Ezra 8:21 - Tedim Bible

²¹ Tua ciangin eite’ Pasian’ mai-ah kote kiniamkhiat thei-in kote leh ka naupangte uh leh ka neihsa khempeuh uh nuam takin ka khualzinna uhah ka pai theih nading uh Pasian’ tung pan ka nget theih nadingun Ahava lui-ah antan’ nading thu ka taangko hi.

Tedim Bible Revision 2017

²¹ Tua ciangin eiteʼ Pasianʼ mai ah kote kiniamkhiat thei-in, kote le ka naupangte uh le ka neihsa khempeuh uh nuam takin ka khualzinna uh ah ka pai theih nading uh Pasianʼ tung pan ka nget theih nadingun Ahava lui ah antanna ding thu ka taangko hi.

Ezra 8:21 Referans Kwoze

2 KHANG TANGTHU NIHNATE 20:3

Tua ciangin Jehoshafat lau a, amahmah in Topa’ lamlah nading zong a, Judah gam khempeuh ah antan’ ding thu zasak hi.

Joel 1:14

An tan’ ding thu pia un la, a thupi biak kikhopna bawl un. Note’ Topa Pasian’ inn sungah, makaite leh gam mi khempeuh khawm un la, Topa’ tungah kiko-in thuum un.

Isaiah 30:21

Taklam na kihei ciang uh hita leh veilam na kihei ciang uh hita leh, “Hih pen lampi hi, hih tawn un,” cihna aw, na nung lam panun na bil un a za ding hi.

1 SAMUEL MASA 7:6

Tua ahih ciangin amaute Mizpah-ah kikhawm uh a, tui tawi-in Topa mai-ah sungkhia uh a, tua ni-in an tangin tua lai munah, “Topa tungah i khial khin zo hi,” a ci uh hi. Samuel in Israel mite Mizpah-ah thukhen hi.

Jonah 3:5

Nineveh khuamite in kisik kik-in Pasian a um uh a, antan’ nading thu thang sakin, a golpen pana kipan a neupen dongin ippi puan a silh uh hi.

Siampi Laibu 16:29

“Hih in, a kha sagihna, tua kha a ni sawm ni-in note’ adingin a tawntungin thukham hi ding a, tual sung mi hita leh note lakah a hong peem khual mi hita leh, nomau mah kigawt tawmin, na na sem kei ding uh hi;

Siampi Laibu 23:29

Bang hang hiam cih leh tua ni-in amahmah a kigawt tawm lo peuhmah ama mite kiang panin kihawlkhia ding hi.

Sawltak 2:39

Bang hang hiam na cih leh, kiciamna in note leh na tate uh ahi zongin, gamla-ah a om Topa i Pasian in a sap ding mi khempeuh ading ahi hi,” ci-in a gen hi.

Isaiah 42:16

Amau’ theih loh lampi ah mittawte ka paipih ding a, amau’ theih ngei loh sul zuihpih-in ka kha ding hi. Amau’ mai-ah khuamial pen khuavak suaksakin, a phokna munte a tam-in ka bawl ding hi. Hihte pen keima hih ding nate hi a, tuate sem loin ka nusia kei ding hi.

Late 5:8

Topa aw, ka galte’ hangin na thumanna tawh hong makaih in la, ka mai-ah na lampi tangsak in.

Ezra 8:15

Ahava gam lamah lui gei khatah amaute ka khawm a, tua lai-ah ni thum ka taam uh hi. Mite leh siampite ka etphat ciangin Levi mite khat zong na om lo hi.

Jeremiah 10:23

Topa aw, mihing’ omdan ama’ uk theih hi lo hi, cih ka thei ta hi; ama’ kalsuan nading ama’ geel theih hi lo hi.

Isaiah 58:5

Maugua kun bangin na lu uh kunsakin, puanhampi leh vut tungah lumin, nomau na kiniamsak tawmnate uh kei’ deih antan’na sa na hi uh hiam? Hih bang hihna pen antan’na leh Topa’ san’ theih hi ci ding na hi uh hiam?

Isaiah 58:3

“Kote in an tang napi-in bang hangin hong mu lo na hi hiam? Kote kiniamkhiatin om napi-in bang hangin hong thei kha lo na hi hiam? ci uh hi. En un, note in an na tan’ ni-un nomau’ deihna na zong uh a, na nasemte uh na nengniam uh hi.

