Ezra 9:8 - Tedim Bible

⁸ Ahi zongin tu-in Topa ka Pasian un tomkha sung kote hong hehpih a, a suakta pawlkhat hong omsakin ama mun siangtho ah siksan ding mun hong pia hi. Amah in ka mit uh hong vaak sak kikin ka salsuahna uhah ka nuntakna uh ka thak pat theih nading uh kalsuan cilna hong pia hi.

Tedim Bible Revision 2017

⁸ Ahi zongin tu-in Topa ka Pasian un tom kha sung kote hong hehpih a, a suakta pawl khat hong omsakin nangma mun siangtho ah siksan ding mun nong pia hi. Nangmah in ka mit uh hong vaksakkikin ka salsuahna uh ah ka nuntakna uh ka thak pat theih nading uh kalsuan cilna nong pia hi.

Ezra 9:8 Referans Kwoze

Late 13:3

Topa ka Pasian aw, ngaihsun in la hong dawng in, ihmu-in si kha ding ka hih manin ka mitte hong vak sak in;

Hosea 6:2

Ni nih sungin eite hong thahatsak ding a, ni thum sungin i ngei hong bangsak ding hi. Tua ciangin amah tawh i kikhawl ding hi.

Habakkuk 3:2

Topa aw, nangma sepsa thute ka za a, lamdang ka sa mahmah hi. Na hih ngeisa na liante, ko’ hunin zong hong hih kik in. Na heh hun ciang nangawnin zong, hehpihna lungsim hong nei in.

Isaiah 57:15

Bang hang hiam cih leh a sang, a lian, tawntung sunga a teeng Pa, ama min Siangtho ahi pa in hih bangin ci hi: “Keimah in a sangna mun leh a siangtho munah ka om a, a kiniamkhiat mite’ lungsim leh a kisik mite’ lungsim a thakhauhsak kik dingin kisikna leh kiniamkhiatna lungsim a neite tawh zong ka omkhawm hi.

Late 85:6

Nangmah kong phat theih nadingun ko na mite hong nungtasak kik lo ding na hi hiam?

Mangmuhna 3:12

A zo mi ka Pasian’ biakinnpi khuampi ka suaksak ding hi. Tunung ciangin tua mun panin pua lamah cikmah hunin a paikhia nawn kei ding hi. Tua mi tungah ka Pasian’ min ahi zongin, ka Pasian kiang vantung panin hong kumsuk ding Jerusalem khua thak ahi, ka Pasian’ khuapi min ahi zongin, keima min thak ahi zongin ka gelh ding hi.

ROM (Romans) 9:27

Isaiah in Israel thu panin, “Israel mipawlte in tuipi sehnel zahin a tam hangin a kimkhat bek in gupna a ngah ding uh hi.

Zekhariah 10:4

Amaute sung panin innkiu suang khetphim galkap mangte, gam ukte, hong khangkhia ding uh hi.

Zekhariah 8:12

Lungnuam takin lo kho sing pua-in nuamsa ding uh hi. Leengguite gah pha-in, lo-ah an tampi piang-in, guah tampi zu ding a, a suakta lai ka minamte tungah hih bang thupha khempeuh ka tungsak ding hi.

Zekhariah 8:6

Tu-in a om lai note adingin hih thu a hi thei lo ding tawh a kibat hangin kei adingin ahi mawh ding thu hi lo hi.

Ezekiel 14:22

A tanute a tapate a paikhiatpih dingin mi khatpeuh peuh a suakta zo kha a om a, nang kiangah hong pai leh, amaute’ omzia na en in. Amaute’ gitlohna zia na mu ding a, Jerusalem daan ka piakna a kilawm a thuman mah ahihna na phawk ding hi.

Jeremiah 44:14

Izipt gamah pai-a a teeng Judah mi a om laite in a zuatkik nop uh ahi Judah gamah ciahkik thei nawn loin khat beek suakta loin, zong a nungta suak kei ding uh hi. Galtai pawl khat longal khat beek a suakta kei ding uh hi,” a ci hi.

