Ezra 7:13 - Tedim Bible

¹³ Ka lungsim khentatna in hih bang ahi hi. Ka gam sunga om Israel mi khatpeuh ahi a, a siampite ahi uh a, Levi mite ahi zongin, Jerusalem ah a painuam khempeuh in nang hong zuih theih nadingun thu ka pia hi.

Tedim Bible Revision 2017

¹³ “Ka lungsim khensatna hih bang ahi hi: Ka gam sunga om Israel mi khatpeuh ahi a, a siampite uh ahi a, Levi mite ahi zongin, Jerusalem ah a ciahkik nuam khempeuh in nang hong zuih theih nadingun thu ka pia hi.

Ezra 7:13 Referans Kwoze

Ezra 6:1

Tua ciangin Kumpipa Darias in thupia a, Babilon khua sunga lai manphate a kisen’na innte sung kizong hi.

Mangmuhna 22:17

Kha Siangtho leh a kipi Mo in, “Hong pai in!,” ci-in a gen uh hi. A za mi in zong, “Hong pai in,” ci ta hen. A dangtak mi hong pai ta hen. A dawn nuam mi in nuntakna tui man pia loin dawn ta hen.

Filippi 2:13

Bang hang hiam na cih uh leh, note in ama deihna bangin na sepnop nading uh leh na sep theih nadingun Pasian mahmah in nomau sungah hong sem ding hi.

Late 148:6

Amaute a tawntung a om dingin amah in kipsak hi; a palsat loh ding uh thupiakna amah in a bawl hi.

Late 110:3

Na mihonte mual siangtho tungah na makaih ciangin, utna lungsim tawh na mite hong kipia ding uh hi. Daitui bangin zingsang ciangin na khangnona nangma tungah hong tung ding hi.

Esther 9:14

Tua ahih manin tua banga a hih nadingin kumpipa in sawl hi; Susa khuapi sungah hih thu suakkhiasak a, khuam tungah Haman’ tapa sawmte kikhai hi.

Esther 3:15

Kumpipa’ thupiakna tawh laitaite kinawh sawl a, hih thupiakna pen kumpi khua Susa khuapi panin a kihawmkhia ahi hi. Kumpipa leh Haman zu ne-in om uh a, ahi zongin Susa khuapi sung buai mahmah hi.

Ezra 5:13

Ahi zongin Babilon kumpipa Sairas’ uk a kum khatna kumin hih Pasian’ inn a kilamkikna ding amah in thupia hi.

Ezra 1:3

Note’ lakah ama mi peuhmah a Pasian in ompih hen la, Judah gam sung Jerusalem khua-ah paito hen la, Israel Pasian, Topa’ inn lam kik hen— amah in Jerusalem ah a om Pasian ahi hi;

2 KHANG TANGTHU NIHNATE 30:5

Tua ahih ciangin mite hong pai-in Israel Pasian, Topa adingin Jerusalem ah Paisan Pawi a bawl nadingun Be-ersheba panin Dan ciang dong Israel sung khempeuh ah taangkona khat a bawlna ding uh thukhentatna khat bawl uh hi; bang hang hiam cih leh bawl dinga a kigen bangin amaute in a lianpi-in bawl ngei lo uh hi.

Daniel 6:26

Ka gam sunga om mi khempeuh in Daniel’ Pasian kihta-in a zahtak nadingun thu ka pia hi. “Bang hang hiam cih leh, Amah in a nungta Pasian hi a; atawntungin a uk ding hi. Ama gam in kisia ngeilo ding a, a vangliatna a bei ngei kei ding hi.