Isaiah 49:10

Amaute gil kial lo, dangtak lo ding uh a, huihsa in hita leh nisa in hita leh amaute sukha lo ding hi, bang hang hiam cih leh amaute a hehpihpa in amaute lamkaih ding a, lui tui kiangah amaute paipih ding hi.

Paunak 3:6

Na hihna khempeuh ah amah phawk in; tua hi leh lampi maan hong lak ding hi.

Thukhente 20:26

Tua ciangin Israel mite khempeuh, galkap vekpi paito-in Bethel-ah tungin kap uh hi; tua lai mun Topa’ mai-ah amaute tu-in nitak dong tua ni an tang uh a, Topa mai-ah meihal biakna leh thunuam-a biakna pia uh hi.

Siampi Laibu 16:31

Tua in note’ adingin a thupi tawlngakna sabbath hi a, nomau mah na kigawt ding uh hi; tua in a tawntunga thukham ahi hi.

Isaiah 35:8

Tua lai-ah lam lianpi khat om ding a, Lampi Siangtho kici ding hi; a siang lo mite in tua tung tawn ngei lo ding a, mi haite in tua lam a zui mite khialsak nawn lo ding hi.

Late 8:2

naungekte leh naupangte’ kam tawh kisa hi; gal na neih manin galte leh langpangte na daihsak nadingin panmun kip na bawl khin hi.

Ezra 8:31

Tua ciangin Jerusalem zuan dingin kha masa a ni sawm-le-nih ni-in Ahava lui panin ka dingkhia uh hi; i Pasian in eite hong ompih ahih manin lam kal-ah galte leh pan’simna a tuamtuamte tawh hong kipelhsak hi.

Gamlak-vakna 14:31

Ahih hangin galte in man ding na cih uh na tate uh, keimah in ka tumpih ding a, note in na thusim loh uh leitang amaute in mu ding uh hi.

Gamlak-vakna 14:3

Namsau tawh a si dingin bang hangin Topa in hih gamah kote hong paipih ahi hiam? Ka zite leh ka tate uh galte’ mat suak ding uh hi; Izipt ah ciahkik ding ko adingin hoihzaw ding hilo ahi hiam?” a ci hi.

Jonah 3:7

Tua ciangin amah in Nineveh khua sung khempeuh thu thang sak-in a tangko sak a, “Kumpipa leh uliante’ thu tawh: Mihing ahi-a ganhing ahi zongin, bawng hon ahi-a tuu hon ahi zongin, bang mah ciam thei lo ding, an ne thei lo ding, tuidawn thei lo ding uh hi.

2 KHANG TANGTHU NIHNATE 20:4

Tua ciangin Topa’ tung pan huhna zong dingin Judah mite hong kikhawm hi; Judah khuapi khempeuh panin Topa thu dong dingin amaute hong pai uh hi.

Nehemiah 9:1

Tua kha mah a ni sawmnih-le-li ni-in an tang dingin Israel mite kikhawm uh a, puanhampi silhin a lu tung uhah lei kibuak uh hi.

Esther 4:16

“Pai-in Susa khua sunga om Judah mi khempeuh khawm in la, keimah ngaihsutna-in an na tang un; a sun a zan ci loin ni thum sung an ne lo, tui dawn loin na om un. No tan’ mah bangin kei leh ka nasem numeite in zong ka na tang ding uh hi. Tua khit ciangin ngeina ahih loh hangin kumpipa kiangah ka va pai ding hi; ka sih leh zong a si ka hi ding hi,” a ci hi.

Late 5:9

Bang hang hiam cih leh amau sungah thuman om lo hi; amau lungsim ah siatna bek ngaihsun uh a, amau gawlgui in a kihongsa hankhuk tawh kibang hi. A leii uh tawh mawk phat uh hi.

Late 137:1

Zion khuapi i ngaihsut khak ciangin Babilon luite gei-ah eite tusukin i kapkap hi.

Jeremiah 42:3

Topa na Pasian in ka lam pai nading uh ahi zongin, ka nasep nading uh ahi zongin a hong lah nadingin thu hong ngetsak in,” a ci uh hi.

Daniel 9:3

An ngawlin, ippi puan silhin, vut lakah tu-in, Topa’ kiangah deihtakin thu ka ngen hi.