Ezra 7:21 - Tedim Bible

²¹ “Tua hi a, kumpipa keimah Artakzaksis in Eufrates gungal gam sunga kumpi vankemte khempeuh tungah hih bangin thu ka pia hi: Vantung Pasian’ thukham a siam lai a thei, siampi Ezra in note tung panin a kisapna hong nget ciangin,

Tedim Bible Revision 2017

²¹ “Tua hi a, kumpipa keimah Artakzaksis in Eufratis Gun gal gam sunga om kumpi vankemte khempeuh tungah hih bangin thu ka pia hi: Vantung Pasianʼ thukham a siam lai a thei, siampi Ezra in note tung panin a kisapna hong nget ciangin,

Ezra 7:21 Referans Kwoze

Ezra 7:6

hih Ezra pen Babilon panin hong paito hi. Amah pen Israel Pasian, Topa in a piak Moses thukham a siam lai thei mi khat ahi hi; Topa ahi ama Pasian in ompih ahih manin ama nget khempeuh kumpipa in pia hi.

Ezra 4:16

Hih khuapi kilam kikna a kulhte kizo khin leh Eufrates gungal gam na uk nawn loh nading thu, nangma tungah kong theikhol sak uh hi,” a ci uh hi.

Ezra 6:6

Tua ciangin kumpi Darias in hih bangin thupia hi: “Tu-in, Eufrates Gungal gam a uk Tattenai, Shetharbozenai, leh Eufrates Gungal gam sung a vaan na lawmte, tua mun panin na kihemkhia ding uh hi;

Ezra 4:20

A vanglian kumpite in Jerusalem ah uk ngei-in, Eufrates Gungal gam bup tungah aana zang uh a, siah leh mangmu leh losapte tua kumpite tungah kipia hi.

Ezra 7:1

Hih thu teng khit ciangin Persia kumpipa Artakzaksis uk hun sungin Ezra, a pa Seraiah, a pa Azariah, a pa Hilkiah,

Ezra 7:22

ngun talen zakhat, mangbuh seu zakhat, leenggahzu tambong zanih, sathau tambong zanih ciang, leh ci a deih zahzah na pia ding uh hi.

Ezra 8:36

Amaute in, Eufrates Gungal gam sung tenga kumpipa’ nuai-ah a uk sawn a lianpente leh uliante tungah kumpipa’ thupiaknate zong va gen uh hi; tua hi a, amaute in mite leh Pasian’ innlam nasep huh uh hi.

Nehemiah 2:7

Tua ciangin kumpipa kiangah, “Kumpipa na thukim leh, Judah gam ka tun’ dong amaute in kei hong paisuak sak theih nadingun Eufrates Gungal gamsung a uksawn mite ka piak ding laikhakte,

Daniel 6:26

Ka gam sunga om mi khempeuh in Daniel’ Pasian kihta-in a zahtak nadingun thu ka pia hi. “Bang hang hiam cih leh, Amah in a nungta Pasian hi a; atawntungin a uk ding hi. Ama gam in kisia ngeilo ding a, a vangliatna a bei ngei kei ding hi.

Late 119:4

Nangma thuhilhte limtak-a zuih dingin thu nong pia hi.