Ezra 7:9 - Tedim Bible

⁹ a kha masa a ni khat ni-in Babilon panin dingkhia dingin Ezra in a ni sehkhol a, a kha ngana a ni khat ni-in Jerusalem tung uh hi; bang hang hiam cih leh Pasian in amah ompih hi.

Tedim Bible Revision 2017

⁹ A kha masa a ni khat ni-in Babylon pan a ding khia dingin Ezra in a ni sehkhol a, a kha ngana a ni khat ni-in Jerusalem a tung uh hi; bang hang hiam cih leh Pasian in amah ompih hi.

Ezra 7:9 Referans Kwoze

Ezra 7:6

hih Ezra pen Babilon panin hong paito hi. Amah pen Israel Pasian, Topa in a piak Moses thukham a siam lai thei mi khat ahi hi; Topa ahi ama Pasian in ompih ahih manin ama nget khempeuh kumpipa in pia hi.

Nehemiah 2:8

leh biakinn hut nading mun muanhuai kongpi ding, leh khuapi kulh ding, leh ka om nading inn lam nadingin sing hong piak theih nadingin kumpipa’ tulak a kem Asaf tungah piak ding laikhak zong, kei tungah hong pia in,” ka ci hi. A dik ka Pasian in kei hong ompih ahih manin kumpipa in ka ngette hong pia hi.

Nehemiah 2:18

Tua ciangin a dik ka Pasian in kei hong ompihna leh kumpipa in kei tungah hong gen thute zong amaute tungah ka gen hi. Tua ciangin amaute in, “Tu-in nasep kipan ni,” hong ci uh hi. Tua ahih ciangin lawp mahmah leh ngimna hoih tawh nasep kipan uh hi.

Ezra 7:8

Kumpipa’ uk kum sagih a cin’ kum, a kha ngana sungin Jerusalem tung uh hi;

Ezra 8:22

Bang hang hiam cih leh kumpipa kiangah, “Ka Pasian un amah a zong mite khempeuh ompihin amau’ adingin a hoih na sem a, amah a nusiate khempeuh tungah amah heh hi,” ci-in gen khin ka hih manun lampi-ah kote hong kha dingin galkapte leh sakol tung tuangte kumpipa kiangah ka nget ding ka maizum hi.

Ezra 8:31

Tua ciangin Jerusalem zuan dingin kha masa a ni sawm-le-nih ni-in Ahava lui panin ka dingkhia uh hi; i Pasian in eite hong ompih ahih manin lam kal-ah galte leh pan’simna a tuamtuamte tawh hong kipelhsak hi.

Isaiah 66:14

Hih thu hong piang na muh uh ciangin na lungdam ding uh hi; na guhte uh lopano a hing kilkel tawh kibang ding hi. Tua ciangin ka nasemte tungah ka huhna, leh ka galte tungah ka hehna ka lahna thu na thei ding uh hi, ci hi.

Ezra 8:18

Tua hi a, hehpihna a nei eite’ Pasian in hong ompih ahih manin Levi mi Mahli-te beh sung panin thu ngaihsut siam mi ahi Sherebiah, a tapate leh a behte tawh pasal sawm-le-giat,

Ezra 8:32

Jerusalem khua ka tun’ uh ciangin ni thum sung ka tawlnga uh hi.

Late 80:18

Tua ciangin nang kiang panin kote ka kihei kik nawn kei ding uh hi; kote, hong nungtasak in, nangmah kong phat ding uh hi.