Ezra 9:10 - Tedim Bible

^10-12 “Kote’ Pasian aw, hih bang hi khin ahih ciangin kote in bang gen thei nawn ding ka hi uh hiam? Bang hang hiam cih leh kamsang na nasemte tungah thu pia-in, ‘Note va lutin na luah ding uh gam in, tua gam a, a na teeng gamdang mite in ninsakin, a kihhuai a gamtatnate uh tawh mong khat pan mong khat dongin a ninsa gamnin ahi hi. Tua ahih ciangin na tanute uh amau’ tapate tawh kitengsak kei un la, na tapate uh zi dingin amau’ tanute zong la kei un. Amaute’ phattuam nading leh mavan’ nading hanciam kei un. Tua bang hi leh note tha hatin tua gam-a piangte nuam takin na ne ding uh a, na tate un a luah tawntung dingin tua gam na piasawn thei ding uh hi,’ ci-in na thupiaknate ka zui kei uh hi.

Tedim Bible Revision 2017

^10-12 “Koteʼ Pasian aw, hih bang hi khin ahih ciangin kote in bang gen thei nawn ding ka hi uh hiam? Bang hang hiam cih leh na nasem kamsangte tungtawnin kote thu hong pia-in, ‘Note va lutin na luah ding uh gam pen, tua gam a, a na teeng gamdang mite in ninsakin a kihhuai a gamtatnate uh tawh mong khat pan mong khat dongin a nin sa gam nin ahi hi. Tua ahih ciangin na tanute uh amauʼ tapate tawh kiteengsak kei unla, na tapate uh zi dingin amauʼ tanute zong la kei un. Amauteʼ phattuam nading le a maavanna ding uh hanciam kei un. Tua bang hileh note thahatin tua gam a piangte nuam takin na ne ding uh a, na tate un a luah tawntung dingun tua gam na pia sawn thei ding uh hi,’ ci-in nong thupiaknate ka zui kei uh hi.

Ezra 9:10 Referans Kwoze

ROM (Romans) 3:19

Thukham in a gen thu khempeuh thukham nuai-ah a om mite kiangah a gen hi cih i thei hi. Tua ahih ciangin kam a vekpi kikham uh a, leitungmi khempeuhte in Pasian mai-ah mawhsakna a thuak ding uh hi.

Kah la 3:22

A bei thei lo Topa hong itna leh a hehpihna in a kizom paisuak hi a,

Joshua 7:8

Topa aw, Israelte in a galte uh mai-ah a nungkik uh ciangin bang gen thei ding ka hi hiam!

Piancilna 44:16

Judah in, “Ka topa' tungah bang hong ci gen ding ka hi uh hiam? Bang thu gen ding ka hi uh hiam? Tua ahih kei leh ko bangci kiphel theih ding ka hi uh hiam? Pasian in na nasemte’ mawhna mukhia hi; en in, kote leh hai a kimuhna-pa zong, ka topa’ sila ka hi uh hi,” ci hi.

Ezra 9:9

Kote in sal ka hi takpi uh hi; ahi zongin ka salsuahna uhah ka Pasian un hong nusia lo a, kote’ Pasian’ inn puahkikin ka din’sakkik theih nading uh leh Judah leh Jerusalem ah kidalna kulh ka neih theih nadingun kipat thakna a hong piak theih nadingin Persia kumpite ko tungah a thunuam dingin hong bawlsak hi.

Nehemiah 9:30

Kum tampi sung lungduaina tawh amaute na thuak a, na kamsangte tung tawnin na Kha Siangtho tawh amaute na hilhkhol hi; ahi zongin amaute in ngai nuam lo uh hi. Tua ahih ciangin gamdang mite khut sungah amaute na pia hi.

Nehemiah 9:34

Ka kumpite uh, ka uliante uh, ka siampite uh leh ka pu ka pate un nangma thukham zui lo uh a, amaute tungah na piak ahi na thupiaknate leh na hilhkholhnate zong don lo uh hi.

Late 106:6

Ka pate uh leh kote ka khial khin uh hi; mawhna ka bawl khin uh a, ka gitloh gamtat khin uh hi.