Ezra 7:12 - Tedim Bible

¹² “Kumpite’ kumpi ahi Artakzaksis kiang panin vantung Pasian’ thukham a siam, siampi hi-in lai theipa lah ahi Ezra tungah:

Tedim Bible Revision 2017

¹² “Kumpiteʼ kumpi ahi Artakzaksis kiang panin vantung Pasianʼ thukham a siam, siampi hi-in lai thei pa lah ahi Ezra tungah:

Ezra 7:12 Referans Kwoze

Daniel 2:37

Kumpipa aw, kumpi khempeuh lak pan nang a lianpen na hi hi. Vantung Pasian in nang kumpi-in hong koih a, ukna, vangliatna, thahatna leh minthan’na hong pia hi.

Ezekiel 26:7

“Tua ciangin kumpi khempeuh lak panin a lianpen ahi Babilon kumpipa Nebukhadnezzar, nang Tai-ar khuapi a sim dingin kong paipih ding hi. Amah leilu lam gam pan hong kipanin galkap honpi, sakolte leh a leengte, leh sakol galkap honte hong tonpih ding hi.

Ezra 4:17

Tua ciangin kumpipa in hih bangin a lai uh thuk hi: “Menzipipa Rehum, lai-atpa Shimshai, leh Samaria leh Eufrates gungal gam sunga om na lawmte khempeuh uh tungah hopihna lai kong khak hi.

Mangmuhna 19:16

Ama puanza tung leh a phei tungah, “kumpite’ Kumpi, topate’ Topa” ci-in min a kigelh hi.

Mangmuhna 17:14

Amaute in Tuuno tawh a kido uh ciangin Tuuno in amau a zo gawp ding hi. Bang hang hiam na cih uh leh, amah in topate’ Topa, kumpite’ Kumpipa ahi hi. Kiteelkhia, kisamin, thuman mi ahi Topa tawh a omkhawm mite in zong a zo gawp ding uh hi,” ci-in kei kiangah hong gen hi.

1 TIMOTI MASA 6:15

Sihna tawh kipelh mi khat bek ahi, kuamah in a naih theiloh khuavak sungah om a, kuamah in a muh ngei loh, a muh theih loh, thupha a ngah Topa khat bek ahi kumpite’ Kumpipa, topate’ Topa in ama ciamtehna hun hong tun’ ciangin tua Topa’ hong kilat khiatna hong lak ding hi. Tua Pasian in pahtawina, vangliatna ngah tawntung ta hen. Amen.

Daniel 2:47

Kumpipa in, “Hih thu thukpi hong gen thei na hih manin na Pasian in thu thuk a lak, pasian khempeuh sung pan a lianpen, kumpite tunga Topa ahi hi,” a ci hi.

Isaiah 10:8

bang hang hiam cih leh amah in, “Ka galkap mangte pen kumpi vive hi khin hilo ahi hiam?

1 KUMPI MASATE 20:1

Siria kumpipa Benhadad in ama galkapte khempeuh khawm hi; amah tawh kumpi sawmthum-le-nih, leh sakolte leh leengte om hi; amah paito-in Samaria umcihin sim hi.

1 KUMPI MASATE 4:24

Bang hang hiam cih leh amah in Eufrates nitumna lam gamsung khempeuh Tifsah panin Gaza ciang dong, Eufrates nitumna lam pang kumpi khempeuh tungah ukna nei hi; ama kiim mun khempeuh ah kilemna om hi.

Ezra 7:1

Hih thu teng khit ciangin Persia kumpipa Artakzaksis uk hun sungin Ezra, a pa Seraiah, a pa Azariah, a pa Hilkiah,

Ezra 7:6

hih Ezra pen Babilon panin hong paito hi. Amah pen Israel Pasian, Topa in a piak Moses thukham a siam lai thei mi khat ahi hi; Topa ahi ama Pasian in ompih ahih manin ama nget khempeuh kumpipa in pia hi.

Ezra 7:11

Kumpi Artakzaksis in siampi ahi, lai theipa lah ahi, Israelte’ adingin Topa’ thupiaknate leh thukhamte a siam Ezra tungah a piak lai in hih bang ahi hi:

Ezra 1:2

“Persia kumpipa Sairas in hih bangin ci hi: Vantung Pasian, Topa in leitung kumpi gam khempeuh keima tungah hong piakhin a, Judah gam sung Jerusalem khua ah ama adingin inn khat ka lamsak ding hong sawl hi.