Filippi 1:16 - Tedim Bible

¹⁶ Keimah in Lungdamna Thu hu dingin hong kikoih ka hihna thu kimkhatte in thei-in, ki-itna lungsim tawh a hilh uh hi.

Tedim Bible Revision 2017

¹⁶ Hih bang mite in, Pasianʼ hong sawlna tawh lungdamna thu ka hutna hangin thong kia ka hihna thu thei-in, itna lungsim tawh Pasianʼ thu a hilh uh hi.

Filippi 1:16 Referans Kwoze

2 KORIN NIHNA 2:17

Met nadingin Pasian’ thu a zuak kawikawi mite tawh kote kibang loin, lungsim siangthoin Pasian’ sawltak mite bangin Pasian mai-ah lungsim tak tawh Khazih’ thu ka hilh uh hi.

Filippi 1:12

Ute naute aw, keimah tungah hong tung nate in Lungdamna Thu khaam lo tham loin, a khangsak zaw hi ci-in na theih nadingun ka deih hi.

Filippi 1:7

Note khempeuh ading tua bang lungsim ka neih ding a kilawm hi. Bang hang hiam na cih uh leh, note khempeuh in keimah tawh thupha na ngah khawm uh a, keima thongkiatna-ah ahi zongin, Lungdamna Thu lamah hutna leh kipsakna-ah ahi zongin nong huh uh a, tua thu hangin note kong phawk tawntung hi.

Late 69:26

Bang hang hiam cih leh nangmah in na satgawp mi amaute in bawlsia uh a, nangmah in na liamsaksa mi amaute in gimsak sawnsawn uh hi.

JOB (Job) 6:14

“Pasian ka nusia a, ka nusia kei zongin, hih bang lungkham hunin lawm citak ka kisam hi.

JOB (Job) 16:4

Note leh kei kikheek thei hi lehang, note’ gen khempeuh kei zong ka gen thei ding hi. Note ka lu hong pei sanin, thu tampi tak mah kong gen thei ding hi.

1 KORIN MASA 9:17

Ka ut thu-in hih na ka sep leh, phattuamna ka ngah hi. Ka ut thu loin ka sep leh, za lianah hong kikoih mi ka hi hi.

Filippi 2:22

Ahih hangin ta in a pa tawh na a sepkhawm mah bangin Timoti in kei tawh Lungdamna Thu khan’sakna-ah na a semkhawm hi ci-in ama teci thu note in na thei uh hi.

Filippi 4:3

Lawm naseppih taktak aw, tua numeite huh dingin ka hong thuum hi. Bang hang hiam na cih uh leh, amaute in kei leh Klement-a kipan nuntakna laibu sungah min kikhum adang ka naseppihte tawh Lungdamna Thu ka hilh khawmna-ah hong huhin, a hahkat mi ahi uh hi.

Filippi 4:15

Lawm Filippi mite aw, Lungdamna Thu hilh ding kipanin Makedonia gam pan ka paikhiat lai takin, piakna leh ngahna in note sim loh kuamah pawlpi in kei tawh a kizom kei uh hi.