Ezra 7:6 - Tedim Bible

⁶ hih Ezra pen Babilon panin hong paito hi. Amah pen Israel Pasian, Topa in a piak Moses thukham a siam lai thei mi khat ahi hi; Topa ahi ama Pasian in ompih ahih manin ama nget khempeuh kumpipa in pia hi.

Tedim Bible Revision 2017

⁶ hih Ezra pen Babylon panin hong tung to hi. Amah pen Israel Pasian, Topa in a piak Moses thukham a siam lai thei mi khat ahi hi. Topa ahi ama Pasian in ompih ahih manin ama nget khempeuh kumpipa in a pia hi.

Ezra 7:6 Referans Kwoze

Ezra 8:22

Bang hang hiam cih leh kumpipa kiangah, “Ka Pasian un amah a zong mite khempeuh ompihin amau’ adingin a hoih na sem a, amah a nusiate khempeuh tungah amah heh hi,” ci-in gen khin ka hih manun lampi-ah kote hong kha dingin galkapte leh sakol tung tuangte kumpipa kiangah ka nget ding ka maizum hi.

Ezra 8:31

Tua ciangin Jerusalem zuan dingin kha masa a ni sawm-le-nih ni-in Ahava lui panin ka dingkhia uh hi; i Pasian in eite hong ompih ahih manin lam kal-ah galte leh pan’simna a tuamtuamte tawh hong kipelhsak hi.

Mattiu 28:20

Keimah in note kong piak thukham khempeuh a tan’ dingun na hilh ta un. Keimah in leitung a bei dongin note tawh ka omkhawm tawntung ding hi,” ci-in a vaikhak hi.

Nehemiah 2:18

Tua ciangin a dik ka Pasian in kei hong ompihna leh kumpipa in kei tungah hong gen thute zong amaute tungah ka gen hi. Tua ciangin amaute in, “Tu-in nasep kipan ni,” hong ci uh hi. Tua ahih ciangin lawp mahmah leh ngimna hoih tawh nasep kipan uh hi.

Nehemiah 2:8

leh biakinn hut nading mun muanhuai kongpi ding, leh khuapi kulh ding, leh ka om nading inn lam nadingin sing hong piak theih nadingin kumpipa’ tulak a kem Asaf tungah piak ding laikhak zong, kei tungah hong pia in,” ka ci hi. A dik ka Pasian in kei hong ompih ahih manin kumpipa in ka ngette hong pia hi.

Ezra 8:18

Tua hi a, hehpihna a nei eite’ Pasian in hong ompih ahih manin Levi mi Mahli-te beh sung panin thu ngaihsut siam mi ahi Sherebiah, a tapate leh a behte tawh pasal sawm-le-giat,

Ezra 7:21

“Tua hi a, kumpipa keimah Artakzaksis in Eufrates gungal gam sunga kumpi vankemte khempeuh tungah hih bangin thu ka pia hi: Vantung Pasian’ thukham a siam lai a thei, siampi Ezra in note tung panin a kisapna hong nget ciangin,

Ezra 7:9

a kha masa a ni khat ni-in Babilon panin dingkhia dingin Ezra in a ni sehkhol a, a kha ngana a ni khat ni-in Jerusalem tung uh hi; bang hang hiam cih leh Pasian in amah ompih hi.

Paunak 3:6

Na hihna khempeuh ah amah phawk in; tua hi leh lampi maan hong lak ding hi.

Thu-hilhkikna 28:1

“Note in Topa na Pasian uh thu mangin, tu ni-a note kongpiak ahi ama thupiakna khempeuh lim takin na zuih uh leh, Topa na Pasian un leitung minam dang khempeuhte sangin a lianzaw-in note hong bawl ding hi.

Thu-hilhkikna 4:5

En un, note in luah dingin na lutna gam sungah na zuih dingun Topa ka Pasian in kei hong thupiak bangin thukhamte leh ngeina kipte kong hilh khin zo hi.

1 KORIN MASA 15:1

Ute naute aw, note kiangah kong hilh ngei mah bangin na san’ uh a, na belh uh Lungdamna Thu kong zasak kik ding hi.

1 KORIN MASA 1:20

Lungpil mi koi-ah a om hiam? Laithei mi koi-ah a om hiam? Hih leitung thu kidong thei mi koi-ah a om hiam? Pasian in leitung pilna a haisak hilo ahi hiam?

Mattiu 13:52

Zeisu in, “Tua ahih leh, Vantung Gam thuzui a suak laithei khempeuh in sumkholna pan a thak leh a lui a lakhia thei inn teekpa tawh kibang uh hi,” a ci hi.

Isaiah 59:1

En un, a honkhia zo lo dingin Topa a ban tom lo a, khua a za thei lo dingin a bil ngong lo hi;

Isaiah 50:2

Bang hangin, kong pai ciangin mi khat zong om lo ahi hiam? Kong sap ciangin hong dawng ding khat zong om lo ahi hiam? Hong hon zo lo zah dingin ka khut tom lua ahi hiam? Tua ahih kei leh note khahkhiatna ding thahatna nei lo ka hi hiam? En un, keima taiina tawh tuipi ka keusak a, gunte pen sehnel gam ka suaksak hi; tui om loh manin a ngasate uih a, dangtakin si uh hi.

