Filemon 1:1 - Tedim Bible

¹ Khazih Zeisu hanga thongkia kei, Paul leh i sanggampa Timoti in kote tawh nasem a, ka it uh Filemon,

Tedim Bible Revision 2017

¹ Khris Jesu hangin thong a kia keimah Paul le i sanggampa Timoti in, Ka hong it uh, ka nasep pih uh ahi Filemon,

Filemon 1:1 Referans Kwoze

Efesa 3:1

Tua thu hangin note phattuam nadingin ngaihsunin, keimah a hong piak Pasian’ hehpihna thupha note in na zak uh leh, Gentail mi ahi note hangin Khazih Zeisu’ thongkiapa kei Paul in,

Kolose 1:1

Pasian’ deihna hangin Khazih Zeisu’ sawltak keimah leh i sangampa Timoti in Kolose khua-ah a om Khazih sungah misiangthote leh a thuman ute naute kiangah thu ka hong zasak uh hi. I Pa Pasian kiang panin hehpihna thupha leh nopna in note tungah om ta hen.

Filippi 2:25

Ahih hangin nasepna leh galdona ah keimah hong vaak, hong khoi mi ahi, note sawltak ahi, ka naupa Epafroditas, note kiangah tu-in ka hong sawl ding kilawm ka sa hi.

1 KORIN MASA 3:9

Bang hang hiam na cih uh leh, kote in Pasian tawh nasem khawm mi ka hi uh a, note in Pasian’ huan, Pasian’ inn na hi uh hi.

2 TIMOTI NIHNA 1:8

Tua ahih ciangin Topa teci pan’na ahi zongin, tua Topa’ thongkiapa ahi keimah ah ahi zongin zum kei in. Pasian hong piak a vangliatna bangin Lungdamna Thu tawh kizomin gimna na thuak in.

1 THESALONIKA MASA 3:2

Khazih’ Lungdamna Thu hilhin, i sanggampa Timoti note kiangah ka hong sawl uh hi. Hih gimnate hangin kuamah a lungkiat loh nadingin, note hong kipsak a, na upna uh ah note hong hansuah nadingin amah ka hong sawl uh hi.

Kolose 4:11

Vunatna a thuak mite lakah hih mite bek Pasian’ Gam ading ka naseppihte ahi uh a, kei hong hehnem uh hi.

Filippi 4:3

Lawm naseppih taktak aw, tua numeite huh dingin ka hong thuum hi. Bang hang hiam na cih uh leh, amaute in kei leh Klement-a kipan nuntakna laibu sungah min kikhum adang ka naseppihte tawh Lungdamna Thu ka hilh khawmna-ah hong huhin, a hahkat mi ahi uh hi.

Efesa 4:1

Tua ahih ciangin a hong sapna thupha note in na ngah uh tawh kituakin na zuih nadingun, Topa hanga thongkia keimah in hansuahin kong zol hi.

2 KORIN NIHNA 1:1

Pasian’ deihna hangin Khazih Zeisu’ sawltak keimah Paul leh i sanggampa Timoti in Korin khua-ah a om Pasian’ pawlpi akipan Akhaia gam tengah a om misiangthote khempeuh thu kong zasak uh hi.

2 THESALONIKA NIHNA 1:1

Paul, Silvanas leh Timoti te in i Pa Pasian leh Topa Zeisu Khazih sungah kip-a a om Thesalonika pawlpi kong zasak uh hi.

Sawltak 16:1

Paul in Derbe khua leh Listra khua-ah a tung hi. Tua Listra khua-ah Timoti min nei nungzui khat a om hi. A nu in thu-um Judah numei ahi hi.

Galati 3:26

Bang hang hiam na cih uh leh, note khempeuh in Khazih Zeisu upna hangin Pasian’ tate na hi uh hi.

Filippi 1:1

Khazih Zeisu’ silate ahi uh Paul leh Timoti in Filippi khua-ah a om pawlpi siate leh upate-a kipan Khazih Zeisu sungah kip-a a om misiangthote khempeuh thu kong zasak uh hi.

Filemon 1:23

Khazih Zeisu sungah keimah tawh thong a kia khawm Epafros akipan ka naseppih Marka, Aristarkhus, Demas leh Luka-te in nang hong hopih uh hi.