisan uh hi. Tua thu hangin amaute tungah mawhsakna om kei hen.

1 TIMOTI MASA 2:7

Keimah in tua teci pang mi za-ah ahi zongin, sawltak za-ah ahi zongin, upna thu leh thuman thutak thu Gentailte kiangah a hilh za-ah ahi zongin hong koih hi, ka cih ciangin thuzuau ka gen kei hi, thuman thutak ka gen hi.

Sawltak 26:24

Tua mah bangin Paul in mawhna kiphelhna thu a gen lai takin Festas in, “Paul aw, nang mihai bang na hi hi! Lungpilna tam sinin, mihai na suak zo hi,” ci-in nakpi-in a kiko hi.

Sawltak 26:1

Tua ciangin Agrippa in, “Nang in nang ading na gen thei ding hi,” a cih ciangin Paul in a khut zanin a gen-inah:

Sawltak 22:1

“Ute naute leh pate aw, tu-ni ka mawhna kiphelh nading kong genna thu hong ngai ta un,” a ci hi.

Luka 21:14

Tua ahih ciangin, ‘Bang ka ci thukkik ding hiam?’ ci-in na ngaihsut kholh loh nadingun, na lungsim sung uh ah na ciamteh un.

ROM (Romans) 2:8

Paupeng lungsim mi, thuman thutak a ngai lo mi, a dik lo thu a ngai mite tungah hehna leh thangpaihna a koih ding hi.

Filippi 1:18

Tua bang ahih ciangin bang ci bang hiam? Kheemna tawh hi taleh, dikna tawh hi taleh bang ci bangin thuhilh ahi zongin Khazih thu a hilh uh hi. Tua ahih ciangin keimah in ka lungdam a, tunung ciangin zong ka lung a dam lai ding hi.

2 TIMOTI NIHNA 2:9

Tua Lungdamna Thu hangin keimah in mi gilo bangin khau kikhihna dongin gimna ka thuak hi. Ahih hangin Pasian’ thu ahih leh, a kikhihna om lo hi.