Ezra 9:4 - Tedim Bible

⁴ Tua ciangin sal a suak hih mite’ cihtaklohna hangin Israel Pasian’ dantah ding lau-in a liing mite khempeuh keima kiangah hong kikhawm uh a, nitak biakpiak hun dong cih nading thei loin ka om hi.

Tedim Bible Revision 2017

⁴ Tua ciangin sal a suak hih miteʼ cihtak lohna hangin Israel Pasianʼ gim piak ding lau-in a liing mite khempeuh kei kiangah hong kikhawm uh a, nitak biakpiak hun dong cih nading thei loin ka om hi.

Ezra 9:4 Referans Kwoze

Ezra 10:3

Tua ahih ciangin tu-in, ka Topa uh nangma ngaihsutna leh i Pasian’ thupiakna a kihta mite’ ngaihsutna bangin hih i zite leh a tate uh i mak nading thu i Pasian’ tungah kiciam ni; tua ciangin thukham sunga om bangin gamta ni.

Isaiah 66:2

Hih nate khempeuh keima khut in a bawlsa hi a, tua ahih ciangin hih nate khempeuh kei’ aa ahi hi, Topa in ci hi. Ahih hangin, kiniamkhiatin kha lamah lungsim a kitamzan mipa, keima thu-ah lau-in a liing kelkelpa pen keima deih mipa ahi hi.

Paikhiatna 29:39

Tuuno khat zingsang lamin na pia ding a, adang tuuno khat nitak lamin na pia ding hi;

Late 119:136

Mite in nangma thu zui lo ahih manin ka khitui hawk luan’in a luang hi.

2 KHANG TANGTHU NIHNATE 34:27

hih mun leh a tunga teengte langpan’na ama kammal na zak ciangin na lungsim kisikin Pasian mai-ah na kiniamkhiat a, keima mai-ah nang kiniamkhiatin na puante balkekin ka mai-ah kap na hih manin, kei zong nang kong za hi, Topa in ci hi.

Sawltak 3:1

Tua lai takin Piter leh Johan in thungetna hun nai thum lai takin biakna innpi-ah a kahtoh lai takun,

Daniel 9:21

Tua ka nget lai takin, ka mangmuh masak sunga ka muh mipa Gabriel, ka omna munah a hong leengsuk hi. Tua hun in nitak lam biakna piakna hun laitak ahi hi.

Ezekiel 9:4

“Jerusalem khua sung khempeuh ah pai kawikawi in la, hih khuapi sungah a muhdahhuai gamtatnate a kisepna hangin dahin a lungkham mi khempeuhte’ taltang-ah ciamtehna va bawl in,” ci-in sawl hi.

Ezra 10:9

Tua ahih ciangin Judah leh Benjamin mi khempeuh ni thum sungin Jerusalem ah hong kikhawm uh hi; tua in a kha kuana a ni sawmnih ni ahi hi. Tua hi a, Pasian’ inn mai inntual ah hih thu hangin mi khempeuh patau-in guah lakah liingin tu uh hi.

Daniel 10:2

Tua hun lai takin keimah Daniel in, nipi kalthum sung khakunin dahin ka om hi.

Paikhiatna 29:41

Tuuno a dang khat nitakin na pia ding a, zingsang-a mah bangin a gim namtui ding, Topa’ tungah mei tawh kihal biakna-in an tawh biakna leh tuibuah tawh na pia ding hi.

Gamlak-vakna 25:6

En in, kikhopna buk kongah amaute kapin a om laitak, Moses’ muhna leh Israel mihon buppi’ muhna ah Israel mite khat hong pai-in Midian numei khat ama innkuanpihte kiangah hong ciahpih hi.

Isaiah 66:5

Ama thu ah lau-in a liing mite aw, Topa’ thu za un: Kei tungah note nong cihtakna hangun na mipihte pawlkhat un note hong mudahin hong hawlkhia ding uh a, zahpihna tawh note hong hopihin, “Lungdamin na om ding uh hong deihsak ka hih manun, Topa in ama liatna hong lak hen la, note hong honkhia ta hen,” hong ci vial ding uh hi. Hih banga hong paute pen mindaina a thuak ding mite ahi uh hi.