Ezra 9:7 - Tedim Bible

⁷ Ka pu ka pate uh huna kipanin tu hun dong mawhna lianpi ka nei uh hi. Tua thu hangin ka kumpite uh leh ka siampite un gamdang kumpite khut sungah sihna, salsuahna, neihsa kisuhna, leh maizumna thuak uh a, tu hunin zong tua bangmah ka thuak uh hi.

Tedim Bible Revision 2017

⁷ Ka pu ka pate uh hun a kipanin tu hun dong mawhna lianpi ka nei uh hi. Tua thu hangin ka kumpite uh le ka siampite un gamdang kumpiteʼ khut sungah sihna, salsuahna, neihsa kisuhna le maizumna thuak uh a, tuhunin zong tua bangmah ka thuak uh hi.

Ezra 9:7 Referans Kwoze

2 KHANG TANGTHU NIHNATE 29:6

Bang hang hiam cih leh i pu i pate citak lo a, Topa i Pasian’ muhna ah a sia gamta uh hi; amaute in amah nusia-in, Topa’ teen’na panin a mai uh heikhia uh a, a nung uh ngat uh hi.

Kah la 5:7

Ka pute ka pate un mawhna a bawl manun a si khin uh hi. Amau’ mawhna kote in ka thuak uh hi.

Jeremiah 44:22

Topa in na hoihlohnate uh leh na bawl uh kihhuainate hangin no hong thuak zo nawn lo hi. Tua ahih manin tuni mahmah-in zong na gam uh gamlak suak khin a, mite’ kihaamsiatna suakin kuamah teeng nawn lo hi.

Jeremiah 25:18

Jerusalem leh Judah gama khuapite, a kumpite uh leh a gam uh uliante ka dawn sak a, tuni dongin gam simtham suakin, mite’ simmawhna thuakin, a min uh haamsiat nadingin a kizang hi.

Nehemiah 9:30

Kum tampi sung lungduaina tawh amaute na thuak a, na kamsangte tung tawnin na Kha Siangtho tawh amaute na hilhkhol hi; ahi zongin amaute in ngai nuam lo uh hi. Tua ahih ciangin gamdang mite khut sungah amaute na pia hi.

2 KHANG TANGTHU NIHNATE 30:7

Note in na theih uh bangin, amau’ pute pate’ Topa Pasian tungah a cihtaklohna hangun amaute gamkhingin amah in a bawl na pute na pate uh leh na sanggamte uh bang kei un.

1 SAMUEL MASA 12:15

ahih hangin note in Topa’ aw ngai loin Topa’ thupiakna na lehdo uh leh Topa in note leh na kumpipa uh hong langpan’ ding hi.

Gamlak-vakna 32:14

En un, Israel mite tungah Topa’ heh luatna a khangsak to lai dingin, khialhna’ tate, na pu na pate uh’ tangin hong khang na hi uh hiam!

1 KUMPI MASATE 8:47

ahi zongin amaute in a kipuak khiatna leitungah amaute in a lungsim uhah tua thu ngaihsunin kisikkik a, ‘Kote khialin lam pialin ka gitloh tat uh hi,’ ci-in amaute a mante’ leitang panin nang tungah hong thuum uh a,

Ezra 9:13

Tu-in, kote’gamtatsiate leh a lian ka mawhnate uh hangin hih bang gimna lian ka thuak uh hi; ahi zongin nangmah in kote’ tuah dinga kilawm zah dan hong tuaksak loin, tu-a banga a nungta lai-in nong omsak zaw hi;

Jeremiah 3:25

Tua ahih manin, zumin lum ni: i minsiatna silh ni. Bang hang hiam cih leh i neulai akipan tu ni ciang dong eite leh i pu i pate in Topa i Pasian’ tungah i mawh khin zo hi. Topa i Pasian’ thu i mang kei khin zo hi,” a ci uh hi.

Jeremiah 32:23

Amau zong hong lut-in a luah pah uh hi. Ahih hangin amaute in na thu hong mang loin, thukham hong zui lo uh a, hih ding a, na thupiakte khat beek a hih kei uh hi. Tua ahih manin amau’ tungah hih siatna khempeuh na tungsak hi.

Jeremiah 32:32

Bang hang hiam cih leh Israel mite leh Judah mite, a kumpite uh leh a kumpi uliante uh, a siampite uh leh a kamsangte uh akipan Judah mite leh Jeursalem khua mite khempeuh in kei hong heh sak nadingin siatna a bawl uh hi.

2 KHANG TANGTHU NIHNATE 34:24

Topa in hih bangin ci hi: En un, Judah kumpipa mai-ah a kisim laibu sunga kigelh samsiatnate khempeuh ahi siatna hih mun leh a tungah a teeng mite khempeuh tungah ka tung sak ding hi.

Isaiah 64:4

Amah in a ngakte’ ading na a sempa’ thu tanglai pek panin kuamah in thei ngei lo, kuama bil in za ngei lo, kuama mit in nang sim loh Pasian dang mu ngei lo hi.

Jeremiah 44:9

Judah gam leh Jerusalem khua kongzing laka na pute na pate uh’ gitlohna, Judah kumpite’ gitlohna, a zite uh’ gitlohna, note mahmah’ gitlohna leh na zite uh’ gitlohnate mangngilh khin na hi uh hiam?

Ezekiel 11:9

Khuapi sung panin note hong la khia-in gamdang mite khut sungah kong pia ding hi. Note a si dingin thu kong khen khin hi.

Ezekiel 39:23

Tua ciangin kei tungah hong khialhna hangin Israel mite sal suak uh a, amaute nungngatin, a galte uh khut sungah pia-in gal sungah a vekun a sisak ka hihna,