Filemon 1:22 - Tedim Bible

²² Tua tham loin, ka giah nading omna mun zong na bawlkhol in. Bang hang hiam na cih leh, nangma thungetna hangin na kiangah tun’ theih nading thu ka ngahkik ding ka lamen hi.

Tedim Bible Revision 2017

²² Tua banah, Pasian in note khempeuhʼ thungetna hong pia-in, note kiangah kei hong paikik thei dingin kilamen ka hih manin ka om nading inn dei zong a baih sa-in na bawl un.

Filemon 1:22 Referans Kwoze

Filippi 2:24

Ahih hangin keimahmah zong note kiangah a sawt loin ka hong pai ding hi, ci-in Topa sungah ka um hi.

2 KORIN NIHNA 1:11

Note in hong huhin, kote ading thu hong ngetsak le-uh teh, tunung ciangin zong hong gum ding hi ci-in kote in umin ka muang uh hi. Tua ciangin kote tunga hong hehpihna hangin mi tampite’ lungdamkohna in kote hangin Pasian kiang a tung ding hi.

2 JOHAN NIHNA 1:12

No kiangah ka hong gelh nop thu tampi a om hangin lai tungah laitui tawh gelh ding ka deih kei hi. Note kiangah hong pai-in, khat leh khat lungdamna a kicin’ nadingin note tawh maitang kimu-a kihopih ding ka lamen hi.

Jeim 5:16

Tua ahih ciangin khat leh khat na mawhna uh kipulaakin, na cidam nadingun khat leh khat ading thu na kingetsak un. Midik’ thungetna in nakpi vanglianin muibun mahmah hi.

Filippi 1:19

Bang hang hiam na cih uh leh, keimah in bangmah maizum loin, launa om loin, Khazih’ minthan’na ka pumpi sungah ka kilatsak tawntung mah bangin tu-in zong ka hing ahi zongin, ka si ahi zongin a kilang ding hi ci-in nakpi-in ka lamet mah bangin, note’ thungetna hang ahi zongin, Zeisu Khirs’ Kha Siangtho huhna hang ahi zongin, ka gimnate in kei hong gupna thu ahi hi ci-in ka thei hi.

Sawltak 28:23

Kimuh nading ni a seh uh ciangin mi tampite in Paul’ omna-ah hong pai uh a, Paul in Pasian’ Gam thu teci pang a, tuate in Zeisu thu a up nadingun Moses’ Thukham lai leh Pasian’ kamsangte lai paulamin thu hilhin, zingsang akipan nitum dongin a zol hi.

3 JOHAN THUMNA 1:14

A sawt loin nang tawh kimu-in, khat leh khat kihopihin i kikup khop ding ka lamen hi.

Hebru 13:23

I sanggampa Timoti a kikhah khitna thu na thei un. Amah in a sawt loin hong tung leh, keimah in amah tawh hong paikhawmin note kong mu ding uh hi.

Hebru 13:19

Keimah in note kiangah a manlang zaw-a kong paikik theih nadingin, kote ading thu hong ngetsak un ci-in kong hansuah hi.

ROM (Romans) 15:24

Spain ka pai ciangin lampi-ah note tawh kimu-in, note tawh kikhawl khawmin, deihna teng a kicin’ khit ciangin tua gamah note hong khakna thupha ka ngah ding hi ci-in ka lamen hi.

Sawltak 27:24

‘Paul aw, nang lunghimawh kei in. Kaisar kumpipa mai-ah na ding ding hi. Nangmah tawh teembaw sungah a omkhawm mi khempeuhte Pasian in nang hong pia zo hi,’ hong ci hi.