Ezra 9:1 - Tedim Bible

¹ Hih thute khempeuh a kisep khit ciangin keima kiangah makaite pawlkhat hong pai-in, “Hih gam-a teeng gamdang mite’ nitna leh Kanaan mite, Hit mite, Perez mite, Jebus mite, Ammon mite, Moab mite, Izipt mite, leh Amor mite’ gamtat a kihhuaite panin Israel mi, siampite leh Levi mite nangawn zong, a siangtho-in tuam om lo uh hi.

Tedim Bible Revision 2017

¹ Hih thute khempeuh a kisep khit ciangin keima kiangah makaite pawl khat hong pai-in, “Hih gam a teeng gamdang miteʼ nitna le Kanaan mite, Hit mite, Perez mite, Jebus mite, Ammon mite, Moab mite, Egypt mite le Amorʼ miteʼ gamtat a kihhuaite panin Israel mi, siampite le Levi mite nangawn zong, a siangtho-in tuam om lo uh hi.

Ezra 9:1 Referans Kwoze

Nehemiah 9:2

Tua hi a, gamdang mi khempeuh panin Israel mite tuam om uh a, amaute in din’sa-in amau’ khialhnate leh a pu a pate uh mawhnate pulak uh hi.

Paikhiatna 33:16

Bang hang hiam cih leh keimah leh nangma' mite, keimah in nangma' muhna-ah maipha ka ngahna bang ci-in kithei ding ahi hiam? Leitung maitang tunga om mite khempeuh panin keimah leh nangma' mite, kote ka tungnun’na uh in kote tawh nang nong paikhopna hilo ahi hiam?” a ci hi.

Jeremiah 26:16

Tua ciangin kumpi uliante leh mi khempeuhte in siampite leh kamsangte tungah, “Hih pa in Topa in Pasian’ min tawh thu hong gen ahih manin sihdaan piak tuak lo hi,” a ci uh hi.

Jeremiah 26:10

Judah gam uk uliante in hih thu a zak uh ciangin kumpipa’ inn sung pan Topa’ biakinnpi ah hong paito uh a, Topa’ biakinnpi lutna Kongpi Thakah a tu uh hi.

Isaiah 52:11

Kihem un, kihem un, Babilon panin paikhia un la, a nin nate lawng kei un; Topa’ beel leh kuang a puate aw, ama sung panin paikhia un la, nomau kisian’suah tawm un.

Late 106:35

Minam dangte tawh kihelin amau gamtat bangbang a gamta dingin kisin uh hi.

Nehemiah 4:3

Ama kiangah a om Ammon mi Tobiah in, “Amaute in bangbang ciang ta leh amau’ kulh cian’ tungah ngia khat kah leh kicim lel ding hi,” ci hi.

Ezra 10:8

leh ni thum sungin a hong tung lo a om leh uliante leh upate’ hoihsakna bangin a neihsa khempeuh kimanin, sal suaksa mihonte panin a kihawlkhiat theih nading thu taangkona khat kibawl hi.

2 KHANG TANGTHU NIHNATE 33:2

Topa in Israel mite mai-ah a hawlkhiat minamte’ zat a kihhuai gamtatnate mah bangin, amah in Topa’ muhna ah a sia gamta hi.

1 KUMPI MASATE 11:1

Tu-in Kumpi Solomon in gamdang numei tampi ngai hi; Faro’ tanu, leh Moab mi, Ammon mi, Edom mi, Sidon mi, leh Hit numeite,

Thu-hilhkikna 18:9

“Topa na Pasian un note hong piak leitang na tun’ uh ciangin, tua minamte’ gamtatna a kihhuaite zuih ding na kisin kei ding uh hi.

Gamlak-vakna 23:9

Bang hang hiam cih leh mualte’ dawn panin amaute ka mu hi, mual neute panin amaute ka en hi; en in, a tang teen, mite minamte lakah a kihel lote!

Siampi Laibu 18:3

Note na ten’na uh Izipt gamah amaute a gamtat bangin note na gamta kei ding uh a, note kong paipihna Kanaan gamah amaute a gamtat bangin zong note na gamta kei ding uh hi. Note in amau’ tatziate na zui kei ding uh hi.

Paikhiatna 23:23

“Note’ mai-ah ka vantungmi pai-in Amor mite, Hit mite, Perez mite, Kanaan mite, Hiv mite leh Jebus mite' kiangah note hong paipihin, keimah in amaute ka phiatkhiat ciangin,

Paikhiatna 13:5

Amah in note' tungah piak dinga na pate’ tungah a ciam, bawngnawi leh khuaizu a luan’na leitang, Kanaan mite, Hit mite, Amor mite, Hiv mite leh Jebus mite’ leitangah Topa in note hong paipih ciangin hih kha sungin hih bangin pawina hih ding uh hi.

Piancilna 15:16

Khang lina ciangin hih lai munah amaute hong paikik ding uh hi; bang hang hiam cih leh Amor mite’ mawhna kicing nai lo hi,” ci hi.

Nehemiah 4:7

Ahi zongin Sanballat, Tobiah, Arab mite, Ammon mite, leh Ashod mite in Jerusalem kulh cian’ nasep kizom suakin, kulh vang teng huk ding a kipat khitna thu a zak uh ciangin heh mahmah uh hi.

Nehemiah 13:23

Tua hun lai mah-in zong Judah mite in Ashdod numei, Ammon numei, leh Moab numeite a ten’pihna,

Malakhi 2:11

Judah mite citak loin, Pasian’ tungah a thuciamna uh palsat uh a, Israel mite’ lak leh Jerusalem khua sungah siatna tampi gamta uh hi. Topa in a it mahmah biakinn ninsak uh hi. Topa ahi lo, pasian dang a bia numeite zi-in la-in ten’pih uh hi.

Gamlak-vakna 25:6

En in, kikhopna buk kongah amaute kapin a om laitak, Moses’ muhna leh Israel mihon buppi’ muhna ah Israel mite khat hong pai-in Midian numei khat ama innkuanpihte kiangah hong ciahpih hi.

Thu-hilhkikna 7:1

“Topa na Pasian un luah dinga na tumna uh leitangah hong paipihin, note’ mai-ah Hit mite, Girgash mite, Amor mite, Kanaan mite, Perez mite, Hiv mite, leh Jebus mite, no sangin lianzaw-in a thahat zaw minamte note mai panin siang khia sakin,

Thu-hilhkikna 23:8

Amaute sung pana piang a khang thumna mite Topa’ ading kikhopna sungah lut thei ding uh hi.

Joshua 23:12

Bang hang hiam cih leh note nungkikin note lakah a om lai minamte tawh kipawlin amaute tawh kitengin, note in amau’ numeite ten’pihin amaute in note’ numeite a teen’pih leh;

2 KHANG TANGTHU NIHNATE 8:7

Israel a hilo Hit mite, Amor mite, Perez mite, Hiv mite, leh Jebus mite sung panin a om lai,

Ezra 10:2

Tua ciangin Elam-te beh sung panin Jehiel’ tapa Shekaniah hong pau-in Ezra kiangah, “Hih gam-a teng gamdang numeite ten’pihna tawh i Pasian’ tungah i khial hi. Ahi ta zongin Israel mite’ adingin lametna om lai hi.