Ezra 9:2 - Tedim Bible

² Amaute leh a tapate un hih gam-a teeng mi namdangte’numeite ten’pih uh a, tua thu hangin a siangtho minam pen tu-in gamdang mite tawh a kihel suak ta hi. Tua hi a, hih thu-ah makaite leh thukhen uliante pen a khial masa ahi uh hi,” hong ci uh hi.

Tedim Bible Revision 2017

² Amaute le a tapate un hih gam a teeng minam dangteʼ numeite teenpih uh a, tua thu hangin a siangtho minam pen tu-in gamdang mite tawh a kihel suakta hi. Tua hi a, hih thu ah makaite le thukhen uliante pen a khial masa ahi uh hi,” hong ci uh hi.

Ezra 9:2 Referans Kwoze

Thu-hilhkikna 7:6

“Bang hang hiam cih leh note in Topa note’ Pasian tungah a siangtho mi na hi uh hi; lei maitang-a om mite khempeuh sung panin a neih manpha ama mi ahi dingin Topa na Pasian un note hong teel zo hi.

Paikhiatna 34:16

note in amau’ tanute na tapate uh zi dingin la in, amau’ tanute in amau’ pasiante’ nungah paktatna bawlin, amau’ pasiante’ nungah na tapate uh paktatna bawlsak kha ding uh hi.

Ezra 10:2

Tua ciangin Elam-te beh sung panin Jehiel’ tapa Shekaniah hong pau-in Ezra kiangah, “Hih gam-a teng gamdang numeite ten’pihna tawh i Pasian’ tungah i khial hi. Ahi ta zongin Israel mite’ adingin lametna om lai hi.

1 KORIN MASA 7:14

Bang hang hiam na cih uh leh, thu-um lo pasal in a zi hangin a siangtho hi. Thu-um lo zi in a unau hangin a siangtho hi. Ahih kei leh, na tate uh a siangtho kei ding uh hi. Tu-in ahih leh, a siangtho uh hi.

Malakhi 2:15

Pasian in na zite uh tawh pum khat, lungsim khat ahi dingin hong bawl hilo ahi hiam? Hih banga hong bawlna in bang a deihna ahi hiam? Pasian’ mi taktak ahi ding tate i neih theih nading ahi hi. Tua ahih manin na khangno lai-un na ten’pih na zi uh tawh na thuciamna uh na palsat khak loh nadingun kidawm un.

Malakhi 2:11

Judah mite citak loin, Pasian’ tungah a thuciamna uh palsat uh a, Israel mite’ lak leh Jerusalem khua sungah siatna tampi gamta uh hi. Topa in a it mahmah biakinn ninsak uh hi. Topa ahi lo, pasian dang a bia numeite zi-in la-in ten’pih uh hi.

Thu-hilhkikna 14:2

Bang hang hiam cih leh note in Topa na Pasian uh tungah a siangtho mite na hi uh a, leitung maitang-a om mite khempeuh sung panin ama neih mi dingin Topa in note hong teel ahi hi.

Paikhiatna 22:31

“Note in kei' tungah hong ki-ap mite na hi ding uh hi; tua ahih ciangin gamlakah gamsate in a balzan sa peuhmah note in na ne kei ding uh hi; note in tua sa uite na lot ding uh hi.

Paikhiatna 19:6

Note in keima' siampi nasep a sem minam, leh minam siangtho na hi ding uh hi. Israel mite' tungah na gen ding in hih thute ahi hi,” a ci hi.

2 KORIN NIHNA 6:14

A thu-um lote tawh kipawlin kithutuak lo hakkol na puakhawm kei un. Bang hang hiam na cih uh leh, dikna thu in gitlohna tawh bang ci-a kigawm thei ding hiam? Khuavak in khuamial tawh bang ci kizom thei ding hiam?

Piancilna 6:2

Pasian’ tapate in mite’ tanute hoih hi, ci-in mu uh hi; amaute in a deih bangun tuate zi-in la uh hi.

Isaiah 6:13

Mi, seh sawmsuah seh khat bang a om lai hangin, taak kung leh tawsaw kungte a kiphuk khit ciangin a bulsum om laite mei tawh a kihal kik bangin amaute zong kisusia ding hi. A siangtho khaici pen, tua a bulsum ahi hi, ci hi.

Nehemiah 13:28

Siampi lian Eliashib’ tapa Jehoiada’ tapate khat in Horonaim khuami Sanballat’ makpa na hi hi; tua ahih manin keima kiang panin amah ka hawlkhia hi.

Nehemiah 13:17

Tua ciangin Judah uliante tungah ka lungkim kei a, amaute kiangah, “Bang hangin hih bangin hoih lohna gamta-in, sabbath ni ninsak ngam na hi uh hiam?

Joshua 23:12

Bang hang hiam cih leh note nungkikin note lakah a om lai minamte tawh kipawlin amaute tawh kitengin, note in amau’ numeite ten’pihin amaute in note’ numeite a teen’pih leh;

Ezra 9:14

hih banga ka thuak khit uh ciangin kote in na thupiaknate mang lo kikin, a kihhuai-in a gamta mite tawh kitengin kizom kik ding ka hi uh hiam? Tua bang hi kik le ung, a suakta, a nungta ka om nawn loh dongun kote tungah na hehna hong tung sak ding hilo na hi hiam?

Siampi Laibu 21:15

tua in ama mite lakah a tate a daisak loh nading ahi hi; bang hang hiam cih leh amah a siangthosakpa in keimah Topa ka hi hi, ci in,” a ci hi.

Joshua 22:15

Tua ciangin Gilead gam sunga om Reuben mite, Gad mite leh Manasseh minam a langte kiangah amaute pai uh a, amaute kiangah,

1 KUMPI MASATE 11:1

Tu-in Kumpi Solomon in gamdang numei tampi ngai hi; Faro’ tanu, leh Moab mi, Ammon mi, Edom mi, Sidon mi, leh Hit numeite,