Filippi 1:14 - Tedim Bible

¹⁴ Topa sungah a om ute naute lak pan a tampite in kei thuak khau kikhihna hangin thu-upna ah lungkimin lau loin, Pasian’ Thu a hilh ngam semsem uh hi.

Tedim Bible Revision 2017

¹⁴ Tua banah keima thongkiatna hangin hih lai-a om Khristiante a tam zaw in Topa muanna-in nei uh a, lau het loin Pasianʼ thu gen ngamna-in nei zaw uh hi.

Filippi 1:14 Referans Kwoze

1 THESALONIKA MASA 2:2

Note in na theih uh mah bangin kote in Filippi khua-ah zawn’khalna leh bawlsiatnate ka thuak khit uh ciangin, i Pasian suangin nakpi-in nialna tawh Pasian’ Lungdamna Thu nomau kiangah lau loin ka hong hilh uh hi.

Luka 1:74

A hong mudah khempeuhte khut sung pan ahi zongin, hong gupkhiat nadingin,

Filippi 1:7

Note khempeuh ading tua bang lungsim ka neih ding a kilawm hi. Bang hang hiam na cih uh leh, note khempeuh in keimah tawh thupha na ngah khawm uh a, keima thongkiatna-ah ahi zongin, Lungdamna Thu lamah hutna leh kipsakna-ah ahi zongin nong huh uh a, tua thu hangin note kong phawk tawntung hi.

Kolose 4:7

Topa sungah dikna nei-in nasem khawm sila ka hihpih, a it huai mi ahi sanggampa Tikhikas in keima thu a om khempeuh note kiangah a hong gen ding hi.

Filippi 4:1

Tua ahih ciangin ka lungnopna leh ka kisaktheihna lukhu, ka it ka ngaih ahi ute naute aw, tua bangin Topa sungah kipin om un, ka itte aw!

Efesa 3:13

Tua ahih ciangin note’ minthan’ nading ngaihsunin note ading ka thuak gimna hangin lungkia kei un ci-in kong hanthawn hi.

2 KORIN NIHNA 3:12

Tua bang muan’na ka nei uh ahih ciangin kote in im loin a tel takin ka hilh uh hi.

2 KORIN NIHNA 7:4

Note kiangah lau loin ka hong ci hi; note hangin ka kisathei mahmah hi. Hehnepna tawh ka dim hi. Ka thuakna uh gimna khempeuh ah a kigen thei loin ka lungdamzaw hi.

2 TIMOTI NIHNA 2:9

Tua Lungdamna Thu hangin keimah in mi gilo bangin khau kikhihna dongin gimna ka thuak hi. Ahih hangin Pasian’ thu ahih leh, a kikhihna om lo hi.

Marka 3:3

Zeisu in, “A lai zangah ding in,” ci-in khut sipa kiangah a cih khit ciangin,