Ezra 7:5 - Tedim Bible

⁵ a pa Abishua, a pa Finehas, a pa Elazar, a pa, siampi lian Aaron—

Tedim Bible Revision 2017

⁵ a pa Abishua, a pa Finehas, a pa Eleazar, a pa siampi lianpen pa Aaron:

Ezra 7:5 Referans Kwoze

Hebru 5:4

Pasian in Aaron a sap bangin a sap mite longal, kuamah in tua za a lian a la thei kei ding hi.

2 KHANG TANGTHU NIHNATE 26:20

Tua ciangin siampi lian Azariah leh siampi khempeuh in amah a et uh ciangin a taltangah phak natna na nei hi. Tua ciangin amaute in manlang takin amah sawnkhia uh a, Topa in amah vat khin ahih manin amahmah zong a paikhia dingin nawhtat hi.

2 KHANG TANGTHU NIHNATE 19:11

En un, Topa’ thu tawh kisai thute khempeuh ah siampi lian Amariah in no tungah om hi, tua ciangin kumpipa tawh kisai thute khempeuh ah Judah mite a ukpa Ishmael’ tapa Zebadiah om hi; tua ciang Levi mite in note tungah ulian na hong sem ding uh hi. Hang takin gamta un, thumante tawh Topa hong om ta hen!” a ci hi.

1 KHANG TANGTHU MASATE 6:4

Eleazar suan leh khakte in: A tapa Finehas, a tapa Abishua,

Thukhente 20:28

Aaron’ tapa Eleazar’ tapa Finehas in tua mai-ah tua hunin na sem hi), “Ka sanggamte uh Benjamin mite a do dingin pai kik lai ding ka hi uh hiam, tua ahih kei leh khawl ding ka hi uh hiam?” a ci uh hi. Topa in, “Paito un; bang hang hiam cih leh zing ciangin amaute na khut sung uh ah kong pia ding hi,” a ci hi.

Joshua 24:33

Tua ciangin Aaron’ tapa Eleazar si hi; tua ciangin amaute in Efraim mualtung gam sunga ama tungah a kipia, ama tapa Finehas’ khua Gibeah-ah vui uh hi.

Joshua 22:31

Tua ciangin siampi Eleazar’ tapa Finehas in Reuben mite leh Gad mite leh Manasseh mite tungah, “Topa tungah note zuautat nai lo na hih manun eite lakah Topa om hi, ci-in tu ni-in i thei hi; tu-in note in Topa’ daantah nading panin Israel mite na honkhia uh hi,” a ci hi.

Joshua 22:13

Tua ciangin Israel mite in Gilead gam-a om Reuben mite leh Gad mite leh Manasseh minam a langte kiangah siampi Eleazar tapa Finehas,

Joshua 14:1

Hihte in, siampi Eleazar, leh Nun tapa Joshua, leh Israel minam sung pan beh lutangte in amaute tungah a piak Kanaan gam sungah Israel mite’ ngah gamhte ahi hi.

Gamlak-vakna 31:54

Moses leh siampi Eleazar in tul tampi leh za tampite a uk mite tung panin khamte sang a, Israel mite adingin Topa mai-ah phawk tawntungna-in kikhopna buk sungah paipih hi.

Gamlak-vakna 31:31

Topa in Moses a thupiak bangin Moses leh siampi Eleazar in hih uh hi.

Gamlak-vakna 31:6

Moses in amaute’ minam khat panin tul khat ciat leh biakinn nate leh pataukoh nadingin peengkulte siampi Eleazar’ tapa Finehas kengsakin gal sungah kuansak khawm hi.

Gamlak-vakna 27:2

Amaute, Moses mai leh siampi Eleazer mai leh makaite mai leh mihonte khempeuh mai, kikhopna buk kongah ding uh a,

Gamlak-vakna 3:32

Siampi Aaron’ tapa Eleazar in Levi mi makaite tungah a ukpi hi ding a, biakinn a en mite’ nasepna vaan ding hi.

Siampi Laibu 10:16

Tu-in Moses in khialhna hanga biakna keel tawh kisai lim takin kan a, en un, na kihal mawk hi. Aaron’ tapate a om lai Eleazar leh Ithamar tungah amah heh a,

Siampi Laibu 10:12

Moses in Aaron leh a om lai a tapate Eleazar leh Ithamar kiangah, “Topa tungah meihal biakna sung panin a val lai ahi an tawh biakna la un la, tua in a siangthopen ahih manin silngo sawhlohin biakna tau gei-ah ne un;

Siampi Laibu 10:6

Moses in Aaron leh a tapate Eleazar leh Ithamar kiangah, “Na lu uh a, na sam uh phiahsak kei un la, na puante uh balkeek kei un, na hih uh leh note si-in, mihonte khempeuh tungah Topa’ hehna hong tung ding hi; ahih hangin na sanggamte uh, Israel innkuan buppi pen, Topa’ tawhkuangsa mei katna hangin thuum thei ding uh hi.

Paikhiatna 6:25

Aaron tapa Eleazar in Putiel’ tanute khat zi-in la hi; tua nu in amah tawh Finehas nei hi. Hihte in a innkuan kuanin Levi mite’ beh lutangte ahi hi.

Ezra 7:4

a pa Zerahiah, a pa Uzzi, a pa Bukki,

Ezra 7:6

hih Ezra pen Babilon panin hong paito hi. Amah pen Israel Pasian, Topa in a piak Moses thukham a siam lai thei mi khat ahi hi; Topa ahi ama Pasian in ompih ahih manin ama nget khempeuh kumpipa in pia hi.