Filippi 1:15 - Tedim Bible

¹⁵ Mi kimkhatte in ki-en’na lungsim leh kitotna lungsim tawh Khazih’ thu a hilh uh hi.

Tedim Bible Revision 2017

¹⁵ Mi pawl khatte in ahihleh hong hazatna le hong langpan nopna tawh Khris thu hilh uh a, ahi zongin mi pawl khatte in lungsim hoihtak mah tawh a hilh uh hi.

Filippi 1:15 Referans Kwoze

Filippi 2:3

Huaihamna lungsim, a mawkna minthan’ deihna lungsim neihna tawh bangmah na hih kei un. Midangte in note sangin a phazaw hi ci-in lungsim niamkhiatna tawh khat leh khat na kingaihsun un.

2 KORIN NIHNA 11:13

Bang hang hiam na cih uh leh, tua bang mite in sawltak zuau ahi uh hi. Khazih’ sawltak banga kibawl a kheem thei nasemte ahi uh hi.

2 KORIN NIHNA 4:5

Kote in komau thu ka hilh kei uh hi. Zeisu Khazih in Topa ahi hi cih ahi zongin, kote in Zeisu Khazih ading note’ sila ka hi uh hi, cih ahi zongin ka hilh uh hi.

2 KORIN NIHNA 1:19

Bang hang hiam na cih uh leh, keimah-a kipan Silvanas leh Timoti-te in note kiangah kong hilh uh Pasian’ Tapa Zeisu Khazih in, “Ahi hi,” ci ding ahi zongin, “Ahi kei hi,” ci ding ahi zongin ahi kei hi; “Ahi hi,” a cihna bek ahi den hi.

Mattiu 23:5

Amaute gamtatna khempeuh, mi mai-ah a kilat nadingin ahih uh hi. Amaute in a taubuh leh baanbuh liansak uh a, a puan mong teepkai a sausak uh hi.

1 TIMOTI MASA 3:16

Pasian biakna thu thukpi in bang zah lian hiam cih nial nading a om kei hi: ‘Amah in pumpi-ah a kilang hi, a thumanna Kha Siangtho tawh a kilang hi, vantungmite in a mu uh hi, minam khempeuh lakah a thu kihilh hi, Leitung khempeuh ah a thu ki-um hi, minthan’na tawh vantungah kilak tohna a ngah hi.’

Galati 2:4

Khazih Zeisu hangah i ngahsa suahtakna thu en simin eite sila hong suahsak nadingun kheemna tawh a hong tumsim ute naute banga kibawl mite’ thu hangin tua bang hong bawl uh hi.

2 KORIN NIHNA 12:20

Bang hang hiam na cih uh leh, ka hong tun’ ciangin note in ka deih mi na hih loh uh a, keimah in zong no deih loh mi hi ding ahi zongin, note lakah kitotna, gendaina, nakpi-a hehna, kiseelna, kiphunsanna, kikhenna, kiphatsak theihna, buaina a suah ding ahi zongin,

1 KORIN MASA 13:3

Mizawngte vaak dingin ka sum khempeuh ka hawmsak tham loin, ka pumpi meikhul dingin ka piak hangin itna ka neih kei leh, ka phattuamna om lo hi.

1 KORIN MASA 1:23

Eite i hih leh, singlamteh tungah a si Khazih’ thu i hilh hi. Tua thu in Judah mite ading kipukna ahi hi. Gentailte ading haina ahi hi.

Sawltak 11:20

Ahih hangin Saipras mi leh Sairin mi kimkhat in Antiok khuapi-ah a tun’ uh ciangin Topa Zeisu’ Lungdamna Thu Grik mite kiangah zong a hilh uh hi.

Sawltak 10:36

Mi khempeuhte’ Topa ahi, Zeisu Khazih hangah thupha Lungdamna Thu kihilhin, Israel mite a vaikhak mah bangin,

Sawltak 9:20

‘Zeisu in Pasian’ Tapa hi’ ci-in kikhopna inn sungah thakhatin thu a hilh hi.

Sawltak 8:35

Filip in kam ka a, tua Lai Siangtho pan akipan Zeisu thu a gen hi.

Sawltak 5:42

Biakna innpi sungah ahi zongin, amau innah ahi zongin, ni simin, “Zeisu in Khazih ahi hi” ci-in Lungdamna Thu tawlnga loin hilhin, thu a gen uh hi.

Sawltak 8:5

Filip in Samaria khua-ah pai-in Khazih thu a gen hi.

ROM (Romans) 2:8

Paupeng lungsim mi, thuman thutak a ngai lo mi, a dik lo thu a ngai mite tungah hehna leh thangpaihna a koih ding hi.