Jeremiah 42:2

kamsangpa Jeremiah’ kiangah, “Kong thuumna uh hong ngai in la, hih a hong kinusia teng adingin Topa na Pasian’ kiangah, thu hong ngetsak in. Bang hang hiam cih leh khat vei lai-in mi tampi ka hih uh hangin tu-in nong muh mah bangin, mi tawmno khat bek ka hi ta uh hi.

Isaiah 56:5

ka innsung leh ka huang sungah tapa leh tanute sangin a hoihzaw phawkna leh min ka pia ding a, a mang ngei nawn lo ding tawntung min, amaute tungah ka pia ding hi.

Isaiah 1:9

Vanglianpen Topa in eite tawmno khat a nungta-in hong siit hi kei leh, eite pen Sodom khua bang khinin, Gomorrah khua bang i suak khin ta ding hi.

Thuhilh-sia 12:11

Mipilte’ thugente in, tuucingte in tuu hawlna-in a zat ciangkhut hiam tawh kibang hi. Tua thute pen, eite khempeuh tuucin’ banga hong Cingpa Pasian’ piak ahi hi.

Late 138:7

Haksatna tuamtuamte ka thuak ciangin kei nong kem hi; a heh ka galte, kei’ tangin nong dosak a, na thahatna tawh kei nong honkhia hi.

Late 34:5

Amah en un la, maitai un; tua hi leh na mai uh zum ngei lo ding hi.

JOB (Job) 33:30

sih nading panin honkhia kikin, nuntakna nuam pia kik hi.

Nehemiah 9:31

Ahi ta zongin na hehpihna lian hangin amaute beisak loin, zong na nusia kei hi; bang hang hiam cih leh nangmah in dikna leh hehpihna a nei na hi hi.

Nehemiah 1:11

Keima hong thungetna leh nangma min a zahtak nuam na nasemte’ thungetna na bil hong ngat in. Tu ni-in kei tungah mavan’na hong pia in la, kei tungah hih kumpipa hong migit nading lungsim guan in,” ka ci hi.

Ezra 9:9

Kote in sal ka hi takpi uh hi; ahi zongin ka salsuahna uhah ka Pasian un hong nusia lo a, kote’ Pasian’ inn puahkikin ka din’sakkik theih nading uh leh Judah leh Jerusalem ah kidalna kulh ka neih theih nadingun kipat thakna a hong piak theih nadingin Persia kumpite ko tungah a thunuam dingin hong bawlsak hi.

2 KUMPI NIHNATE 19:4

Ama topa ahi Assiria kumpipa in a nungta Pasian a zahko dingin a sawl a ulianpa’ kammalte khempeuh Topa na Pasian in za-in Topa na Pasian in a zaksa thute nial khin kha ding hi; tua ciangin a om lai mite adingin thungen in,” a ci uh hi.

1 SAMUEL MASA 14:29

Tua ciangin Jonathan in, “Ka pa in gamsung nawngkaisak hi; hih khuaizu tawmno khat ka ciapna hangin ka tha a hatkikna mu un.

1 SAMUEL MASA 14:27

Ahih hangin a pa in kiciamna tawh mite a thuhilhna Jonathan in za lo hi; tua ahih ciangin amah in a khut sunga om a ciangkhut dawn dawk sakin khuaibu sungah diah a, a kam-ah a khut tun’ hi; tua ciangin a tha hatkik hi.

Paunak 29:13

Mizawngpa leh mi bawlsiapa a kibatna uh khat om hi—Topa in a nih tuak-un mittang guan hi.

Isaiah 14:3

A haksa nasep hong kisep sakna, gimna, salsuahna leh lungkhamna panin Topa in note tungah tawldamna hong piak ciangin,

Late 13:4

ka galte in “Ama tungah gualzo khin ing” ci kha ding hi. Kei ka lin’ manin ka galte nuam kha ding hi.

Isaiah 6:13

Mi, seh sawmsuah seh khat bang a om lai hangin, taak kung leh tawsaw kungte a kiphuk khit ciangin a bulsum om laite mei tawh a kihal kik bangin amaute zong kisusia ding hi. A siangtho khaici pen, tua a bulsum ahi hi, ci hi.

Zefaniah 3:12

Note lakah a kiniamkhiat, mi lungnemte bek, ka suakta sak lai ding a, keima min suangin thu hong ngen ding uh hi.