Late 45:1

Thubul hoih khat tawh keima lungsim hong dimlet-in, ka late kumpipa tungah ka sak a, ka leii in lai theipa’ laikung tawh kibang hi.

Nehemiah 12:36

leh ama behte Shemaiah, Azarel, Milalai, Gilalai, Ma-ai, Nethanel, Judah, Hanani-te, Pasian’ mi David’ lasakna nate tawh pai uh a, tuate lakah lai theipa Ezra masa hi.

Nehemiah 8:13

A ni nih ni-in thukham sin dingin siampite leh Levi mite tawh beh lutang khempeuh lai theipa Ezra kiangah hong kikhawm uh hi.

Nehemiah 4:15

Amau’ hong sawmna thu kote in ka phawkna uh leh Pasian in amau’ geelna a suksiatna thu ka galte un thei hi; tua ahih ciangin ka nasepna ciat uh kulh tungah ka vekpi-un ka kuankik uh hi.

Nehemiah 2:12

Tua ciangin zan-in vak khia-in mi tawmkhat ka tonpih hi; ahi zongin Jerusalem’ adingin ka bawlsak ding ka Pasian in ka lungsim ah hong suahsak thu kuama kiangah ka gen kei hi. Keima tuan’na sim loh ganhing dang ka kizuisak kei hi.

Ezra 6:22

Tua hi a, amaute in lungdamna tawh ni sagih sung silngo sawhloh anlum pawi bawl uh hi; bang hang hiam cih leh amau’ lungdam nading a om theih nadingin Topa in Assiria kumpipa’ lungsim amau tungah a nuam dingin bawlsak a, tua ahih manin Israel Pasian ahi Pasian’ inn a sepna uhah kumpipa in amaute huh hi.

Ezra 5:5

Ahi zongin Judah upate in Pasian’ vilna sungah nasem hi uh a, Darias’ kiangah a thu va tungin ama tung panin thu a kingah kik hun dong a nasep zomna uh kikhaktan lo hi.

Jeremiah 8:8

“Bangci bangin note in, ‘Ko ka pil uh a, Topa’ thukham ka nei uh hi,’ ci thei ding na hi uh hiam? En un, thuman lo laitheite in tua thukham zuauthu a suah uh hi.

Nehemiah 12:26

Hih in Jozadak’ tapa Jeshua, a tapa Joiakim’ hun leh gam ukpa Nehemiah leh siampi hi-in lai theipa zong ahi Ezra-te’ hun lai-a vaihawmna ahi hi.

Nehemiah 8:9

Tua ciangin gam ukpa Nehemiah, leh lai theipa lah hi-in siampi lah ahi Ezra, leh mite a hilh Levi mite in amaute khempeuh kiangah, “Tu ni in Topa note’ Pasian adingin biakna ni siangtho ahi hi; a kap a mau om kei un,” a ci uh hi. Bang hang hiam cih leh thukham kammalte a zak uh ciangin mi khempeuh kap uh hi.

Nehemiah 8:4

Tua ciangin thugen nadinga sing tawh kibawl tau tungah lai theipa Ezra dingto a, ama taklam pangah Mattithiah, Shema, Anaiah, Uriah, Hilkiah, leh Ma-aseiah ding uh a, a veilam pangah Pedaiah, Mishael, Malkhijah, Hashum, Hashbaddanah, Zekhariah leh Meshullam ding uh hi.

Piancilna 32:28

Tua ciangin amah in, “Na min Jakob kici nawn loin Israel kici ding hi, bang hang hiam cih leh Pasian leh mite tawh na kilai khin a, na zo hi,” ci hi.

Mattiu 23:2

“Farisaite leh laitheite in Moses’ tokhom tungah a tu uh hi.

Ezra 7:5

a pa Abishua, a pa Finehas, a pa Elazar, a pa, siampi lian Aaron—

Nehemiah 8:1

Tua ciangin Tui kongpimai tualpi ah mi khempeuh khe khat khai bangin hong kikhawmtuah diam hi; tua ciangin Topa in Israel mite tungah a piak ahi, Moses’ thukham laibu pen lai theipa Ezra in hong paipih nadingin gen uh hi.

Ezra 8:1

Kumpi Artakzaksis’ uk hun sungin Babilon panin kei tawh hong ciahto khawm a behbeh-in a kiciamteh beh lutangte in:

Nehemiah 9:13

Sinai Mual tungah kumsukin, vantung panin amaute hopihin, amaute tungah a man thukhenna, thukham taktak, a hoih ngeinate leh thupiaknate na pia a,

Late 80:18

Tua ciangin nang kiang panin kote ka kihei kik nawn kei ding uh hi; kote, hong nungtasak in, nangmah kong phat ding uh hi.

Late 109:27

Topa aw, hih pen nangma bawl, nangma khut in a sep ahihna amaute thei sak in!

Late 147:19

Amah in Jakob tungah ama thu gen a, Israel tungah ama ngeina kipte leh ama biakna ngeina kipte a gen hi.