Filemon 1:20 - Tedim Bible

²⁰ Ahi hi, ka sanggam aw, nangmah hangin Topa sungah keima lungsim tawldam ta hen; Khazih sungah ka lungsim hong thakhauh sak in.

Tedim Bible Revision 2017

²⁰ Tua ahih manin sanggam aw, Topaʼ hangin hih ka hong thumna hong pia in. Khris sungah unau khat ihih manin ka lungsim hong nuamsak in.

Filemon 1:20 Referans Kwoze

3 JOHAN THUMNA 1:4

Ka tate in thuman thutak lam a zuih thu ka zak cianga ka nuamna sangin nuam zawkna a om kei hi.

Filemon 1:7

Sanggam aw, nangma hangin misiangthote in lungsim thaksuahna a ngah uh ahih ciangin nangma itna ngaihsunin lungdam mahmahin ka nuam zo hi.

Filemon 1:12

Keima pumpi bang ahi, amahmah na kiangah ka hong ciahsak kik hi.

1 JOHAN MASA 3:17

Mi khat in leitung sumte nei-in a u a nau a zawngte a muh hangin hehpihna lungsim a neih kei leh, tua mi sungah Pasian itna bang ci om ahi hiam?

Hebru 13:17

No hong uk mite’ thu ngai un la, amau hong gen bangin gamta un. Bang hang hiam na cih uh leh, amaute in thusitna a thuakkik ding mite bangin note kha uh noptuam nadingin a kem uh hi. Note noptuamna uh a pian’sak theih nadingin dahna tawh hi loin, lungdam nadingin amaute in sittelna a thuak zawh nadingun kikemin om un.

Filippi 4:1

Tua ahih ciangin ka lungnopna leh ka kisaktheihna lukhu, ka it ka ngaih ahi ute naute aw, tua bangin Topa sungah kipin om un, ka itte aw!

Filippi 1:8

Keimah in note khempeuh Khazih Zeisu’ hehpihna tawh bang zah takin kong ngaihna thu Pasian in keima teci ahi hi.

2 KORIN NIHNA 7:13

Tua ahih ciangin kote in hehnepna ka ngah zo uh hi. Tua hehnepna-ah zong note khempeuh in Titu’ lungsim na noptuamsak zo uh a, ama lungdamna hangin kote ka lungdam semsem uh hi.

2 KORIN NIHNA 2:2

Bang hang hiam na cih uh leh, keimah in note ka hong dahsak leh, ka hong dahsakte longal, kei kua in hong lungdamsak ding hiam?

1 KORIN MASA 16:18

ka lungsim leh note lungsim uh hong tawldam sak zo uh hi. Tua bang mite na ciamteh un.